❓ Санаа ситимэ: от үүннэ дуо?

Сүөһүлээх-астаах тыа дьонугар күнү-дьылы баттаһа от кэмэ тиийэн кэллэ. Быйыл сааскыттан кураан күннэр турдулар. Онон от үүнүүтүн боппуруоһа долгутар. Улууспут отчуттарыттан окко хаһан киирэллэрин, төһөнү оттуур былааннаахтарын, от төһө үһүммүтүн сурастыбыт.

✅ @uamurusahargata @ulusmedia

🤩Уус Алдаҥҥа оскуоланы мэтээлинэн бүтэрбит оҕолору чиэстээтилэр

Бүгүн улууспут орто оскуолаларын кыһыл, үрүҥ көмүс мэтээлинэн бүтэрбит выпускниктары чиэстиир үөрүүлээх тэрээһин буолла. 2023-2024 үөрэх дьылыгар улуус 23 орто оскуолатын 228 үөрэнээччи бүтэрэн бу күннэргэ орто оскуоланы бүтэрбиттэрин туоһулуур аттестаттары илиилэригэр туттулар. Бу оҕолор ортолоругар улуус, республика киэн туттар үөрэнээччилэрэ, араас таһымнаах научнай-практическай конференциялар, ааҕыылар, олимпиадалар кыайыылаахтара, биллэр спортсменнар бааллар.

Быйылгы выпускниктартан кыһыл көмүс мэтээли 9 үөрэнээччи, үрүҥ көмүс мэтээли 11 оҕо ситистилэр. Үтүмэн сыранан оскуоланы мэтээлинэн бүтэрэр үрдүк чиэскэ тиксибит оҕолору, учууталлары, төрөппүттэри Уус Алдан улууһун баһылыга Василий Аммосов эҕэрдэлээтэ, дохсун ытыс тыаһын ортотугар мэтээллэри туттарда.

Василий Иванович быйыл Биир кэлим экзамены 90-100 баалга туттарбыт үөрэнээччилэргэ, кинилэри бэлэмнээбит учууталларга харчынан бириэмийэ олохтообута. Онон Биир кэлим экзамеҥҥа литератураҕа 94, саха тылыгар уонна литературатыгар 92 баалы ылбыт Лөгөйдөөҕү лицей интернат выпускницата Айгыына Бурнашеваҕа 50 тыһыынча суумалаах икки сертификатынан наҕараадалаата. Итиэннэ Айгыынаны литератураҕа үөрэппит Лөгөйдөөҕү лицей интернат нуучча тылыгар уонна литературатыгар учуутала Надежда Бурнашеваҕа, саха тылыгар уонна литературатыгар үөрэппит Лөгөйдөөҕү лицей интернат саха тылыгар уонна литературатыгар учуутала Валентина Тищенкоҕа эмиэ 50 тыһыынча суумалаах сертификаты туттарда. Салгыы улуустааҕы үөрэх салалтатын начаалынньыга Степан Литвинцев медалистар төрөппүттэригэр, кылаас салайааччыларыгар махтал суруктары туттарда.

Выпускниктар ааттарыттан харда тылы этэр чиэс Айгыына Бурнашеваҕа бэрилиннэ. Оттон төрөппүттэр ааттарыттан эҕэрдэ тылы Мүрүтээҕи уолаттар гимназияларын төрөппүтэ Аграфена Гаврильева эттэ.

Сиһилии Мария Аргунова
👉БАТТАА

✅ @uanurusahargata @ulusmedia