#кэрээйгэтэ

💠 “Кэнчээри” ансаамбыл 51-с отчуоттуур кэнсиэрэ

Соторутааҕыта Арассыыйа үтүөлээх, образцовай “Кэнчээри” норуодунай ансаамбыл 51-с сылын отчуоттуур кэнсиэрин көрдөрдө.

Кэнсиэргэ кыра, орто, улахан оҕолор хордара, кыра, орто, улахан бөлөх үҥкүүһүттэрэ, орто, улахан ВИА бөлөхтөрө, кыра, орто, улахан саастаах солистара эксээмэннэргэ бэлэм, араас тэрээһиннэр быыстарыгар быыс булан эрчиллэн кытыннылар.

Ону таһынан “Сайыны көрсө” диэн өрөспүүбүлүкэтээҕи куонкуруска “Сайын” диэн норуот ырыатын В. Птицын хорга анаан оҥорбут ырыатын толорон 1 ст. лауреат буоллубут.

Быйыл "Азия оҕолорун" кыһыҥҥы иккис оонньууларыгар Кузбасстан ыҥырыы тутан 10 буолан ыллаан хайҕанан кэлбиппит.

Аны 50 сылбытын сыл буо­лан баран да буоллар, Опе­ра, балет тыйаатырыгар выпускниктарбытын кытта нацио­наль­най оркестр тыыннаах доҕуһуолунан хаһан да буолбатах улахан кэнсиэри тэрийэн үрдүк сыанабылы ылан кэлбиппит.

✍️ Василий Парников

Сиһилии саайтка ааҕыҥ
⏬️⏬️⏬️
https://мюрюгазета.рф/article/100077

✅ t.iss.one/murusahargata @ulusmedia

#нэһилиэктэргэ

💠 Суоттуга саахымат түһүлгэтэ

Бэс ыйын 10 күнүгэр, самаан сайыммытын айхаллыы Суотту нэһилиэгэр улууспут бастакы разрядтаах биир бастыҥ энтузиаст саахымаччытыгар, саахымат уһуйааччытыгар Степан Степанович Ефимов 75 сааһыгар аналлаах түргэн саахымакка үбүлүөйүнэй аһаҕас турнир бэрт тэрээһиннээхтик буолан ааста.

Быйыл бу, Суоттуга саахымакка аналлаах иккис улахан тэрээһин буолар. Ол курдук саас Семен Егорович Заровняев 75 сааһыгар улахан күрэхтэһиини тэрийбиттэрэ. Аны күһүн улууспут биир күүстээх саахымаччыта Николай Николаевич Овчинников 85 сааһыгар биир улахан тэрээһини былаанныыллар эбит.

☑️ Сиһилии саайтка ааҕыҥ
⏬️⏬️⏬️
https://мюрюгазета.рф/article/100257

✅ t.iss.one/murusahargata @ulusmedia

#эмчит

💠 Улууспутугар саҥа ФАП дьиэтэ, суһал көмө массыыналара, маммограф аппарата үлэлиэхтэрэ

Хомустаах бөһүөлэгэр модульнай конструкциялаах фельдшерскэй-акушерскай пууну таҥыы үлэтэ түмүктэннэ. Билигин ФАП тиэргэнин оҥоруу, тупсарыы уонна эмтииргэ лицензияны ылыы үлэлэрэ бараллар.

Ону сэргэ анал байыаннай дьайыы кыттыылааҕa, билигин дойдутугар сынньалаҥҥа кэлэ сылдьар Юрий Калининскай улуус кылаабынай бырааһыгар Анна Петроваҕа кэлэн ыалдьыттаата. Дьиэ кэргэнин бу ыарахан кэмнэргэ өйөөбүтүн иһин махталын биллэрдэ. Юрий бу иннинэ улуус киин балыыһатыгар электригинэн үлэлээбитэ. Оттон кэргэнэ сэкирэтээрдээбитэ.

Маны тэҥэ бэс ыйын 22 күнүгэр улуус мөлтөх суоллаах-иистээх Түүлээх, Өспөх уонна Тумул, Суотту, Сыырдаах врачебнай амбулаторияларыгар үлэһиттэри уонна ыарыһахтары таһарга аналлаах 5 массыына бэриллэр үөрүүлээх түгэнэ ыытыллыа.

Өссө биир үөрүүлээх сонунунан маммограф аппарата кэлбитэ буолар. Анал инженер кэлэн туруордаҕына үлэтэ саҕаланыа.

✍️ Ольга ШЕПЕЛЕВА

✅ t.iss.one/murusahargata @ulusmedia

#оҕосайыҥҥысынньалаҥа

💠 “Интеллект” лааҕыр 30 оҕону сайыннарда

Оҕо сайыҥҥы сынньалаҥын бастакы сезонугар, бэс ыйын 5-25 күннэригэр, Мүрү 1№-дээх орто оскуолатын 30 үөрэнээччитэ Марья Пухова салалталаах “Интеллект” лааҕырга быстыбат үөрэҕи уонна сынньалаҥы дьүөрэлээн, олус интэриэһинэй күннэри атаараллар.

Лааҕырга 7-9 кылаас оҕолоро сылдьаллар. Күннэтэ оҕону сайыннарар дьарыктар бырагыраамалара уларыйан, үөрэх бары эйгэтэ хабыллар. Ол курдук оскуола фелдьшерэ Анастасия Жиркова “Здоровейка” кулуубу үлэлэттэ. Учууталлар англия тылыгар Анна Артамонова, математикаҕа Виктория Афанасьева, нуучча тылыгар Елена Рожина, обществознаниеҕа Марья Пухова умсугутуулаах үөрэҕи ыыттылар.

✍️Ольга Шепелева

✅ t.iss.one/murusahargata @ulusmedia

💠 Мындааба даамбата оҥоһуллан, айан суола арылынна

Бэс ыйын 19 күнүгэр Мындааба бөһүөлэгэр стадион өттүнэн тиийэр суол даамбатын улахан уу тоҕо анньан алдьатан, эбэбит сүүрүгүрдэн түһэн хаалбыта.

Айан сырыыта уонна бөһүөлэк илин өттүгэр сайыҥҥы уу турбатын үлэтэ тохтообута. Маныаха нэһилиэк дьаһалтата суһаллык үлэһиттэри, дьону түмэн, субуотунньуктаан, ааһа түһэр ууну тохтоттулар.

Салгыы улахан кыамтаалаах техникалаах ИП Захар Стрекаловскай 1 погрузчигынан, 1 «Камаз» массыынанан барыта 492 куб буору куттулар, гравийы тастылар.

Онон бүгүн бэс ыйын 21 күнүгэр даамба оҥоһуллан, айан сырыыта арылынна. Сарахыйдаҕына өссө гравийын эбии кутан биэриэхтэрэ.

Маны тэҥэ бөһүөлэк илин олорооччуларын сайыҥҥы уу турбаларыгар эппиэттээх үлэһит Егор Тарабукин 15-17 миэтэрэ уу турбатын уһатан, эбэҕэ киллэрэн биэрдэ. Онон тирээн турбут боппуруостар кэмигэр түргэнник быһаарылыннылар.

✅ t.iss.one/murusahargata @ulusmedia