✊ Байыаннай дьайыыга кытта сылдьар биир дойдулаахтарбытын көрсө ыраах айаҥҥа туруммут улууспут дьаһалтатын бөлөҕө бэҕэһээ Донецкай народнай республикаҕа Новоазовскай оройуон киинигэр баар Биир кэлим координационнай кииҥҥэ тиийдэ.

Тиийээт 1 тонна кэриҥэ ыйааһыннаах илдьибит гуманитарнай көмөлөрүн наардаатылар. Ол дойдуга +32, +35 кыраадыс куйаас күннэр тураллар эбит.

Бүгүҥҥүттэн биир дойдулаахтарбытыгар маллары тарҕатан саҕалыахтара.

✅ @uamurusahargata @ulusmedia

👏👏👏Айсен Неустроев – "Азия оҕолоро" оонньуулар чемпиона🥳

🥊 Бокса финалыгар бүгүн 52 киилэҕэ биир дойдулаахпыт Айсен Неустроев кыайыылаах үрдүк аатын хатыһыылаах киирсиигэ ылла.

Бу үрдүк ситиһиинэн боксаны таптааччылары, сүрүн тренер Илья Иванову, тренер Константин Гороховы, кинилэр бары иитиллээччилэрин эҕэрдэлиибит.

✍️ Светлана Сивцева

✅ @uamurusahargata @ulusmedia

🥊 Уус Алдан улууһун боксаҕа сүрүн тренерэ Илья Иванов "Азия оҕолоро" оонньууларга урукку сылларга уонна быйылгы кыттааччылар тустарынан.

✅ @uamurusahargata @ulusmedia

🌿 Үбүлүөйдээх сопхуос уйгулаах ыһыаҕа ыһылынна

Бүгүн "Дүпсүн" сопхуос 50 сыллаах үбүлүөйүн үөрүүтүн үллэстэр уйгулаах ыһыаҕар урукку отделениелартан элбэх
киһи муһунна. Ыһыах алгыс түһэриитин кэнниттэн отделениеларын парадынан саҕаланна. Ол күүрээннээх үлэ кэмин байыастара, билигин кыырыктыйбыт баттахтаах кырдьаҕас көлүөнэ сэлэлии хаамтылар.

Үйэ аҥаарын анараа өттүгэр 1974 сыллаахха "Дүпсүн" сопхуос бастаан тэриллиитигэр 5 нэһилиэк отделение быһыытынан киирбиттэрэ. Ол курдук сопхуос киинэ Дүпсүн бөһүөлэгэр буолбута, Өнөр, Чэриктэй, Найахы, Өспөх, Бээди отделениелара тэриллибиттэрэ. Онон оройуон биир улахан сопхуоһа буолан тигинэтэн олорбута, үлэ үрдүк киириилэрин ситиспитэ.

Үөрүүлээх тэрээһиҥҥэ улуус баһылыгын бастакы солбуйааччы Илья Артамонов, сопхуос дириэктэринэн, улуус баһылыгынан үлэлээбит Иннокентий Бочкарев, уһун сылларга сопхуос зоотехнигынан үлэлээбит Олег Федоров о.д.а. кытыыны ыланнар эҕэрдэлэрин тиэртилэр.

Үлэни өрө туппут көлүөнэ ыһыахха кэлэннэр, өр көрсүбэтэх үөлээннээхтэрин көрсөннөр уруккуну-хойуккуну санаһан көнньүөрдүлэр, оонньууларга кыттыстылар.

✍️ Афанасий Сектяев

✅ @uamurusahargata @ulusmedia