🔥 Сырылатан куйаас күннэрбит ааһан эрэллэр быһыылаах. Кэлэр күннэргэ 30-ча кыраадыстаах куйаас тар биллибэттэр. Онон сайыммыт барахсан куйаас күннэрин "быраһаай" диибит.

☀️ Бүгүн сарсыарда 6 чааска Бороҕоҥҥо 17 кыраадыс сылаас буолбут. Күнүс 24-26 кыраадыс сылаас буолара күүтүллэр. Сөкүүндэҕэ 3 м түргэннээхтик үрэр тыаллаах ыраас күн.

🔥От ыйын куйааһа, аҕыйах хонукка да буоллар, элбэҕи оҥорон баран эрэр. Үрэх сиргэ от лаппа эбилиннэ, уута тардан эрэр дииллэр. Сир аһа да олох мэлиппэтэ быһыылаах. Моонньоҕон хайдах эбитэ буолла?

✍️Афанасий Сектяев

📸Александра Черкашина

✅ @uamurusahargata @ulusmedia

🌿 ОТ ЫЙЫН 28 КҮНЭ

♈️Хой

Уустук сыалы-соругу туруорун, сайдарга кыһалын. Бэйэҥ кыаҕыҥ таһынан да ситиһиилэниэххин сөп. Саҥа хоббиланыаҥ. Бу күн олоххун саҥалыы олорон саҕалыыргар бэртээхэй күн.

♉️Оҕус

Биир санаалаахтаргын кытта кыттыс, оччого уопсай сыалгытын ситиһиэххит. Хамаанданан үлэ үтүө түмүктээх буолуоҕа. Нус-хас сынньалаҥҥа барсар киэһэ буолуоҕа: кинигэтэ аах, киинэтэ көр.

♊️Игирэлэр

Баҕа санааларыҥ кыралаан туолан иһиэхтэрэ, ол эрээри ыксаама. Сулустар эппиэтинэстээх буоларга сүбэлииллэр. Харчыгын туттарга сэрэхтээх буол – халтайга улаханнык ороскуотуруоххун сөп.

♋️Рак

Баҕарарыҥ халлаантан түһэрин кэтэһэн олорума, актыыбынай Рактарга ситиһиилээх күн буолуоҕа. Киэһэ чугас дьоҥҥун кытта аһаҕас кэпсэтии күүтэр. Сыһыаҥҥыт бөҕөргүөҕэ, урукку хомолтоҕут ааһыаҕа.

♌️Хахай

Эн тус олоххор, эн үлэҕэр – быһатын эттэххэ, барытыгар орооһооччулар баалларыттан санааргыаҥ. Уурунуу харчыҥ суох буоллаҕына, баар харчыгын ыскайдаабакка, мээнэҕэ бараабакка тутун.

♍️Кыыс

Олус кыһаллар курдуккун даҕаны үлэҥ тахсан испэт, былааннаабытыҥ курдук буолбат. Хайа эрэ түгэҥҥэ киитэрэйдиэххин, өҕүллүмтүө буолуоххун наада. Экспериментэн куттаммат Кыыс бэлиэлээхтэр кыайыылаах тахсыахтара.

♎️Ыйааһын

Тулалыыр дьонуҥ эйигин кытта алтыһалларыттан астыналлар – эйэҕэс, үчүгэй майгылаах дииллэр. Романтическай сыһыан эбэтэр күүстээх доҕордоһуу саҕаланыан сөптөөх. Интуицияҕын иһит.

♏️Скорпион

Араас моһоллор үөскүөхтэрэ эрээри барытын чэпчэкитик ааһыаҥ. Эрчимиҥ уонна бэйэҕэр эрэлиҥ олус күүстээх. Тус олоххор бэрт үчүгэй түгэн буолуоҕа – тапталга билиниэхтэрэ, свиданиеҕа ыҥырыахтара.

♐️Охчут

Күүппүккүнээҕэр элбэҕи ситиһиэҥ. Баһылыыр-көһүүлүүр, хомуллуулаах буолар хаачыстыбаҕын сыаналыахтара. Интэриэһинэй билсиһиилэр, эмискэ айаҥҥа турунуу бааллар.

♑️Чубуку

Баскыһыанньаҥ улахан аҥаарын атын дьон туһугар кыһаллан аһарыаҥ. Сулустар ол быыһыгар бэйэҥ тускунан умнубаккар сүбэлииллэр. Бизнестээх Чубукуларга саҥа саҕахтар арыллыахтара.

♒️Күрүлгэн

Бүгүн бэйэҕин ноҕуруускалаама. Күүскэ сылайдаххына, эмоцияларгын кыана туттубакка этиһии таһаарыаххын сөп. Дьыалаҥ сороҕун атын күҥҥэ көһөр. Массажка сырыт эбэтэр бэйэҕин сөбүлүүр минньигэс аскынан күндүлээ.

♓️Балыктар

Элбэх кэпсэтииттэн сылайаҥҥын, толкуйдаабакка саҥаран дьону хомотуоххун сөп. Айанныыр ордук буолуоҕа, чугас да айантан дуоһуйуоҥ.

✅ @uamurusahargata

🌤 Күн-дьыл уларыйара түргэнэ сүр. Иллэрээ күн 32-33 кыраадыс куйаас эбит буоллаҕына, бэҕэһээ 26 кыраадыс сылаас буолла. Киһи соһуйар эрэ.

☀️ Бүгүн сарсыарда 6 чааска Бороҕоҥҥо 17 кыраадыс сылаас буолбут. Күнүс 26-28 кыраадыс сылаас буолара күүтүллэр. Сөкүүндэҕэ 2 м түргэннээхтик үрэр тыаллаах сүрүннээн ыраас күн. Сарсыарданан кыратык ардыан сөбүн сабаҕалыыллар.

🌦Бу быыһык ардах отчуттарга эрэ мэһэй буолар. Ылдьыын таҥара күнэ чугаһаата. Ол тыына биллэрин быһыыта дуу? Онон улахан ардах кэлиэн сөп. Бу күн биирдэ эмит ардаҕа суох буолааччы.

✍️ Афанасий Сектяев

📸 Анастасия Сергеева. 2-с Лөгөй

✅ @uamurusahargata @ulusmedia

👍 Бэрт Ууһун нэһилиэгин Балыктаах сайылыгын билбэт киһи аҕыйах буолуо. Уруккуттан айан суолун аартыгар турар. Аатырар Кыыс Хаҥа алааска эмиэ манан ааһаҕын. Быһата, былыргыттан киһи-сүөһү бөҕөтө тоҕуоруспут үтүөкэн дойдута. Сопхуос кэмигэр “Лена”, “Сардаҥа” сопхуостар биир үүттүгэннээх сайылыктара буолара.

Сайылык билигин да баар, дьон-сэргэ олохсуйар, сүөһү маҥырыыр. Манна Петр Данилов бааһынай хаһаайыстыбата олорбута хаһыс да сыла. Өссө икки сылтан бэттэх кыстыыр буолбуттар. Хаһаайыстыба 70 сүөһүлээх, билигин 30 ынаҕы ыаннар үрүҥ илгэни үрүлүтэллэр. Үүт туттарыытыгар быйылгы былааннара – 30 тн. Ону аҥаарын хайыы үйэ толорбуттар.

Петр хаһаайыстыба наадаларынан сылдьар, суох кэмэ буолан, балта Мария Хабарова кэпсээтэ: ”Дьиэ кэргэн хаһаа­йыстыбата дэнэбит. Биһиги, Хабаров­тар дьиэ кэргэн, Чараҥҥа уһуннук олорон баран, убайым ыҥыран манна кэлбиппит. Кэргэним Сергей хаһаа­йыстыба тутаах үлэһитэ буолла. Бу са­йыҥҥы кэмҥэ Хомустаахтан эдьиийбит Ольга Окоемова кэлэн көмөлөһөр”, – диэн кылгастык билиһиннэрдэ.

Хаһаайыстыба билигин өссө турук­таах буолар туһугар дьиэ кэргэн граныгар үлэлэһэ сылдьар. Ол табылыннаҕына, манна, сайылыкка бэйэтигэр, кыстык хотон туттар баҕалаахтар. Онно анаан сирэ оҥоһуллан бэлэм турар. Урукку гранынан бөһүөлэккэ туттубут хотоннорун иһэ оҥхоччу түһэн, «өрөмүөн да сиппэт буолан эрэр» дэһэллэр. Салгыы сайдарга эрэллэрэ улахан. Үүт туттарыллар харчыта үрдээбититтэн үөрэллэр, үлэлээтэххэ дохуоту аахсыахха сөп эбит диэн сүргэлэрэ көтөҕүллүбүт.

Хаһаайыстыба биир улахан кыһалҕалаах – оттуур сирэ суох. Мин ханнык алаастары оттуохтаах испииһэктэрин көрдүм. Онно 13 сир аата суруллубут. Балартан кинилэргэ анаммыт икки эрэ сирдээхтэр. Атына барыта дьон сирин түүлэһэн оттууллар. Оттон сирдээх ха­һаа­йыттар алаастарын оттоппут манньатыгар этинэн эбэтэр харчынан көрдүүллэр эбит. Бу өрөспүүбүлүкэ үрдүнэн турар кыһалҕа. Онон сир сокуонугар улары­йыы киирэрэ буоллар, тыа хаһаайыстыбата чэчирииригэр кыахтаныа этэ.

Балыктаах сайылык быйаҥ аллар үтүөкэн сирэ дьону-сэргэни ыҥыра ту­рар. Онно эдэрдэр ылсаллара чахчы эрэли үөскэтэр.

✍️ Афанасий Сектяев | мюрюгазета.рф

✅ @uamurusahargata @ulusmedia

😟Түүлээххэ күөлү туоруур муоста саахалланара чугаһаата

Сэбиэскэй кэм саҕана, дойду барыта ньиргиччи үлэлээн-хамсаан олорор кэмигэр, Дьоруой Дьөгүөрэп сопхуос Түүлээх отделениетыгар Баллыкы кырдалыгар саҥа механизированнай хотон үлэҕэ киирбитэ. Үлэһиттэргэ үлэлииллэригэр усулуобуйа лаппа чэпчээбитэ. Ол курдук сүөһүнү уулатар, дуойка, сааҕы таһаарар, сүөһү аһын сыаҕа толору үлэлээн барбыта.

Манна 240-ча ынах ыанара. Тохсунньу 1 күнүнээҕи инвентарь түмүгүнэн 900-тэн тахса ынах сүөһүлээх, 240-ча сылгылаах буоларбыт.

Эбии аһылык бэлэмэ кыһыннары 40-50 кыраадыс тымныыга субуотунньугунан талах быһыыта, дулҕа хомуйуута, от кырбатыыта күүскэ ыытыллара.

Түүлээх нэһилиэгэр ол кэмнэргэ олус күүскэ социальнай хаһаайыстыба тутуулара ыытыллыбыттара. Ити кэмнэргэ туох баар тутуу барыта бу сопхуос үбүлээһининэн, күүһүнэн тутуллара. Ол курдук 4 квартиралаах уопсай дьиэ, толору механизациялаах икки хотон, кормоцех.

✍ Туйаара Ушницкая. Түүлээх нэһилиэгэ

✅ @uamurusahargata @ulusmedia

🌿ОТ ЫЙЫН 29 КҮНЭ

♈️Хой

Бэйэҕэр туһалааҕы оҥороруҥ таһынан тулалыыр чугас дьоҥҥор эмиэ кыһалларыҥ ордук. Сөп түбэһии түгэннэрэ буоланнар соһутуохтара. Бизнескэр, оннооҕор тугу эмит атыылаһаргар табыллыаҥ. Сорох Хойдорго туһалаах билсиһиилэр баар буолуохтара.

♉️Оҕус

Таһаарыылаах күн. Ол эрээри былааннаабытыҥ барыта болдьоҕор оҥоһуллуо суоҕа. Тута оҥоһуллар саҥа соруктар көстүөхтэрэ. Чугас дьоҥҥуттан үчүгэй сонуннар кэлиэхтэрэ.

♊️Игирэлэр

Кыраттан улаханнык санаарҕыаҥ. Маннык туруктаах сылдьан болҕомтону олус ирдээбэт дьыаланан дьарыктанарыҥ ордук. Саҥа билсиһииҥ бэйэ бэйэҕитигэр симпатияны үөскэтиэ.

♋️Рак

Бэнидьиэнньик бэркэ ааһыа. Ол эрээри улахан сололоох дьону кытта кыыһырсыбат буола сатаа. Улахан кэпсэтиилэри күн иккис аҥаарыгар ыытарыҥ табыгастаах. Киэһээ эт-хаан өттүнэн сынньанарга анаан чэбдигирдэр процедураларга сырыт.

♌️Хахай

Дьиэтээҕи түбүккэр күүтүллүбэтэх өттүттэн уһун кэми барыаҥ. Былааннамматах ороскуоттар баар буолуохтарын сөп. Күн иккис аҥаарыгар доҕоттору кытта бэһиэлэй кэми атаарыаҥ. Үгүс Хахайдар интэриэһинэй толкуйдарын олоххо киллэриэхтэрэ.

♍️Кыыс

Тус олоххун бэрээдэктииргэ сөптөөх күн. Компромисснай быһаарыылар, аймах дьоҥҥун уонна таптыыр киһигин кытта истиҥ көрсүһүүлэр буолуохтара. Инвестирование оҥороруҥ сатаммат, барытын сүтэриэххин сөп.

♎️Ыйааһын

Бүгүҥҥү дьыалаҕын аргыый-наллаан сылдьан оҥороруҥ үчүгэй. Оччотугар табыллыаҥ. Улахан дьыаланы оҥорууга сөбө суох кэм. Элбэх мэһэй баар буолуоҕа. Кыра ону-маны атыылаһарыҥ туһалаах буолуо.

♏️Скорпион

Эйиэхэ ураты этии киириэн сөп. Оригинальнай идея, интэриэһинэй былаан көстөн кэлиэ. Ол эрээри күнүҥ соччо боростуойа суох. Мэһэйдэр баар буолуохтара, ньиэрбинэйдэтиэхтэрэ.

♐️Охчут

Улахан суолталаах боппуруостары, дьыалалары оҥорорго сөптөөх күн. Кыаҕыҥ баарынан оҥороруҥ үчүгэйгэ тиэрдэн үөрүөҥ. Көмө баар буолуон сөп, туһалаах информация.

♑️Козерог

Сарсыардаттан үлэҕэ умса түһүөххүт уонна хас да соругу тэҥинэн оҥоруоххут. Киэһэлик оҥорор түгэҥҥэр ыарахаттардаах буолуо. Киэһээҥҥи кэм сынньалаҥҥа ананар: күүлэйдээ, сибиэһэй салгынынан тыын.

♒️Күрүлгэн

Эдэр сааһыҥ доҕотторун кытта эбэтэр билэр дьоҥҥун кытта көрсөргө бэртээхэй күн. Элбэҕи билиэҥ-көрүөҥ, умнуллубут сибээстэргин сөргүтүөҥ. Айанныырыҥ соччото суох, кутталлаах кэм.

♓️Балыктар

Бэйэтэ орун оннунан баран иһэр. Ол гынан баран сорох Балыктар пессимистичнай санаалаахтар. Бэһиэлэй дьону кытта алтыһарыҥ ордук, кинилэртэн сэниэтэ-күүстэ ыл.

✅ @uamurusahargata

😍👍Какая трепетная любовь между ними.
Это даже отмечено у теленка на лбу ❤️

📹 Ольга Шепелева

✅ @uamurusahargata @ulusmedia