💫Ахсынньы 13 күнэ

♈️Хой

Үлэҕэр саҥа тургутуулары ааһыаҥ. Бастакы уочарат тугу оҥоруохтааххын сөптөөхтүк сып-сап быһаарыннаххына, барыта тута табыллыа.

♉️Оҕус

Үлэҕэр сыһыаннаах баҕа санааҥ туолуо. Ситиһии, өрөгөй – эн диэки, онон тоҕоостоох түгэни мүччү тутума.

♊️Игирэлэр

Саҥа дьону кытта билистэххинэ, бары эрэллээх буолбатахтарын өйдөөр. Сэрэхтээх, болҕомтолоох буол.

♋️Рак

Урукку сиппэтэх дьыалаларгын ситэрэргэ тоҕоостоох күн. Улахан суолталаах быһаарыныыны ылынартан куттаныма.

♌️Хахай

Үлэҕэр мөккүөрдээх түгэн үөскүөн сөп. Онуоха эн холку буола сатаар уонна бэйэҥ көрүүҥ, этииҥ сөптөөҕүн тылынан буолбакка, дьыаланан дакаастаа.

♍️Кыыс

Дуоһунаскын үрдэтиэхтэрин сөп. Эн кыраны даҕаны мүччү туппат хаачыстыбаҥ бэлиэтэниэ, биһирэниэ.

♎️Ыйааһын

Үпкүн-харчыгын сөптөөхтүк туттуоҥ, бу күн инникитин туруктаах буолууну мэктиэлиэ. Инниҥ хоту баран ис, саараама-саарбахтаама.

♏️Скорпион

Бүгүҥҥү күүстээх үлэҥ түмүгүттэн астыныаҥ. Ол эрээри сулустар сынньанар туһунан умнубаккар сүбэлииллэр.

♐️Охчут

Үөһээ дабайаргар, үрдүккэ талаһыыгар көмө-тирэх буолар түгэн тосхойуо.

♑️ Чубуку

Үлэҕэр уустуктары көрүстэххинэ, тулуурдаах буолуоххун наада. Барыта эн тускар быһаарыллыан эмиэ сөп.

♒️Күрүлгэн

Айар-тутар дьарыктаахтар күннүүр күҥҥүт үүммүт. Этэр-тыынар тылыҥ ылыннарыылаах буолуоҕа.

♓️Балыктар

Соһуччу түгэннэр олоххун эмиэ уларытыахтара. Уларыйыыларга сөп түбэһэн иһэр гына дьаһан.

@uamurusahargata @ulusmedia

📆Ахсынньы 13 күнэ. Чөл күн

😮‍💨"Сыр-сыр" тыыннаран, дьэ тымныы күн ааста. Тымныыбыт сир-сир аайы куоталаспыт кэриэтэ араастык түстэ быһыылаах. Билиҥҥи электроннай үйэҕэ ол барыта биллэн-көстөн иһэр.

😶‍🌫️ Бүгүн сарсыарда 6 чааска Бороҕоҥҥо 45 кыраадыс тымныы буолбут. Күнүс 39-41 кыраадыс тымныы буолара күүтүллэр. Илинтэн сөкүүндэҕэ 1 м түргэннээхтик үрэр тыаллаах ыраас, туманнаах күн.

Бу тымныы төһө уһуннук туруой? Интернеккэ нэдиэлэтээҕи билгэ көрдөрөрүнэн, сарсын-өйүүн сымныахтаах. Оттон айылҕа барахсан ону бэйэтэ быһааран эрдэҕэ.

✍️ Афанасий Сектяев

📸 Варвара Горохова. Бэйдиҥэ

✅ @uamurusahargata @ulusmedia

📍 Бүгүн, ахсынньы 13 күнүгэр, таһырдьааҥҥы температура -45 кыраадыс диэн бэлиэтэнэн, Уус Алдан улууһун оскуолаларыгар 1-5 кылаастарга актированнай күн биллэрилиннэ.

✅ @uamurusahargata

🤑🤑🤑🤑🤑

🎊"МҮРҮ САҺАРҔАТА" хаһыакка сурут – харчыта сүүй!🎉🎉🎉

☝️Чэпчэтиилээх сурутуу декадата бэҕэһээҥҥинэн түмүктэммитэ

✅ @uamurusahargata

#бэлиэкүн

🇷🇺 Ахсынньы 1⃣3⃣ күнүгэр Арассыыйаҕа Эһэ күнэ бэлиэтэнэр. Бу күн мээнэҕэ олохтоммотоҕо. Биллэрин курдук, тыатааҕы сүдү күүһүн, кыаҕын иһин Арассыыйа бэлиэтэ буолар.

🐻Билиҥҥи кэмҥэ тыатааҕы барыта арҕаҕар утуйар. Бу кыыл 5-6 мөлүйүөн сыл анараа өттүгэр баар буолбута биллэр. Билигин эһэ 4 көрүҥэ баар: хагдаҥ, үрүҥ, маҥан түөстээх уонна барибал эбэтэр хара эһэ.

🐻 ''Эһэ'' диэн тыл ''мүөтү сиэччи'' диэн тылбаастанар эбит. Тыатааҕы нуучча норуотун элбэх остуоруйатыгар, номоҕор, өс хоһоонугар хара тыа баһылыгын, киэҥ көҕүстээх, тулуурдаах персонаж быһыытынан ойууланар.

🐻 Эһэҕэ Евразия элбэх норуоттарыгар, Эмиэрикэҕэ эмиэ сүгүрүйэллэр. Барыларыгар кэриэтэ эһэни киһи төрүтүн быһыытынан ылыналлар. Эһэ, төһө да суостаах көрүҥнээҕин иһин, сиэрдээх, өйдөөх, кыһамньылаах кыыл буоларын туоһулааччы элбэх. Эһэ баппаҕайа былыргыттан харысхал быһыытынан туттуллар.

🇷🇺 Модун Арассыыйа бэлиэтэ буолбут хара тыа ытык кыылын күнүнэн кини туһунан ааҕыҥ, билсиҥ.

✍🏻 Уйаара КУСТУК.

✅@uamurusahargata

Надежда Сторожева салайааччылаах Тулуна орто оскуолатын коллективыттан 21 үлэһит улуустааҕы хаһыакка сурутан, бастакынан сүүйүүлээх оонньууга кыттар кыахтанна 🫶

Улууспут күндү олохтоохторо!

Сүүйүүлээх сурутуу ахсынньы 20 күнүгэр диэри ыытылларын санатабыт, барыгытын көхтөөх кыттыыны ыларгытыгар ыҥырабыт! 🙌

✅ @uamurusahargata @ulusmedia

🎄 Символом наступающего 2025 года по восточному календарю станет 🐍 Зеленая Деревянная Змея. Так как Змея — создание хищное, на праздничном столе в этом году будут уместны мясные блюда.

Подборка новогодних рецептов из продукции Агрохолдинг «Туймаада» по ссылке
👇
https://tuymaada-holding.ru/novogodniy-stol-2025

✅ @uamurusahargata @ulusmedia