#доруобуйахарыстабыла

⏺ Улуустан 20 киһи харахтарын эпэрээссийэлэтэ Дьокуускайга киириэхтэрэ

Бу күннэргэ улуустааҕы киин балыыһа (кылаабынай быраас А.С. Петрова) хараҕы эмтиир кэбиниэтин үлэһиттэрэ Мария Михайлова уонна Анастасия Попова катарактаны эпэрээссийэлэтэ барыахтаах дьон испииһэктэрин бэрийэн, Дьокуускайдааҕы офтальмологическай клиническэй балыыһаҕа барарга бэлэмнээтилэр. Бу үлэҕэ офтальмолог-быраас Светлана Аргунова кэлэн үлэлэстэ.

Маныаха 37 киһиттэн 20 киһи талыллан, бу иһигэр 8 киһи икки хараҕын,12 киһи аҥаар харахтарын эпэрээссийэлэтэллэрэ күүтүллэр.

Ыарыһахтары балаҕан ыйын 11 күнүгэр улуус дьаһалтатын көмөтүнэн анал автобуһунан Дьокуускайга арыаллаан киллэриэхтэрэ.

Бэлиэтээн эттэххэ, улууска хараҕы эмтиир клиника филиала арыллыаҕыттан 256 киһи хараҕын эпэрээссийэлэтэн махталлара муҥура суох.

✍️ Ольга Шепелева

☑️ https://мюрюгазета.рф/uluustan-20-kihi-harahtaryn-epereessijelete-dokuuskajga-kiiriehtere/

✅ t.iss.one/murusahargata @ulusmedia

#быыбар2023

✅ Бороҕоҥҥо Маяктааҕы 567 №-дээх быыбардыыр учаастакка дьиэҕэ быыбардааччылартан 37 сайаапка киирбит

Маяктааҕы 567 нүөмэрдээх быыбардыыр учаастакка бүгүҥҥү туругунан кыаммат, кырдьаҕас, инбэлиит олохтоохтортон уопсайа 37 сайаапка киирбит.

Күн бастакы аҥаарыгар 12 быыбардааччы бэйэлэрин бырааптарын туһанан олоҕу тупсарыа, сайыннарыа диэбит партияларыгар, кандидаттарыгар дьиэлэригэр олорон куоластарын биэрдилэр. Ол курдук тыыл, үлэ бэтэрээнэ Елена Гоголева, үлэ бэтэрээннэрэ, инбэлиит Люция, Василий Копыриннар, Марианна, Петр Пермяковтар, үлэ бэтэрээнэ Варвара Орлова, инбэлиит Наталья Бурцева, Федот Герасимов, кыра оҕолоох Саргылана Максимова, о.д.а. куоластаатылар.

Дьааһыгынан быыбарга өр сылларга быыбар хамыыһыйатыгар үлэлии сылдьар Ирина Басыгысова, Парасковья Татаринова, кэтээн көрөөччү Октябрина Васильева кытыннылар.

✍️ Светлана Сивцева

☑️ https://мюрюгазета.рф/boro5onno-mayaktaa5y-567-%e2%84%96-deeh-byybardyyr-uchaastakka-die5e-byybardaachchylartan-37-sajaapka-kiirbit/

✅ t.iss.one/murusahargata @ulusmedia

#быыбар2023

✅ Эһэлээххэ 599 №-дээх быыбардыыр учаастакка Анна Ушницкая бэрэссэдээтэллээх алта киһи үлэлии олорор.

Быыбардааччы уопсай ахсаана 344 киһи, бүгүн күнүс 3 чаастаах түмүгүнэн 54 киһи куоластаата, олор истэригэр Өнөр 95 саастаах ытык кырдьаҕаһа Алексей Протопопов уонна быыбарга аан маҥнайгытын кыттар Дьокуускайдааҕы технологическай колледж устудьуона Владимир Сергеев куоластаабыттарын бэлиэтиибит.

✅ t.iss.one/murusahargata @ulusmedia

#быыбар2023

✅ Бээрийэ нэһилиэгэр 577 N-дээх быыбардыыр учаастакка Петр Аргунов бэрэсэдээтэллээх
түөрт киһи үлэлиир.

Быыбардааччы уопсай ахсаана 150 киһи баар, билиҥҥи туругунан 56 киһи куоластаата.

✅ t.iss.one/murusahargata @ulusmedia