👍 Бүгүн Тулунаҕа нэһилиэк киэн туттар чулуу уола, дойдута сайдарын туһугар үгүс сыратын биэрбит Ил Түмэн IV, V ыҥырыылаах Мунньаҕын депутата, СӨ тыа хаһаайыстыбатын үтүөлээх үлэһитэ, экономическай наука кандидата, “Туймаада Лизинг” директорынан үлэлээбит, «ВостокЕвроТехника» генеральнай директора, хайыһарга спорт маастара, СӨ хайыһарга Федерациятын председателэ, РФ хайыһарга Федерациятын чилиэнэ Семен Иванов төрөөбүт дьиэтигэр өйдөбүнньүк бэлиэни туруоруу итиэннэ кини аатын уулуссаҕа иҥэрии тэрээһинэ буолла.

Бастаан Семен Семенович төрөөбүт, улааппыт дьиэтигэр өйдөбүнньүк мэҥэ тааһы сүрэхтиир тэрээһиҥҥэ кэлбит дьон кинини ахтан-санаан ааһар долгутуулаах түгэнэ буолла. Семен Семеновиһы чахчы даҕаны төрөөбүт нэһилиэгэр, улууһугар эрэ буолбакка, республикаҕа тыа сирин сайдыытыгар үгүс үтүөнү киллэрбит киһинэн билинэбит. Кини талааннаах салайааччы этэ. Ол дьыалатын билигин кэргэнэ Лена Иванова салгыыр. Ону санаан уонна бэлиэтээн улуус баһылыга Василий Аммосов Лена Егоровнаҕа “Уус Алдан улууһун социальнай-экономическай сайдыытыгар кылаатын иһин” бэлиэни, оттон нэһилиэк баһылыга Петр Бурнашев нэһилиэк дьаһалтатын уонна олохтоохторун аатыттан махтал суругу үөрүүлээх быһыыга-майгыга туттардылар.

Сиһилии Наталья Попова↩️

✅ @uamurusahargata @ulusmedia

⏺ Алтынньы 3-4 күннэригэр улууспутугар СР культуратын үтүөлээх үлэһитэ, республикаҕа культура салаатыгар методическай үлэни өр сылларга сүрүннээн салайбыт, 131-с №-дээх сокуон олоххо киириитинэн олохтоох бэйэни салайыныыга көһүү кэмигэр ханнык, туох нормативнай-правовой докумуоннарга олоҕуран тыа сирин кулууптара салгыы хайдах быһыылаах үлэни сүрүннээн ыытыахтаахтарыгар, саҥаны, сонуну киллэриигэ үгүс үлэни ыыппыт биир дойдулаахпыт Семен Васильевич Хон аатын үйэтитэр, билиҥҥи кэмҥэ тыа сирин культурата сайдыытыгар саҥа сүүрээннэри тобулар сыаллаах “ХОН-2024” республикатааҕы методическай форум ыытыллыаҕа.

Форум программатын МАННА БИЛИС↩️

✅ @uamurusahargata @UAkultura