👍 Улуус биир бастыҥ спортивнай ыала Бороҕон сэлиэнньэтин олохтоохторо Петр, Екатерина Колодезниковтар – холобур буолар дьиэ кэргэн. Оҕолоро Маша уонна Руслан Мүрү 2-с N-дээх орто оскуолатын бүтэрбиттэрэ, оҕо саастарыттан дуобатынан дьарыктанан спорт маастарыгар тиийэ үүммүттэрэ.

Оттон быйылга «Азия оҕолоро» оонньууга номнуо сиэннэрэ Света Колодезникова ох саанан республика сүүмэрдэммит хамаандатыгар киирэн боруонса мэтээлинэн наҕараадаланна.

Света Горнай улууһугар Бэрдьигэстээх спортивнай оскуолатыгар үһүс сылын ох саанан дьаныардаахтык дьарыктанар. Тренерэ – биир дойдулаахпыт, Сыырдаахтан төрүттээх, Горнайга күтүөт, ох сааҕа старшай тренер Константин Бурцев буолар. Света быйыл Москва Кубогар уонна өрөспүүбүлүкэтээҕи күрэхтэһиигэ бастаабыта. Итиэннэ Казахстаҥҥа норуоттар икки ардыларынааҕы турнирга, Саха сиригэр оҕолорго чемпион аатын сүктэ.

Кыыс төрөппүттэрэ эмиэ спортсменнар. Аҕата Руслан Колодезников – дуобакка спорт маастара. Ийэтэ София Колодезникова – теннискэ өрөспүүбүлүкэ чемпиона. Бороҕоҥҥо ыытыллыбыт Саха сирин норуоттарын VIII спортивнай оонньууларыгар Уус Алдан чиэһин көмүскээбитэ, оттон Руслан Дьокуускай куорат хамаандатыгар киирэн үһүс миэстэни ситиспитэ.

Спортивнай ыал түөрт оҕолоохтор. Иккис кыыс Аля – дуобатчыт. Дьокуускай куорат 2-с №-дээх оскуолатын 8-с кылааһын бүтэрдэ. Спорт маастарыгар кандидат, өрөспүүбүлүкэ чемпиона. Турцияҕа аан дойдуга 14 саастаах кыргыттарга бастаабыта, билигин Бурятияҕа турнирга үһүс миэстэ буолла, салгыы Монголияҕа норуоттар икки ардыларынааҕы турнирга кытта айаннаата.

Кыра кыыс Аэлита скалолазаниенан, волейболунан дьарыктанар. Бэһис кылааһы бүтэрдэ, волейболга үһүс миэстэлээх, скалолазаниеҕа 2-с миэстэлээх спордунан сөбүлээн дьарыктанар. Кыра уоллара үс саастаах.

Бу курдук спорт араас көрүҥүнэн эһэлэрэ Петр Колодезниковтан саҕалаан дьарыктанар Руслан, София Колодезниковтар дьиэ кэргэттэригэр үрдүк чыпчааллары ситиһэллэригэр баҕарабыт. Бу курдук үгүс ыалга холобур буолар спортивнай дьиэ кэргэн кыайыыта үксүү турарыгар истиҥ баҕа санаабытын аныыбыт.

✍️ Светлана Сивцева | мюрюгазета.рф

✅ @uamurusahargata @ulusmedia

🌿 Бүгүн Дүпсүн нэһилиэгэр "Дүпсүн" сопхуос төрүттэммитэ 50 сылыгар аналлаах үрүҥ тунах ыһыах саҕаланна.

✅ @uamurusahargata @ulusmedia

✊ Байыаннай дьайыыга кытта сылдьар биир дойдулаахтарбытын көрсө ыраах айаҥҥа туруммут улууспут дьаһалтатын бөлөҕө бэҕэһээ Донецкай народнай республикаҕа Новоазовскай оройуон киинигэр баар Биир кэлим координационнай кииҥҥэ тиийдэ.

Тиийээт 1 тонна кэриҥэ ыйааһыннаах илдьибит гуманитарнай көмөлөрүн наардаатылар. Ол дойдуга +32, +35 кыраадыс куйаас күннэр тураллар эбит.

Бүгүҥҥүттэн биир дойдулаахтарбытыгар маллары тарҕатан саҕалыахтара.

✅ @uamurusahargata @ulusmedia

👏👏👏Айсен Неустроев – "Азия оҕолоро" оонньуулар чемпиона🥳

🥊 Бокса финалыгар бүгүн 52 киилэҕэ биир дойдулаахпыт Айсен Неустроев кыайыылаах үрдүк аатын хатыһыылаах киирсиигэ ылла.

Бу үрдүк ситиһиинэн боксаны таптааччылары, сүрүн тренер Илья Иванову, тренер Константин Гороховы, кинилэр бары иитиллээччилэрин эҕэрдэлиибит.

✍️ Светлана Сивцева

✅ @uamurusahargata @ulusmedia