🍂 Балаҕан ыйын 24 күнэ

♈️Хой

Дьону абылыыр, бэйэҕэр тардар энергияҥ хаһааҥҥытааҕар да күүһүрбүт – маннык кэми мүччү тутума. Сүрүн суолталаах, уустук уонна "халбархай" тиэмэлэри бүгүн быһаарарга саамай тоҕоостоох күн, барытын бэйэҥ туһаҕар эргитиэххин сөп.

♉️Оҕус

Хамсаабат баайы-дуолу атыылаһарга эбэтэр атын сиргэ көһөөрү санана сылдьар буоллаххына, бүгүн барыйааннары көрөн таларга табыллыаҥ.
Көрдүүргүн чопчу булуоххун сөп. Бэйэ билиитин таһымын үрдэтинэргэ тургутууну ааһар, экзамен, зачет туттарар дьоҥҥо ситиһиилээх күн.

♊️Игирэ

Киниттэн көһүппэтэх киһиҥ эйиэхэ соччото суохтук сыһыаннаһыаҕа. Онуоха хардатын биэрэргэ бэлэм буол уонна хардаран баран ким кинини кигиэн сөбүн толкуйдаа, быһаар.

♋️Рак

Букатын тугум да сатаммат, табыллыбат, аан дойду барыта мин утары диэн санаа-оноо киирдэҕинэ, кырдьыгын булан көрө сатаа: тулалыыр эйгэҥ, дьонуҥ онно туох да буруйдара суох. Чугас дьоҥҥун эбэтэр кэллиэгэлэргин сирэй-харах анньыаҥ иннинэ үчүгэйдик толкуйдаа, уоскуй.

♌️Хахай

Ким эрэ бэйэтин сыалын ситиһэр туһуттан эйигин албынныы сатыаҕа. Оннукка түбэспэт инниттэн тугу истибиккэр барытыгар итэҕэйэн иһимэ. Киирэр информацияны ырыҥалаа, дьиҥин бэрэбиэркэлээ.

♍️Кыыс

Бүгүн болҕомтоҥ сытыырхайбыт – кыраны даҕаны бэлиэтии көрүөҥ. Ону үлэҕэр, үөрэххэр туһанан, уустук сорудахтары толорон дьон хайҕалын ылыаххын сөп.

♎️Ыйааһын

Бэрт эрчимнээххин, үчүгэй настырыанньалааххын, дьон эйиэхэ сыһыана бэртээхэй. Араас тиэмэлээх кэпсэтиигэ кыттыһан дуоһуйуоҥ, элбэҕи билиэҥ-көрүөҥ, иҥэриниэҥ.

♏️Скорпион

Бүгүн бэйэҕин харыстан: эт-хаан уонна ньиэрбэ ноҕуруускатын таһаарыма, эйигин сылатар кэпсэтииттэн, дьайыыттан дьалты тутта сырыт.

♐️Охчут

Улахан уларыйыылар кэлиэхтэрэ – көһүппэтэх түгэннэриҥ буолуохтара. Онон кылгас кэмҥэ барыта чуумпуруор, оннугар түһүөр диэри аһара көхтөөх буолартан туттун. Энергияҕын саҥа билиини ыларга туһаай.

♑️Чубуку

Эн аттыгар аһыннаран бэйэтин кыһалҕаларын быһаартара сатыыр киһи көстүөҕэ. Оннук киһи баарын биллэххинэ, кинини "моонньугар олордума". Сүбэлээн көмөлөһүөххүн сөбүн, кини оннугар тугу да оҥорон биэрэр санааҥ суоҕун кытаанахтык биллэр.

♒️Күрүлгэн

Тулалыыр дьонуҥ эйиэхэ сыһыаннарын сыыһа диир буоллаххына, ааны хайа быраҕа, сыһыаҥҥытын тохтото охсорго ыксаама. Бэйэҕин кинилэр миэстэлэригэр туруоран көр – элбэҕи өйдүөҥ.

♓️Балыктар

Ким эрэ эн өйгүн-санааҕын буккуйарыгар, куруук "кулгааххар сипсийэ" сылдьарыгар киирэн биэримэ, сэрэхтээх буол. Бэйэҥ толкуйгунан оҥор, быһыылан.

✅@uamurusahargata @ulusmedia

🍂 Балаҕан ыйын 24 күнэ. Ханыы күн

Бөлүүн Суоттуга❄️❄️❄️хаар хаһыҥ түһэн, сири араас оһуорунан симээбит👍 Лаампа уотугар кылапачыһан, алмаастыы чаҕылыһаллар🤗

Сарсыарда 5:30 чааска -6°С. Халлаан чуумпутуттан киһи сэрэнэн хаамар, салгын чэбдигиттэн турук тупсар💪💪😅 Чараас☁️☁️☁️былыт быыһынан🌕 ый барбах тунаарар. Саҥа🌞 күн сырдаары илин саҕахтан им кытара кыыста. Дьыл уларыйар кэмэ буолан,кубулҕата үгүс🫣 Күнүс тугунан диэлийиэ биллибэт🤷‍♂️ Уопсайынан, ыйдар алталыы ыйынан алтыһаллар🤔 Ол аата, балаҕан ыйа хайдаҕый да, кулун тутар оннук буолар.

Айылҕа бэйэтин дьаалатынан❄️❄️ кыһыҥҥыга бэлэмнэнэр. Күһүн 🍂🍂🍂сөбүгэр ардаан 🌧️🌧️🌧️, сирин силимнээтэ, отун-маһын суллаата👍 Ол сиэринэн, тыынар тыыннаах бары кыстыкка бэлэмнэнэн түбүгүрэбит. Тоттук кыстаары ас-үөл хаһаанабыт🍅🥔🫑🥕, олох хаамыытын тутуһабыт

Күһүҥҥү сарсыарда

Сарсыарда хаһыҥнаан тоҥорбут
Түннүкпүн оһуордаан киэркэппит,
Сыһыылар сырдаабыт курдуктар,
Хатыҥнар күлүмнэс буолбуттар.

Күндүл күн мичийэн тахсыбыт
Көрүөхтэн кэрэтик сандааран,
Барытын сырдыкка суулаабыт
Көмүстүү күлүмнээн, күндээрэн.

Хаар хаһыҥ хаамтахха хаачырҕас
Хараҕы саатытан дьиримниир,
Тэлгэммит сэбирдэх хачырҕас
Күһүҥҥү матыыпка ситимниир.

Тыынарга салгына чэгдийбит
Туругу тупсаран эрчимниир,
Түөспүнэн толору тыынабын
Сүрэҕим көбүөхтүү тэбиэлиир.

Сарсыарда эрдэлээн турабын
Сыһыыга дуоһуйа хаамаары,
Санаалыын үөрүүнэн туолабын
Сэбирдэх сипсиэрин истээри.

✍️ Иннокентий Попов-Оҕуруоттаах. Суотту

📸Акулина Поротова. Хомустаах

✅ @uamurusahargata @ulusmedia