🤩👍 Биир дойдулаахпыт, Мүрү нэһилиэгиттэн төрүттээх Лена Черепанова оҕо эрдэҕиттэн айар куттаах, ырыа аргыстаах. Оскуолаҕа үөрэнэ сылдьан "Кэнчээри" ансаамбылга хорга ыллаабыта.

Билигин кини идэтинэн невролог-быраас. Иллэҥ кэмин дьарыгын быһыытынан ырыа айар, "Арыллыы" студияҕа Байаана Дагдайга сылдьан дьарыктанар.

Ырыа айар умсугутуулаах дьарыгар бу сыл олунньутуттан умсан, ырыаларын киэҥ эйгэҕэ таһааран эрэр.
Онон эһиэхэ анаан бэйэтин тылыгар уонна матыыбыгар "Кубалар" диэн ырыатын бэлэх уунар.

✅ @uamurusahargata @ulusmedia

🏆 Перед важным стартом: Сардана Трофимова в шестой раз за карьеру пробежит во Франции

🇫🇷🏃🏻Титулованная спортсменка Сардана Трофимова уже прибыла в Париж и находится в шаге от исполнения своей мечты. 11 августа легкоатлетка пробежит марафон Олимпийских игр. В забеге примут участие около сотни лучших спортсменок нашей планеты.

🌿 АТЫРДЬАХ ЫЙЫН 8 КҮНЭ

♈️Хой

Эмоцияларгар уонна бэйэҥ эрэ үөрэнэнэн хаалбыккар бэринэн сыыһа-халты хамсаныаххын сөп. Сүрэҕиҥ баҕатын буолбакка, өйгүн иһит. Үчүгэй сынньалаҥҥа уонна чэбдигирдэр процедураларга бириэмэтэ аттарын.

♉️Оҕус

Тугу истибиккин, билбиккин-көрбөккүн өйгөр хатаан кэбис, кэлин туһаныаҥ. Ким эрэ утары тураары гыммыт дьон эйигин бэйэлэрин диэки тарда сатыахтара. Оннук саарбах дьыалаҕа кыттыһартан аккаастанар ордук.

♊️Игирэлэр

Бэйэҕэр 100% эрэнэр да буоллаххына, дьон тугу этэрин, сүбэлиирин болҕойон иһит, ылын. Эн соҕотоҕун быһаарбытыҥ атыттарга табыгаһа суох буолуон сөп. Онон барыгытыгар сөптөөх быһаарыы буоларын туһугар атын дьон интэриэстэрин учуоттаа.

♋️Рак

Туох эрэ уларыйыы буолуоҕа, ол үчүгэйи эрэ түстүөҕэ. Аптарытыаккын бөҕөргөтүөҥ, уустук дьыаланы ситиһиилээхтик быһаарыаҥ. Ол эрээри ону ситиһэр кэмҥэр мөккүөрдээх түгэн үөскүөн сөп.

♌️Хахай

Тулаҕын көрүн – ким эрэ эйигин олус сөбүлээбит. Ол киһи эн олоххор сүрүн оруолу ылыан сөп. Биир күдьүс күннээҕи түбүктэн, сылаалаах үлэттэн тэйиччи тутун, ол оннугар айар-тутар дьарыккын сөргүт, саҕалаа эбэтэр аралдьытар тэрээһиннэргэ сырыт.

♍️Кыыс

Кэтэмэҕэйдиир санааҕын киэр кыйдаан, сыалгын ситиһэр туһугар бастакы хардыылары оҥор. Инньэ гымматаххына, онтуҥ баҕа санаа эрэ буолан, туолбакка хаалыаҕа. Инниҥ хоту баран иһэр суолгуттан букатын туораама, оччоҕо эрэ үчүгэй түмүгү ылыаҥ.

♎️Ыйааһын

Күннээҕи дьыалаларгын графиккар ыгым соҕустук былааннаа – оҥоруохтааҕыҥ эбиллэн хаалыаҕа, бириэмэҥ тиийиэ суоҕа. Көмөлөһүөх буолан эрэннэрбит киһиҥ эн көмөҕөр наадыйан биллиэн сөп. Үбү-харчыны туттаргар сэрэхтээх буол, харчыгын мээнэ ыскайдаама, иэс биэримэ.

♏️Скорпион

Күҥҥүн олус элбэх дьыаланы, кыһалҕаны быһааран, интэриэһинэй дьону кытта көрсөн атаарыаҥ. Тугу эрэ улаханы атыылаһыыҥ барыстаах буолуоҕа. Көрдөспөтөргүн даҕаны табыгаһа суох сүбэлэрин биэрэ сатыыр, өссө эбиитин кириитикэлиир, билээҕимсийэр дьону "миэстэлэрин" булларар ордук

♐️ Охчут

Эрдэ оҥорбут сыыһаларгын көннөрөргө бүгүн тоҕоостоох күн. Ол алҕастары билигин туораппатаххына, кэлин инниҥ диэки барар суолгун сарбыйыаҥ.

♑️Чубуку

Ким эрэ эйигин туорааһыҥҥа "ситэн ааһыаҕа". Куһаҕан санааларгын киэр кыйдаа, кичэйэн анаалыстаа

♒️Күрүлгэн

Бүгүн олоххор элбэҕи уларытар түгэн тосхойуоҕа. Ол түгэн бастакы көрүүгэ соччото суох курдук буолуоҕа эрээри оннук буолбатах. Паникалаабакка, сүпсүгүрбэккэ кыаххын уонна ол түгэни толору туһан

♓️Балыктар

Настырыанньаҥ уонна ис туругуҥ тупсуохтара. Доҕотторгун ыҥыран аралдьыйар тэрээһиҥҥэ, пикниктии барыаххытын сөп.

✅ @uamurusahargata

🌤 Бэҕэһээ сарсыарда эрдэ ардах кыратык түһэн ылбыта. Күнүскү өттө сылаас этэ эрээри, күһүн тыына биллэн, тыала сөрүүн эбит. Дьыл кэмнэрэ солбусйан иһэллэрэ айылҕа сокуона буоллаҕа.

☀️ Бүгүн сарсыарда 6 чааска Бороҕоҥҥо 14 кыраадыс сылаас буолбут. Күнүс 22-24 кыраадыс сылаас буолара күүтүллэр. Арҕааттан сөкүүндэҕэ 2 м түргэннээхтик үрэр тыаллаах ыраас күн.

💫 Халлааммыт сыыйа сайыҥҥылыы буолан эрэр. Күнү-дьылы кэтээн көрөр сулууспа кэлэр нэдиэлэ саҥатыгар 32 кыраадыска тиийэ куйаас буолуо диэн биллэрэр эрээри, интернет нэдиэлэ былаһын тухары ардаҕы көрдөрөр. Дьэ, хайдах буолар?

✍️ Афанасий Сектяев

📸 Евдокия Черкашина. Мүрү

✅ @uamurusahargata @ulusmedia

😍 Үтүө сарсыарданан!

Түүлээх нэһилиэгин Күндүл күөлүн симээбит кувшинкалар кэрэлэрин, нарыннарын🫠🥰

📸 Ольга Бережнева

✅ @uamurusahargata @ulusmedia