#фотофакт

Бүгүн Өнөргө кустук суһума оонньоото 🌈🌈🌈

📸 Анатолий Черноградскай.

✅ @uamurusahargata @ulusmedia

#барыбииргэ

«Оҕону оскуолаҕа тэрий» аахсыйа көмөтүн туттарыы саҕаланна 👍

😍 Россиятааҕы «Биир ньыгыл Россия» баартыйата ыытар «Оҕону оскуолаҕа тэрий» аахсыйатынан улууспутугар байыаннай дьайыы кыттыылаахтарын оҕолоругар бэлэх туттарыы бүгүҥҥүттэн саҕаланна.

📒 🖍 🎒 Улуус баһылыга Василий Аммосов уонна «Биир ньыгыл Россия» Уус Алданнааҕы салаатын сэкирэтээрэ Күннэй Рощина ыалларга ыалдьыттаан, оҕолорго үөрэх тээбириннэрин туттардылар, Василий Иванович оҕолору кытта кэпсэттэ, ситиһиилээх үөрэҕи баҕарда.

Бу аахсыйаҕа политическай баартыйа чилиэннэрэ, байыаннай дьайыыга кыттааччылаах улууспут нэһилиэктэрин дьаһалталара, Мүрү нэһилиэгин түөлбэлэрэ уонна тэрилтэлэртэн ветеринарнай управление кытынна.
Маннык көмө бэлэҕи улууспутугар барыта 110 ыал оҕото тутуоҕа.

✍️ Мария АРГУНОВА

✅ @uamurusahargata @ulusmedia

🌱🌱🌱 Улууска туораахтаах култуура үүнүүтэ хайдаҕый?

Улууспутугар сэлиэһинэй, эбиэс бурдугун үүнүүтүн Тыа хаһаайыстыбатын үлэһиттэрин кытта Дүпсүн эҥэр сылдьан бааһыналары көрдүбүт. Үүнүү туһунан улуустааҕы Тыа хаһаайыстыбатын кылаабынай агронома Прокопий Белолюбскай кэпсээбитинэн, быйыл улуус үрдүнэн 1311 гектардаах сиргэ туораахтаах култуура ыһыллыбыт, 277 гектарыгар сэлиэһинэй, онтон ордугар эбиэс.

2012 сылтан республика учуонайдара саҥа сиэмэни айыынан дьарыктаналлар. Билигин 100 % ыһыы сиэмэтигэр ылсан үлэлииллэр. Ол курдук, «Биэттэ-Агроҕа» Туймаада сэлиэһинэй суорда ыһыллыбыт. Оттон урбаанньыт Дмитрий Илларионовка сорду буккуйбат туһуттан, Приленская 19 диэн сэлиэһинэй сордун ыспыттар. Кэнники бириэмэҕэ Виленская диэн эмиэ бэйэбит учуонайдарбыт оҥорбут эбиэс суордун биһирээн ыһаллар.

Быйылгы сылга супер элита кылаастаах Виленская сорду кытта бэйэбитигэр баар элита кылаастаах сиэмэни ыспыттар. Быйылгы сылга бэс ыйа, от ыйа ардаабатаҕынан, курааҥҥа оҕустарыы баар буолан баран, олохтоох суортарбыт буолан, тулуһан, ортотунан үүнүү кэлииһи дэһэллэр. Сэлиэһинэй ситэн уонна туруйалартан былдьаһан «Биэттэ-Агро» хомууру атырдьах ыйын 12 күнүттэн саҕалаабыт.

Биһиги сылдьыыбытыгар, 88 гектартан 112 тонна хомуллан турара. Оттон Дмитрий Илларионов икки бааһынаны хомуйбут. Быйылгы сылга барыта 1400 тонна сиэмэ хомуллара сабаҕаланар. Мантан кэлэр сыллааҕы ыһыыга 300-чэкэ элитэ сиэмэни, бэйэбит кормовой ыһыыбытыгар 100-чэкэ туоннаны уурунуохтара, уонна 1000 курдук туоннаны комбикорм оҥорор собуоппут үлэҕэ киирдэҕинэ оҥоруохтара. Маны таһынан быйыл атырдьах ыйын 20 күнүгэр «Биэттэ-Агроҕа» 40-чэ гектарга оруос уонна 24 гектарга элбэх сыллаах от сиэмэтин ыспыттар. Түмүгүн эһиил күүтэллэр. Этэҥҥэ үүнүүнү биэрдэҕинэ, инники сылларга хаһаайыстыбаларбытын элбэх сыллаах от сиэмэтинэн хааччыйар былааннаахтар.

2012 сылтан Дмитрий Илларионов хаһаайыстыбата оройуоннаммыт «Аартык» диэн оруос сиэмэни ыспыттара, үрдүк үүнүүнү көрдөрбүтэ.

Окоемовкаҕа «Нэлэгэр» бааһынай хаһаайыстыбаҕа кормовой култуурабытыгар кытта ыһан боруобалаабыттара, эмиэ бэркэ үүммүттээх. Инники сылларга бу курдук араас суорду үүннэрэн, сүөһүбүтүгэр, сылгыбытыгар аналлаах аһынан, ыһыы сиэмэтинэн хааччыйарга сорук туруорунан, үлэ оннук саҕыллар.

✍️Мария АРГУНОВА.

✅ @uamurusahargata @ulusmedia

🔔 Оскуолабыт 1984 сыллаах выпусниктарын кытта көрсүһүү

Атырдьах ыйын 31 күнүгэр 1984 сыллаахха Сыырдаах орто оскуолатын бүтэрбит выпусниктары кытары көрсүһүү буолан ааста.

Оскуоланы бүтэрбиттэрэ быйыл 40 сыл, маҥнайгы кылааска киирбиттэрэ 50 сыл буолбут выпускниктар мустаннар, оскуолаҕа омук тылын кылааһыгар бэлэхтээх кэлэн ыалдьыттаатылар.

Оччолорго кылаас салайааччытынан омук тылын учуутала Вера Михайловна Григорьева үлэлээбит. Оскуолатааҕы кэмнэрин ахтан-санаан аастылар, олохторун, үлэлэрин туһунан кэпсээтилэр, бэлэхтэрин туттардылар. Выпускниктары оскуола директора И.Г. Портнягин эҕэрдэлээтэ, оскуола устун сылдьан экскурсиялатта. Маннык көрсүһүүлэр быстыбат ситим үтүө үгэһэ буолан салҕана турдуннар!

Нюргуяна Хорунова, Сыырдаах орто оскуолатын дириэктэрин солбуйааччы.

✅ @uamurusahargata @ulusmedia