👏 Дүпсүҥҥэ 2-с кылаас үөрэнээччилэрин ураты кыһамньылаах бэлэхтэрэ бэтэрээннэри үөртэ

Сааһырбыттар уонна Учуутал күннэринэн Дүпсүн орто оскуолатын 2-с кылааһын үөрэнээччилэрэ (учуутал Людмила Ноговицына) алтынньы 6 күнүгэр педагогическай үлэ бэтэрээнэ Зинаида Семеновна уонна үлэ бэтэрээнэ Петр Иванович Новогодиннары дьиэлэригэр тиийэн эҕэрдэлээтилэр, оҕолор төрөппүттэрин кытта хомуйбут туостарын оһох оттуналларыгар анаан пакеттарга уган илдьэн туттардылар уонна: "Дьиэҕит куруук сылаас буоллун, доруобайдык, ыалдьыбакка сылдьыҥ, сиэннэргит үөрдэ сырыттыннар", – диэн баҕа санааларын эттилэр.

Оттон Петр Иванович оҕолорго туһаайан: "Дьоҥҥо туһаны оҥорор үтүө дьон буолуҥ, учууталларгыт, төрөппүттэргит тылларын истиҥ, кыһаллан үчүгэйдик үөрэниҥ", – диэн алгыс тылын анаата.

Кыра дьон бу көрсүһүүттэн астыннылар, дьоҥҥо кыһамньылаахтык, убаастабыллаахтык сыһыаннаһыы үөрүүнү аҕаларын өйдөөтүлэр.

✍️ Елена Сыроватская, уопсас.кэрэсп.

🏃 https://мюрюгазета.рф/dypsynne-2-s-kylaas-yereneechchilerin-uraty-kyhamnylaah-belehtere-betereenneri-yerte/

✅ t.iss.one/murusahargata @ulusmedia

⏺ Улуус салалтата Курбуһахха сырытта

Бэҕэһээ, алтынньы 6 күнүгэр, улуус саҥа салалтата Курбуһах нэһилиэгэр олоҕу-дьаһаҕы, үлэни-хамнаһы билсэ сырытта. Манна улуус баһылыга Василий Аммосовы кытары баһылыгы солбуйааччылар Иннокентий Троев, Анатолий Сторожев, үп управлениетын салайааччыта Иван Григорьев, култуура управлениетын салайааччыта Сергей Нафанаилов сылдьыстылар.

Окоемовкаҕа тыа хаһаайыстыбатын боппуруостарыгар киэҥ кэпсэтиилэр буоллулар. Ол курдук бу бөһүөлэккэ саамай элбэх ынах иитиллэригэр үүт-эт аһы оҥорон таһаарыыны тула санааларын үллэһиннилэр.

Уус Күөлүгэр сүрүн кыһалҕа ыаллары киинтэн ититиигэ холбооһун. Бу үлэни ыытарга «Юпитер» чааһынай тэрилтэ ылсан баран баччааҥҥа диэри үлэни саҕалыы илигин этэллэр. Оттон анал байыаннай дьайыыга оҕотун сүтэрбит Анна Винокурова эмиэ дьиэтэ киинтэн ититиигэ холбонуута кыайтарда илигин кэпсээтэ. Бырабыыталыстыба таһымыгар кытары быһаарыах буолбуттара ханнык кэрдиискэ тиийбитин туоһуласта. Василий Иванович: «Нэһилиэк дьаһалтата матырыйаалын булан биэрдэҕинэ, ДьУоКХ үлэлэһиэхтээх», — диэтэ. Мүрү нэһилиэгин дьаһалтата оннук үлэлии олорорун аҕынна.

Түмүккэ нэһилиэк олохтоохторо улуус салалтатын саҥа хамаандатыгар ситиһиилээх үлэни баҕардылар.

✍️ Афанасий Сектяев

🏃 https://мюрюгазета.рф/uluus-salaltata-kurbuhahha-syrytta/

✅ t.iss.one/murusahargata @ulusmedia

#астык

Айылҕа күһүҥҥү ураты көстүүтэ Люция Аммосова хаартыскаҕа түһэриилэригэр😍🤩

Үтүө өрөбүллэри!

✅ t.iss.one/murusahargata @ulusmedia