#ыһыыхампаанньата

💠 Улууска бурдук ыһыыта түмүктэннэ

Быйыл саас элбэх уулаах уонна ыам ыйа тымныы буолан, ыһыы үлэтигэр кыра бытаарыы буолла. Ол эрээри, бурдугу үүннэрээччилэр онтон хомойботтор, саамай үчүгэйэ – сир балачча сииктээх. Күһүҥҥүтэ кураан буоллар эрэ, үчүгэй үүнүүнү ылыахпыт диэн эрэл санаалаахтар.

Элбэх ыһыы иэннээх “Биэттэ АГРО” ХЭТ, “Илларионов” хаһаайыстыба сааскы үлэлэрин бэс ыйын 1 күнүгэр түмүктээтилэр. Ол курдук бу икки хаһаайыстыба быйыл 560-нуу гааҕа ыһыы иэннээхтэр. Урукку сыллары кытта тэҥнээн көрдөххө, былырыын уонна быйыл ыһыы икки сыллааҕыттан үс күнүнэн хойутаан түмүктэннэ. Былырыын сааскы ардах мэһэйдээбитэ, быйыл олус халыҥ хаардаах, онно эбии ыам ыйа тымныы буолан бааһына бытааннык куурда.

Төһө да оннук буоллар, быйыл бурдук ыһыытын эрдэ түмүктээбит баар. Ол курдук Элэһиҥҥэ Михаил Алексеев 12,5 га иэннээх бааһынатыгар эбиэһи ыам ыйын 18 күнүгэр ыһан бүтэрбитэ. Оттон улуус үрдүнэн быйыл 1300 гааҕа туо-раахтаах култуура ыһылынна. Мантан 236,7 гааҕа сэлиэһинэй, 1063,7 гааҕа эбиэс өҥ буору буллулар. Итини тэҥэ сүөһү аһылыгар анаан 167,03 гааҕа араас култуура ыһылынна. Ол курдук 2,850 гааҕа судан ото, 20 гааҕа подсолнух, 916,6 гааҕа эбиэс олордулунна.

✍️ Афанасий Сектяев

☑️ Сиһилии: https://мюрюгазета.рф/article/98800 эбэтэр комментарийдарга

✅ t.iss.one/murusahargata @ulusmedia

#бэлиэкүн

💠 Улуус ураты дьоҕурдаах 34 оҕото бэлиэтэннэ

🎈🎉🎊Оҕо көмүскэлин күнүгэр Майаҕатта Бэрт Хара стадиоҥҥа ураты дьоҕурдаах оҕолор парадтара тэрилиннэ.

Манна улуус 29 уһуйааныттан, үс оскуола-сад оскуола иннинээҕи бөлөҕүттэн 34 оҕо талыллан, иитээччилэрин кытта анал ааттарын үөрүүлээх быһыыга-майгыга туттулар.

📸 Ольга Шепелева

✅ t.iss.one/murusahargata @ulusmedia