#үбүлүөйдэр

⏺ Дьоллоох киһи олоҕу туойар

«Киһи аҕыс кырыылаах буолуохтаах,
Кылыстыы кылбаҥныы оонньуохтаах,
Аралыйар кустук дьэрэкээнин ылыахтаах,
Үйэлэри үрдүнэн хардыылаан иһиэхтээх» –
суруйааччы Сергей Борогонскай киһи дьиҥ кыаҕын туһунан хайдахтаах чаҕылхайдык эппитэй?!

Бу айымньы бүгүҥҥү балаһабыт дьоруойун дьүһүйэн, киниэхэ анаммыт курдук иһиллэр. Биир дойдулаахпыт СӨ үөрэхтээһинин уонна култууратын туйгуна, физкультура уонна успуорт үтүөлээх үлэһитэ, СӨ бастакы бэрэсидьиэнэ М.Е.Николаев «Во славу и пользу Республики» пуондатын лауреата Семен Ильич Черноградскай бу ый 20 күнүгэр 75 сааһын томточчу туолла.

☑️ Сиһилии: https://мюрюгазета.рф/dollooh-kihi-olo5u-tuojar/

✅ t.iss.one/murusahargata @ulusmedia

Чэриктэйдэр оҕуруоту олордооччулары көҕүлээтилэр

Чэриктэйдээҕи “Сандалы” сынньалаҥ киинэ нэһилиэккэ “КҮҺҮН БЭЛЭҔЭ» диэн атыы-тутуу дьаарбаҥкатын бэрт сэргэхтик ыыттылар. Нэһилиэк оҕуруоччуттара кэлэн кыттыыны ыллылар, оҕуруот аһа, бурдук ас, тууһаммыт хаһааныылар, бэйэ аһа-үөлэ дэлэйдик атыыланна.

«Дьүөгэ» дьахталлар сэбиэттэрин түмсүүтэ (сал. Л.В. Дмитриева) ыалдьыттары оҕуруот аһыттан бэйэ борщтаах итии миининэн, соккуойунан күндүлээтилэр.

Биирдиилээн көрүҥ түмүгүнэн: “БААҺЫНА БООТУРА” саамай улахан хортуоска хаһаайынынан М.Г. Босикова, “СААМАЙ УЛАХАН КАБАЧОКТААХ” С.С. Сивцев, А.Н. Горохова, “СААМАЙ УЛАХАН СҮБҮӨКҮЛЭЛЭЭХ” М.Г. Босикова, “СААМАЙ УЛАХАН МОРКУОПТААХ” С.С. Сивцев буоллулар. Маны сэргэ “АЙЫЛҔА ДЬИКТИТЭ” күрэххэ Семен Сивцев кыайда. Оттон айылҕа, оҕуруот аһыттан композицияны оҥорууга кыайыылааҕынан А.Н. Горохова буолла.

✅ t.iss.one/murusahargata @ulusmedia