#БАРЫБИИРГЭ

✊ Анал байыаннай дьайыыга кыттыыны ыла сылдьар байыастарбытыгар, биир дойдулаахтарбытыгар И.С. Портнягин аатынан Сыырдаах орто оскуолатын кэлэктиибэ баһыылка оҥорон нэһилиэк дьаһалтатыгар туттардылар.

Бу туһунан оскуола иитэр үлэтигэр дириэктэри солбуйааччы Ньургуяна Хорунова:

– Баһыылкаҕа гигиеническэй сириэстибэлэри, эмп арааһыттан хомуйан уонна эт бэрэскитин астаан уктубут. Төрөөбүт дойдуттан баһыылкалар инники кирбиигэ сылдьар буойун уолаттарбытыгар өй-санаа өттүнэн тирэх, кырата суох өйөбүл буолуохтара диэн бигэ эрэллээхпит, баҕа санаалаахпыт.

Анал байыаннай дьайыыга кыттар уолаттарбытыгар мал-сал, ас хомуйуута «Барыта – Кыайыы туһугар!» акция чэрчитинэн ыытылынна.

✅ @uamurusahargata @ulusmedia

💫 Ааспыт сыл бастыҥнарын эҕэрдэлээтибит

Бүгүн улуус дьаһалтатын дьиэтин аччыгый саалатыгар Бэчээт күнүн үгэс буолбут тэрээһинэ ыытылынна. Манна улуус баһылыгын бастакы солбуйааччы Илья Артамонов, үөрэх управлениетын начальнига Степан Литвинцев, култуура управлениетын начальнига Сергей Нафанаилов, хаһыаппыт лауреаттара кыттыыны ыллылар.

“Мүрү саһарҕата” хаһыат сыл түмүгүнэн түөрт хайысханан лауреаттары быһаарар үгэстээхпит. Ол буоларын курдук Бэчээт күнүгэр туттарыллар. Быйыл бастыҥ суруналыыһынан Мүрү 1-гы №-дээх оскуолатын түмэлин салайааччыта Елена Сыроватская буолла, бастыҥ уопсастыбаннай кэрэспэдьиэнинэн Курбуһахтааҕы кырдьаҕастар уонна инбэлииттэр интэринээт-дьиэлэрин култуурунай-маассабай үлэтин тэрийээччи Мария Винокурова, эдэр кэрэспэдьиэннэр бастыҥ постарынан “Өркөн” оҕону эбии үөрэхтээһин эдэр кэрэспэдьиэннэрин куруһуога (сал. Евдокия Окоемова, Изабелла Аманатова), сурутууну бастыҥ тэрийээччинэн улуустааҕы Ис дьыала отделын начальнигын солбуйаачы Петр Гоголев буоллулар. Кинилэргэ анал статуэтка, бэлэх туттарылынна.

Салгыы инники үлэни торумнуур “төгүрүк остуолга” кэлбит тэрилтэ салайааччылара бэйэлэрин санааларын этэннэр саҥа хардыылары оҥорорго кыахтары арыйдылар.

✅ @uamurusahargata @ulusmedia

#БАРЫБИИРГЭ

✊ Уус Алдан улууһугар үөрэх тэрилтэлэрэ тохсунньу 15-16 күннэригэр «Барыта – Кыайыы туһугар!» акцияҕа кыттыһан анал байыаннай дьайыыга кытта сылдьар биир дойдулаахтарбытыгар ас, мал-сал хомуйан ыыттылар.

Үөрэх управлениетыгар кииннээн хомуйууга управление уонна 11 үөрэх тэрилтэтэ, атыттар нэһилиэктэринэн олохтоох дьаьалтатыгар туттардылар.
Ону таһынан Мүрү алаас иһинээҕи үөрэх тэрилтэлэрэ («Кэскил», “Сардаана”, “Мичил”, “Мичээр”, Мүрүчээнэ” , Мындаабатааҕы “Кэнчээри”, “Күнчээнэ” оҕо саадтара, Мүрү 1-кы, 2-с нүөмэрдээх оскуолалара, Мүрүтээҕи уолаттар гимназиялара уонна интерната) улууска хомуллубут үс куул собо балыгы ыраастаан, ыһаарылаан биэрдилэр.

✅ @uamurusahargata @ulusmedia