📆 Как будем отдыхать в 2025 году: в России утвердили календарь праздничных и выходных дней

📆Премьер-министр Михаил Мишустин утвердил календарь праздничных и выходных дней в 2025 году.

📲 Подпишись на @ulusmedia

👏👍Тускар туһан🤩
Хас эмит сылы быһа хоспоххо умнуллан турбут миэбэл аныгылыы тупсаҕай көстүүлэммитэ астык👍

✅ @uamurusahargata @ulusmedia

💕 Алтынньы 6 күнэ. Өрөбүл.

Тулалыыр эйгэ ырааҕынан анаарыллан көһүннэҕинэ – сотору🌧️🌧️🌧️ардах, күн🌞киириитэ☁️☁️☁️былыт кытардаҕына – 🌧️🌧️🌧️ардах сүрэ, тураахтар айманыылара, түүҥҥү бөтүүк хаһыыта – ардах битэ,🫣 куоска🐈 уҥа атаҕынан сууннаҕына – халлаан🌞көнөр, 👍 эриэхэ элбэх сылыгар – ❄️❄️❄️кыһын тымныы.🥶

Халлаан бу күннэргэ сылыйбат даҕаны, тоҥорбот даҕаны, күн ахсын биир күн хатыланар курдук.🤔 Бүгүн да уларыйыы суох.🤷🏻‍♂️ Былыт☁️☁️☁️баарын курдук баар, бөлүүн кыратык инчэҕэй❄️❄️❄️хаарынан кыраһалаабыт, буоларын курдук уу-чуумпу.😅 Таһырдьа киһи сэргии көрөрө туох да суох.🤭 Арай өрүскэ биирдэ саа тыаһа "дор" гынна. Уолаттар харахтара сытыыта, бу хараҥаҕа көрөн ыталлара.😅 Уу куһугар сыттахтара...🤔

Сарсыарда 5 чааска Суоттуга 0°С.🤗 Чуумпуга хочуолунай мотуорун тыаһа дьикти. Хангалаас бөһүөлэгин уоттара кытара кыыһаллар. Кыһыл лаампаны кыайа туттар буоллахтара.😅

Уһуктутубут күммүт – уйгуланнын,
Үктэммит күммүт – үөрүүлэннин!
Чэгиэн туруктаах
Чэбдик сылдьыаҕыҥ!
САҤА🌞КҮНҮНЭН!🤗✊✊✊

Күһүн

Кырыаҕа сууланан чараҥым
Күһүҥҥү көстүүтүн ылыммыт,
Кубархай туостара туртаһан
Кылбаһан ыраахтан көстөллөр.

Тулабыт барыта иһийэн
Көтөрдүүн көстүбэт буолбуттар,
Хаһыҥтан көмүстүү дуйданан
Хампатын сүтэрбит чараҥым.

Көлүйэ чуумпурбут ньууругар
Күлүктэр араастаан көстөллөр,
Саһарбыт сэбирдэхтэр уутугар
Сайыны көрдүүрдүү усталлар.

Хатыҥнар ыксары сыстаннар
Хахсааттыын хатыһа тураллар,
Куустуһан сылааһы бэрсэннэр
Күһүҥҥү тымныыны көрсөллөр.

✍️Иннокентий Попов-Оҕуруоттаах. Суотту

📸Мария Винокурова. Курбуһах

✅ @uamurusahargata @ulusmedua

🍂 Алтынньы 6 күнэ

♈ Хой

Сарсыардааҥы кэмҥэ элбэҕи оҥоруоҥ, ситиһиэҥ. Урукку былааннаргар, идеяҕар төннөрүҥ буоллар... Аһаҕастык кэпсэттэххинэ, урукку сибээстэргин төнүннэриэххин сөп. Киэһэҕин дьиэ кэргэҥҥин кытта атаар.

♉ Оҕус

Спордунан дьарыктанарыҥ, физическэй үлэ туһалаах буолуоҕа. Мэлдьи хамсана сылдьаҥҥын бэйэҕин олус үчүгэйдик сананыаҥ. Соҕотохтор романтическай билсиһиигэ тиийиэхтэрин сөп. Ис дууһаҕыттан сөбүлүүр киһигин кытта көрсүһүү буолуон сөп.

♊ Игирэ

Барытын өтө көрөр кыаллыбат. Саҥа күн событиета былааҥҥын уларытыаҕа. Суһаллык атыны толкуйдаан туруоруммут соруктарыҥ табыллыахтара. Күн бүтүүтэ ыалдьыттар кэлиэхтэрин сөп.

♋ Рак

Түргэн түмүккэ эрэнимэ, бүгүн суолталаах дьыалаҕын былааннаама. Барытын олус чугастык ылынаҕын. Онон бэйэҕин минньигэс бүлүүдэнэн үөрдэриҥ, сөбүлүүр пааркаҥ устун күүлэйдиириҥ ордук.

♌ Хахай

Айанныырга санаммыт буоллаххына, эйигин үгүс сюрприз күүтэр. Саҥа, сонун дьону кытта билсэҥҥин элбэҕи билиэҥ. Бу күн неформальнай сиргэ дьыалабыай кэпсэтиилэргэ да сөптөөх буолуо.

♍ Кыыс

Бүгүн чуумпу, астык күн. Чугас дьоҥҥун кытта аһаҕастык уонна истиҥник кэпсэтиэҥ, суолталаах боппуруостары быһаарыаххыт. Күүтүллүбэтэх барыс, харчы түһүө.

♎ Ыйааһын

Сорох Ыйааһыннар тигээйи курдук үлэлиэхтэрэ. Олох саҥаны билиэҥ, онуоха ис дьиҥин үлэ кэмигэр билэн-көрөн иһиэҥ. Өрөбүл түргэнник ааһыа. Оттон түүлүҥ биттээх буолуо.

♏ Скорпион

Настырыанньаҥ кыраттан да түргэнник түһүө, чугас дьоҥҥун кытта кыратык өйдөспөт түгэн буолан ылыа. Дьиэҕэр хаала сатаама. Киинэҕэ эбэтэр аралдьытар сиргэ сырыт. Эрэннэримэ, ону толорор ыарахаттардаах буолуоҕа.

♐ Охчут

Сулустар эн диэкилэр. Онон үгүс сыалгын ситиһэриҥ дөбөҥ буолуо. Ситуацияны туһан. Күүппэтэх өттүгүттэн көмө баар буолуо, ол иһигэр үп-харчы эмиэ

♑️ Чубуку

Ыарахан күн. Олус хаҕыстык сыһыаннаһаҥҥын чугас, наадалаах дьоҥҥун сүтэриэххин сөп. Сэрэнэн, үчүгэйдик толкуйданан баран оҥор. Сөбүлэҥҥитин ырытыаххытын сөп, ол эрээри бүтэһиктээх быһаарыныыны атын күҥҥэ анааҥ.

♒ Күрүлгэн

Кыыһырса сылдьар киһигин кытта эйэлэһэр кэмиҥ. Дьон эйиэхэ үтүөнү эрэ көрөр. Урукку умнуллубут. Чугас дьоҥҥуттан көрдөстөххүнэ, аккаастыахтара суоҕа. Улахан суумалаах үбү дьаһайар кутталлаах, тугу эрэ улаханы атыылаһартан туттун.

♓ Балыктар

Былааннааммыт көрсүһүүнү көһөрөр ордук. Саамай чугас дьонуҥ түһэн биэриэхтэрин сөп. Кимтэн да тутулуктаммат гына дьыалаҕын былааннаа. Киэһээ күүскүн уонна доруобуйаҕын харыстаа, аһары сылайарыҥ табыллыбат.

✅ @uamurusahargata

❄️❄️❄️ Түүлээх нэһилиэгэр кыһыҥҥылыы хаар кыыдамныыр.

Оттон улуус киинигэр инчэҕэй хаар 💦 тута ууллан иһэр.

Таһырдьа билигин хайдаҕый диэн түннүгүнэн өҥөс гыныҥ👀 хайдаҕый?

Уонна комментарийга 📸 хаартыската ыытыҥ✊

✅ @uamurusahargata @ulusmedia

#саҥасаха

🏙️🌆 Саха оҕолоро соҕуруу куораттарга хайдах усулуобуйаҕа үөрэнэллэрий, олороллоруй?

Уус Алдан Курбуһаҕыттан төрүттээх Мирослав Черноградскай Санкт-Петербурдааҕы Технология уонна салайыы университетын устудьуона буолар. Бу видеоҕа кини үөрэнэр кыһатын уонна олорор уопсайын туһунан кэпсиир, ону тэҥэ Учуутал күнүнэн эҕэрдэлиир. Мирославы кытта киэҥник, сиһилии кэпсэтиини ''Мүрү саһарҕата'' хаһыат кэлэр нүөмэрдэригэр ааҕыаххыт.

✍️ Уйаара Кустук

✅ @uamurusahargata @ulusmedia

🔔🔔🔔 УЧУУТАЛ... Бу иһирэх тылга төһөлөөх итии-истиҥ санаа, муҥура суох таптал, ытыктабыл, биһирэбил сөҥөн сытара буолуой?! Ити барыта элбэх, сыралаах үлэттэн тахсар. Ол да иһин оҕоҕо ийэ, аҕа кэнниттэн киһи-хара буоларыгар, олоххо бэйэтин суолун тэлинэригэр сүҥкэн улахан өҥөлөөх, үтүө сүбэһит киһинэн – учуутал буолар.

Алтынньы 4 күнүгэр Сыырдаах оскуолатын профсоюһун көҕүлээһинэн учуутал күнүн бэлиэтээтибит. Оскуола ону тэҥэ норуот айымньытын киинин үлэһиттэрэ учууталлары идэлээх бырааһынньыктарынан эҕэрдэлээн, сахалыы ырыаны бэлэхтээн, дьон сүргэтин көтөҕөн,тэрээһини ордук киэргэттилэр. Сарсыардаттан улахан кылаас оҕолоро учууталларыгар сынньалаҥ бэлэхтээн, кинилэр оннуларыгар учуутал буолан оҕолору үөрэттилэр. Учуутал сыралаах үлэтин бэйэлэригэр тургутан көрөн, оҕолор сүрдээҕин астыннылар. Киэһээҥҥи өттүгэр оскуола үлэһиттэрэ бары мустан чэй иһэн, ирэ-хоро кэпсэтэн, араас көрдөөх оонньууларга көхтөөхтүк кыттан, бириис ылан, илии тутуурдаах, өттүк харалаах дьиэлэригэр тарҕастылар. Бэтэрээн учууталларга, саҥа үлэһиттэргэ, сылын ахсын үгэс быһыытынан ыытыллар үөрэнээччилэр уонна төрөппүттэр биһирэбиллэрин ылан, анал аакка тиксибит учууталларга (алын сүһүөх учууталлара: В.В. Неустроева, М.Н. Васильева) оскуола дириэктэрэ И.Г. Портнягин истиҥ эҕэрдэ тыллары этэн бэлэх туттартаата. Учуутал быйылгы күнүн бырааһынньыга үөрэнээччилэргэ да, учууталларга да элбэх умнуллубат үтүө өйдөбүлү хаалларда.

✍️ Ньургуйаана Хорунова

✅ @uamurusahargata @ulusmedia

💫 Алтынньы 7 күнэ

♈️Хой

Энергияҥ толору. Онон сыалгын ситиһэр кыаххынан уонна дьаныардаах майгыгынан үгүһү ситиһиэҥ. Бу күн онно-манна кыттан тыл этэргэр уонна сыаналаах тугу эмит ыларгар тоҕоостоох күн буолууһу.

♉️Оҕус

Чуумпу күн үүнүүһү. Сорох Оҕустар үлэлэригэр утуйуох курдук чуҥкук күн буолуоҕа. Дьиэ кэргэҥҥин кытта инникини торумнуурга тоҕоостоох күн. Барыта этэҥҥэ быһаарыллыаҕа.

♊️Игирэ

Быстах өйдөспөт түгэннэр, быһыылар үөскүөхтэрин сөп. Ол эрээри турбут кыһалҕалар түргэнник быһаарыллыахтара. Туох да мөкү өрүт тахсыа суоҕа. Күн бүтүүтэ этэҥҥэ барыта быһаарыллан, настырыанньаҥ көтөҕүллүө.

♋️Рак

Табыллыылаах, табыгастаах күн үүнүөҕэ. Оҥорор дьыалаҥ сөптөөх буолан, ситиһиигэ тиэрдиэ. Сорох ыгым түгэҥҥэ холку буол, инникини санаа.

♌️Хахай

Эн лидер хаачыстыбаҥ күүһүрбүт күнэ. Ол түгэни коллегаларгын, салалтаны кытта кэпсэтэргэр туһан. Үтүө дьыаланы оҥорорго былааннаа. Аҥаардас кэпсэтиинэн тугу да ситиспэккин.

♍️Кыыс

Эн сарсыардааҥҥы санааҕынан аан дойду барыта эн утары буолуоҕа. Ол эрээри үтүө түгэннэр киэһэлик буолуохтара. Ол кэмҥэ дьыалабыай да, тус да өрүккэ ону- маны оҥорорго тоҕоостоох түгэн буолуоҕа.

♎️Ыйааһын

Саарбахтыырга табыгаһа суох кэм. Быһаарыныыны түргэнник ылынарыҥ ордук. Барыстаах дьыаланы ситиһиэҥ, олоҕун үтүө өттүгэр хайысхаланыаҕа.

♏️Скорпион

Дьыалабыай эйгэҕэ, спорка ситиһиилэниэҥ. Онно эн тэрээһиннээх уонна бэрээдэктээх буолууҥ көмөлөһөр. Киэһэ элбэҕи аһыыртан туттун.

♐️Охчут

Эн олоххо олус кыһамньылааххын. Ол иһин туох эмит кыаллыбатаҕына, кыйыттар майгылааххын. Харчы киириэн сөп, ол эрээри көһүтүллүбэтэх ороскуот баар буолуоҕа.

♑️Чубуку

Үгүс дьыала эн настырыанньаҕыттан тутулуктаах. Инникигэ эрэллээх буоллаххына, барытын ситиһиэҥ. Санаалара түспүт эбэтэр кыыһырымтаҕай Чубукулар күҥҥүтүн ньиэрбэ үрдүгэр атаарыаххыт. Чугас дьоҥҥутуттан үтүө сонуну истиэххит.

♒️Күрүлгэн

Бу күн дьиэҕэр суунар-тараанар күн үүнүүһү. Дьону кытта сыһыаҥҥын тупсарыаххын баҕарыаҥ. Сулустар бытархайга болҕойбокко сылдьан, олоххор сүрүн дьыаланы куоттарыаҥ дииллэр.

♓️Балыктар

Бу күн наһаа элбэҕи былааннаатаххына кыаллымыан сөп. Бэйэҥ кыаххын сыаналыырын ордук буолууһу. Ону ситиһэр инниттэн толкуйдуурга бириэмэтэ анаа уонна эрдэттэн былааннаа.

✅ @uamurusahargata

📆Алтынньы 7 күнэ. Аан күн

Күн🌞чаҕылхайдык,сандааран киирдэҕинэ – халлаан туруга уларыйар, саһарбыт🍂🍂🍂сэбирдэх түспэккэ турдаҕына – сылаас турбахтаһар🤗, тыал соҕурууҥҥу-илинтэн үрдэҕинэ – ❄️❄️❄️сөҥүү түспэт, кымырдаҕас уйата төһөнөн улахан да – кыһын тымныы🥶, ый🌕уйаланнаҕына – кураан сайын.🥵

Бэҕэһээ сарсыарда күннээҕи борогонуоспун суруйаат✍️, ыыта охсон баран, түннүгүнэн таһырдьаны көрбүтүм – ньуолах❄️❄️❄️хаар үллүктээн, сир-дойду үрүҥ❄️❄️❄️хаарынан бүрүллүбүт этэ🫣. Кылгас кэмҥэ халыҥнык түһэн, оҕолор хаар⛄киһини оҥорбуттара, "статуһу" толорбута😅. Сир ириэнэх, халлаан сылаас буолан, ❄️❄️❄️хаар ууллан ньаҕай буола түспүтэ🤭. Аны🌧️🌧️🌧️ардах түспэтигэр эрэл суох🤷‍♂️. 2012 сыллаахха алтынньы 31 күнүгэр🌧️🌧️🌧️ардаан, ❄️❄️❄️кыстык аһа ирэн, эт харааран аймаабыттаах😩.

Халлаан халлан, ✨✨✨сулустар чаҕылыһан киһи сэргэхтик турар күнэ🌞үүммүт, эчи чуумпута🤫, салгына ырааһа, тыынарга чэбдигэ👍😅. Сарсыарда 5 чааска Суоттуга -4°С. Хаар❄️❄️❄️хаһыҥ түһэн сир күлүмнэс, хаамтахха от хардырҕас😊

КҮҺҮН

Курас күннэр сабардааннар
Курус санааны саҕаллар,
Киһи кутун баттааннар
Хахсаат тыалынан аарыыллар.

Хаһыҥ, тымныы хаарыйаннар
Хатыҥ мастар саһараллар,
Хаарыан күөхтэрин сүтэрэннэр
Хаҕыс тымныылыын хатыһаллар.

Күһүн бүппэт ардахтара
Куруук дууһаны аймыыллар,
Күөлүм ытыллар долгуннара
Күүгэн буолан үллэллэр.

Хахсаат тыалынан үрэннэр,
Кыһын тыына биллэннэр,
Кэхтэр эбит айылҕалыын,
Күн-дьыл тохтообот эргиириниин.

КЭЛБИТ КҮН🌞КЭРЭТИН,
ҮҮММҮТ КҮН🌞ҮТҮӨТҮН
ИҤЭРИНЭН ЭТЭҤҤЭ БУОЛУҤ!
САҤА КҮНҮНЭН!🤗✊✊✊

✍️ Иннокентий Попов-Оҕуруоттаах. Суотту

📸 Ульяна Бурнашева. Тулуна

✅ @uamurusahargata @ulusmedia

#БороҕоннооҕуРЭСиһитиннэрэр

⚡️ Алтынньы 9 уонна 10 күннэригэр 35 кВ күүрүүлээх Бороҕон – Танда хайысхаҕа Л-63 уот ситимигэр былааны таһынан үлэ оҥоһулларынан 9.00-тан 18.00 чааска диэри Тандаҕа, Тиит Арыыга, Бээрийэҕэ уонна Кылаайыга уот арахсыаҕа.

✅ @uamurusahargata @ulusmedia