#быыбар2023

✅ Мүрү нэһилиэгин саамай элбэх быыбардааччылаах Петр Никитич Бурнашев аатынан 564 N-дээх Оҕуруоттаах учаастагын бэрэссэдээтэлэ Розалия Татаринова быйылгы быыбар үлэтигэр үгүс уларыйыылар киирбиттэрин бэлиэтиир:

– Биһиги учаастакпытыгар испииһэгинэн өрөспүүбүлүкэ Ил Дарханын быыбарыгар – 1233, улуус дьаһалтатын баһылыгын талыыга – 1194 быыбардааччылаах киирдибит.

Сүрүн уларыйыынан үс күннээх быыбар күнэ киирбитэ буолар. Бу икки күн быыбардаммыт бюллетеннэр анал сейф-пакетка угуллан сейфаҕа ууруллаллар. Быыбар түмүктэнэр күнүгэр үс күннээҕи бюллетеннэр арыллан, бары тэҥҥэ ааҕыллаллар.

Билиҥҥи туругунан, быыбардааччылар сарсыарда аҕыс чаастан быыстала суох кэлэн, быыбар көхтөөхтүк бара турар.

☑️ https://мюрюгазета.рф/byjylgy-byybar-syryn-uratyta-ys-kynneeh/

✅ t.iss.one/murusahargata @ulusmedia

#быыбар2023

✅ Мүрү нэһилиэгин биир кырдьаҕас быыбардааччыта, 94 сааһыгар барбыт нэһилиэк бочуоттаах олохтооҕо Мария Егоровна Фомина сиэнэ Машаны көмөлөһүннэрэн быыбардыы баран иһэр.

Мария Егоровна: «Бу сыллар тухары быыбар тэрээһиннэрин элбэҕи көрдүм, ол гынан баран, быйылгы курдук дьон көхтөөхтүк туруммут быыбарын өссө көрө иликпин», – диир.

✅ t.iss.one/murusahargata @ulusmedia

#доруобуйахарыстабыла

⏺ Улуустан 20 киһи харахтарын эпэрээссийэлэтэ Дьокуускайга киириэхтэрэ

Бу күннэргэ улуустааҕы киин балыыһа (кылаабынай быраас А.С. Петрова) хараҕы эмтиир кэбиниэтин үлэһиттэрэ Мария Михайлова уонна Анастасия Попова катарактаны эпэрээссийэлэтэ барыахтаах дьон испииһэктэрин бэрийэн, Дьокуускайдааҕы офтальмологическай клиническэй балыыһаҕа барарга бэлэмнээтилэр. Бу үлэҕэ офтальмолог-быраас Светлана Аргунова кэлэн үлэлэстэ.

Маныаха 37 киһиттэн 20 киһи талыллан, бу иһигэр 8 киһи икки хараҕын,12 киһи аҥаар харахтарын эпэрээссийэлэтэллэрэ күүтүллэр.

Ыарыһахтары балаҕан ыйын 11 күнүгэр улуус дьаһалтатын көмөтүнэн анал автобуһунан Дьокуускайга арыаллаан киллэриэхтэрэ.

Бэлиэтээн эттэххэ, улууска хараҕы эмтиир клиника филиала арыллыаҕыттан 256 киһи хараҕын эпэрээссийэлэтэн махталлара муҥура суох.

✍️ Ольга Шепелева

☑️ https://мюрюгазета.рф/uluustan-20-kihi-harahtaryn-epereessijelete-dokuuskajga-kiiriehtere/

✅ t.iss.one/murusahargata @ulusmedia

#быыбар2023

✅ Бороҕоҥҥо Маяктааҕы 567 №-дээх быыбардыыр учаастакка дьиэҕэ быыбардааччылартан 37 сайаапка киирбит

Маяктааҕы 567 нүөмэрдээх быыбардыыр учаастакка бүгүҥҥү туругунан кыаммат, кырдьаҕас, инбэлиит олохтоохтортон уопсайа 37 сайаапка киирбит.

Күн бастакы аҥаарыгар 12 быыбардааччы бэйэлэрин бырааптарын туһанан олоҕу тупсарыа, сайыннарыа диэбит партияларыгар, кандидаттарыгар дьиэлэригэр олорон куоластарын биэрдилэр. Ол курдук тыыл, үлэ бэтэрээнэ Елена Гоголева, үлэ бэтэрээннэрэ, инбэлиит Люция, Василий Копыриннар, Марианна, Петр Пермяковтар, үлэ бэтэрээнэ Варвара Орлова, инбэлиит Наталья Бурцева, Федот Герасимов, кыра оҕолоох Саргылана Максимова, о.д.а. куоластаатылар.

Дьааһыгынан быыбарга өр сылларга быыбар хамыыһыйатыгар үлэлии сылдьар Ирина Басыгысова, Парасковья Татаринова, кэтээн көрөөччү Октябрина Васильева кытыннылар.

✍️ Светлана Сивцева

☑️ https://мюрюгазета.рф/boro5onno-mayaktaa5y-567-%e2%84%96-deeh-byybardyyr-uchaastakka-die5e-byybardaachchylartan-37-sajaapka-kiirbit/

✅ t.iss.one/murusahargata @ulusmedia