👏 Уус Алдаҥҥа Роман Алексеев — Бөҕө Арамаана “Алаатыыр Ала Туйгун” олоҥхотун бастакы үйэтэ — “Кыыс Ньургун” олоҥхо-испэктээк – ахсынньы 16 күнүгэр бар дьон дьүүлүгэр таҕыста.

Олоҥхонон дьүһүйүү 1 чаас 20 мүнүүтэлээх туруоруу буолла. Манна барыта сүүсчэкэ киһи кыттыыны ылла. Туруорааччы режиссер – биир дойдулаахпыт Роман Атласов.

🎭Сүрүн оруолларга:

Кыыс Ньургун бухатыыр – Алена Давыдова
Оҕо Очуостаан – Юрий Стручков
Хаадыат Мохсоҕол – Айаал Вырдылин
Кыыс Ньургун ийэтэ – Анна Федорова
Кыыс Ньургун аҕата – Александр Бурцев
Чугдаарыкы Тойон – Александр Гоголев
Айыы Нэлбигий удаҕан – Марфа Алексеева
Сорук Боллур – Айсен Старков
Күөнтэ Хара бухатыыр – Василий Черкашин
Хамсык Хара удаҕан – Лена Жиганюк
Сиэмэх Дьэгистэй удаҕан – София Сидорова
Тимир Сигиди бухатыыр – Павел Аммосов
Бухатыырдар тойонноро — Иван Тордуянов.

Испэктээги көрөөччүлэр биир тыынынан көрдүлэр, тойуктар, үҥкүүлэр, музыка, экраҥҥа көстүү, уот-күөс, көстүүм киэргэппиттэрин бэлиэтээтилэр. Артыыстар уобарастарын толору арыйбыттарын биллэрдилэр.

Испэктээк “Олоҥхо ыһыаҕын өрөгөй ырыатынан” өрө күүрүүлээхтик түмүктэннэ. Олоҥхо улуустааҕы ассоциациятын бэрэссэдээтэлэ Анатолий Сторожев Роман Атласовы, Алена Давыдованы, “Олоҥхо дьиэтэ” этно-культурнай киин коллективын махтал суруктарынан бэлиэтээтэ.

Олоҥхоһут Роман Алексеев сыдьааннара хас биирдии тэрийсибит дьоҥҥо, сүрүн артыыстарга махтал суруктары, ааптар кинигэлэрин бэлэх ууннулар.

✍️Елизавета Данилова, “Олоҥхо дьиэтэ” ЭК киин уус-уран салайааччыта

✅@uamurusahargata @ulusmedia