#БороҕоннооҕуРЭСиһитиннэрэр

⚡️Ахсынньы 19 күнүгэр 10 кВ күүрүүдээх Эһэлээх уот ситимигэр былааны таһынан үлэ оҥоһулларынан, күнүс 12.00-тэн 12.30 чааска диэри Бороҕоҥҥо Жилой кварталга уонна Хомустаах бөһүөлэгэр уоту быстах кэмҥэ араарыахтара.

⚡️Ахсынньы 23 күнүгэр 35 кВ күүрүүлээх Маҥан Өтөх подстанциятыгар былааны таһынан үлэ оҥоһулларынан, күнүс 13.00 чаастан 15.00 чааска диэри Саһылыкааҥҥа уоту араарыахтара.

✅@uamurusahargata @ulusmedia

⏺ Хомустаах бөһүөлэгэр саҥа хочуолунай үлэҕэ киирбитэ аҕыйах сыл буолла. Билэр дьон саҥа оһохтор кыамталара улахан, онон бөһүөлэк олохтоохторо бары да киинтэн ититиигэ холбоннохторуна, хочуолунай кыайар дииллэр.

Ааспыт нэдиэлэҕэ биэс ыал ититиигэ холбонон абыранна, үөрүүлэрэ үрдээтэ. Ону тэҥэ оскуолабыт директора Николай Копырин эккирэтиһэн, ДьУоКХ тэрилтэтин кытта дуогабардаһан, күн бүгүнүгэр диэри бэйэтин дьоҕус хочуолунайынан оттунан олорбут үөрэх тэрилтэтэ киинтэн ититиигэ холбонно.

Оскуолабыт сылаас буоларыгар улуус баһылыга Василий Аммосов, үөрэх управлениетын начальнига Степан Литвинцев, Лөгөй нэһилиэгин баһылыга Николай Попов кыһаллан-мүһэллэн, тиийбэт матырыйааллары быһаара охсон, кылгас кэм иһигэр күүстээх үлэ барда.

Тымныыны тымныы диэбэккэ үлэлээбит ДьУоКХ уолаттарыгар, салайааччыларбытыгар оскуола коллективын аатыттан махтанабыт.

Аны эһиил баччаҕа бөһүөлэк 100% ититиигэ холбонон олорор буоларын эрэнэ күүтэбит.

✍️ Яна Новгородова, уопсас. кэрэсп.

✅ @uamurusahargata @ulusmedia