#үтүөхолобур

⏺ Остуойка учаастагын олохтооҕо Туяра Стручковаҕа В.В. Никифоров – Күлүмнүүр аатынан Дүпсүннээҕи технопаарка коллектива оттук маһын хайытан, саһааннаан көмөлөстүлэр👍

Туяра Семеновна: "Технопааркаларга көмөлөрүн иһин улахан махтал. Өссө элбэх киһи махтала тиийдин. Бары үчүгэйи баҕарабын", – диэн тиэрдэр.

✍️ Пелагея Соловьева. Дүпсүн

✅ t.iss.one/murusahargata @ulusmedia

#Учууталкүнүнкөрсө

⏺ Педүлэ бэтэрээнэ Татьяна Мигалкина кинигэтин биһирэмнээтэ

Учуутал күнүн көрсө Үөрэхтээһин декадатын былаанынан СӨ үөрэҕириитин туйгуна, 2006 с. РФ Бэрэсидьиэнин граныгар куонкурус кыайыылааҕа, РФ Бастыҥ учуутала, Саха сирин методиһа, Лөгөй нэһилиэгин бочуоттаах олохтооҕо, Лөгөй, Муома орто оскуолатыгар, Саха-Бельгийскэй гимназияҕа алын кылаас учууталынан үтүө суобастаахтык үлэлээбит педагогическай үлэ бэтэрээнэ Татьяна Мигалкина Бүлүүтээҕи педколледж «Маҥнайгы учуутал» сериятыгар (бырайыак ааптара С.Г. Мытник) таһаарбыт сонун кинигэтин биһирэмнээн бэлиэтээтэ.

Тэрээһин РФ Учуутал уонна настаабынньык, СӨ Үлэ сылларыгар Лөгөй орто оскуолатын, «Өркөн» эбии үөрэхтээһин киинин өйөбүллэринэн ыытылынна.

✍️ Клара Троева, СӨ үөрэҕириитин үтүөлээх үлэһитэ

🏃 Сиһилии: https://мюрюгазета.рф/45734-2/

✅ t.iss.one/murusahargata @ulusmedia

#үөрэхэйгэтэ

⏺ «Өркөн» кииҥҥэ медиакоммуникацияны сайыннарар кабинет аһылынна

Бүгүн Бороҕоҥҥо “Өркөн” оҕону эбии үерээхтээһин киинигэр саҥа «МедиаЛаб» диэн медиакоммуникацияны сайыннарар кабинет арыллыыта буолла. Бу кабинетка медиа өттүгэр, ол эбэтэр анимация, монтаж, звукозапись, мультик оҥорон таһаарыы, хаартыскаҕа түһэриигэ барытыгар үөрэниэххэ уонна сайдыахха сөп.

Медиалабораторияҕа эбии үөрэхтээһин киинин коллективын бырайыага бу сайын “Инносфера 2023” грантовай куонкуруска кыайбытын түмүгүнэн араас аныгылыы саҥа элбэх оборудование кэлбит. МедиаЛаб быйылгы үөрэх дьылыгар “Медиашкола” саҥа үөрэх программатынан үлэлиир былааннаах, ол курдук бу программа алта интенсивынан “Медиажурналистика”, “Графическай дизайн”, “Анимация”, “Киинэ оҥоруута”, “ТВ уонна радио”, “Социальнай ситимнэр” сылы эргиччи улуус оскуолаларыттан, нэһилиэктэртэн ким баҕалаах кэлэн үөрэниэн сөп.

МедиаЛаб үөрүүлээх арыллыытыгар улуус дьаһалтатыттан, управлениелартан салайааччылар, ону таһынан видеосибээһинэн СӨ Үүнэр көлүөнэ тус сыаллаах фондатын салайааччыта Владимир Егоров, “Юные якутяне” республикатааҕы ресурснай киин начальнигын солбуйааччы Данил Жирков кыттыыны ыллылар. МедиаЛаб иитиллээччилэрэ сатабылларын кэлбит ыалдьыттарга көрдөрдүлэр, кэпсээтилэр.

Билиҥҥи кэмҥэ медиакоммуникативнай сатабыллар наадалаахтар, оҕо инники идэтин буларыгар маннык кабинеттар, куруһуоктар күүс-көмө буолуохтара диэн эрэнэбит.

✍️ Ньургуйаана Гуляева, Чараҥ орто оскуолатын 9 кылааһын үөрэнээччитэ “Өркөн” оҕону эбии үөрэхтээһин пресс-киинэ

🏃 https://мюрюгазета.рф/erken-kiinne-mediakommunikacziyany-sajynnarar-kabinet-ahylynna/

✅ t.iss.one/murusahargata @ulusmedia

#бэлиэтүгэн

👏 “МедиаЛаб” оҕо креативнай кластерын лабораторията арылынна

Үүнэр көлүөнэ тус сыаллаах пуондата, сүрүн спонсор “Эльгауголь” ХЭТ тэрийэн ыытар оҕо инновационнай кииннэрин “ИННОСФЕРА-2023” куонкурсугар улуустааҕы “Өркөн” оҕону эбии үөрэхтээһин киинин коллектива (дириэктэр Яков Колодезников) кыайыылаах үрдүк аатын ситиһэн 1 мөлүйүөн суумалаах граны ылбыта. Бу үбүнэн медиакоммуникация сайдыытыгар анаммыт “МедиаЛаб” оҕо креативнай кластерын лабораторията арылынна. Олус тупсаҕай, араас аныгы тиэхиньикэнэн хааччыллыылаах хос арыллан, оҕо аймах, аҕам да саастаах дьон аныгы үйэни кытта тэҥҥэ хардыылыыр үөрэхтээһини барар, сайдар усулуобуйалара баар буолла.

Эбии үөрэхтээһин педагога Евдокия Окоемова медиаиндустрия сайдыылаах кэмигэр улуус оҕолорун хаартыскаҕа түһэрии, видеоҕа устуу, радио, телесуруналыыстыкаҕа бастакы хардыылары оҥорорго, графическай дизайн, социальнай медиа, о.д.а. уһуйууга ылсан, бу туһуламмыт үлэни ыытарга толору бэлэм.

📹 Ольга Шепелева

✅ t.iss.one/murusahargata @ulusmedia