Леонид Спиридонов, СӨ спортка уонна физическэй культураҕа министирэ: "Бороҕон - өрөспүүбүлүкэ быйылгы күрэхтэһиилэрин сүрүн түһүлгэтинэн буолуоҕа".

- Өрөспүүбүлүкэ бөдөҥ спортивнай диэйэтэлэ, тэрийээччитэ Николай Тарскай 100 сылынан улахан күрэхтэһиилэри Бороҕоҥҥо ыытарга быһаардыбыт.

Ол курдук бастакы күрэхтэһиибит көҥүл тустууга өрөспүүбүлүкэ чөмпүйэнээтэ саҕаланна. Манна уопсайа 186 спортсмен, 25 судьуйа кэллилэр.

Волейболга өрөспүүбүлүкэ чөмпүйэнээтэ эмиэ Бороҕоҥҥо ыытыллыаҕа. Итини тэҥэ "Азия оҕолоро" спортивнай оонньуулар волейболга сүүмэрдиир күрэхтэһиитэ буолуоҕа.

Саҥа үлэҕэ киирбит спортивнай уораҕайга өрөспүүбүлүкэ мини футболга чөмпүйэнээтэ ыытыллыаҕа.

Чэпчэки атлетикаҕа өрөспүүбүлүкэ чөмпүйэнээтэ Бороҕон стадионугар буолуоҕа.
Маны тэҥэ оҕолорго чэпчэки атлетикаҕа өрөспүүбүлүкэҕэ бастыыр иһин күрэхтэһии тэриллиэҕэ.

Онон быйыл Бороҕоҥҥо спортивнай тэрээһиннэринэн эмиэ умнуллубат сыл күүтэр.

✅ @uamurusahargata
@ulusmedia

🤼Көҥүл тустуу түһүлгэтин үөрүүлээх арыллыытыгар Николай Николаевич Тарскай аймаҕа Петр Охлопков күндү ыалдьытынан буолла.

✅ @uamurusahargata @ulusmedia