#бассаап

💠 Уус Алдан оройуонугар Кыайыы ыһыаҕын тэрээһинин мунньаҕын уурааҕынан Мүрү алааһыгар Кыайыы ыһыаҕа 1945 сыл бэс ыйын 20-21 күннэригэр ыһыллыбыт.

Ыһыах бэлэмигэр 10628 киһи мустан оонньоон, көрүлээн атаарбыттар. 52 сүөһү этин, 750 киилэ арыыны, 189.89 центнер кымыһы аһаабыттар. Илии-атах оонньуутугар эр киһилиин, дьахтардыын уонна оҕолуун 670 киһи кыттыбыт. Барыта 75 ат, биэ, атыыр сүүрбүт.

Кыайыы ыһыаҕын Иркутскайдааҕы киинэ хроникатын устуудьуйата үйэтиппит. Киинэ ааптара уонна режиссера – В. Стрельцов, оператор – В. Громоздинскай, тиэкиһи Н. Тенганьев аахпыт. Киинэ 1946 сыллаахха тахсыбыт. Бу документальнай киинэ оччотооҕу ыһыах туһунан суос- соҕотох киинэ эбит.

✅ t.iss.one/murusahargata @ulusmedia

💠 Уус Алдан улуустааҕы ИДьО-гар нэдиэлэ устатыгар (12.06. – 19.06.) араас хайысхалаах 39 сайабылыанньа киирбит. Ол иһигэр эт-хаан эчэйиитин ылан "Суһал көмөҕө" көрдөрүү – 15, арыгылааһын, дьиэҕэ айдаарыы туһунан – 7, уоруу, түөкүннээһин, сүтэрии туһунан – 3, ГАИ линиятынан рапорт – 1, полиция сотруднигар утарылаһыы туһунан – 1, тэрилтэ охраннай сигнализацията үлэлээбитин туһунан – 1, атын улуустан, куораттан кэлии иһитиннэриилэр, араас үҥсүүлэр – 9.

Нэдиэлэ устата 48 саалаах киһи бэрэбиэркэлэммит, биир саа ылыллыбыт.

Нэдиэлэ устата 60 араас хайысхалаах административнай боротокуол толоруллубут, онтон уопсастыбаннай сиргэ итирик туруктаах сылдьыы – 3. Төрөппүт эбээһинэһин ситэ толорбот буолуу – 1. Эт хаан эчэйиитин таһаарыы – 1.

📕Паспортнай линиянан 3 боротокуол толоруллубут.

🚔 ГАИ линиятынан 514 массыына бэрэбиэркэлэммит, онтон 50 суоппарга административнай боротокуол толоруллубут. Уруулга 4 суоппар итирик туруктаах олорон тутуллубут.

⏺ Нэдиэлэ устата холуобунай дьыала тэриллибэтэх.

✅ t.iss.one/murusahargata @ulusmedia