#ыллык

💠 Эбии үөрэхтээһин педагогтарын форума ситиһиилээхтик ааста

Бэс ыйын 14-15 күннэригэр Үөһээ Бүлүү улууһун киинигэр Хотун Бүлүү өрүс үрдүгэр Түгэхтэй алааска педагог уонна уһуйааччы сылыгар аналлаах эбии үөрэхтээһин педагогтарын бастакы өрөспүүбүлүкэтээҕи форума "Педагог дополнительного образования: профессиональные вызовы – необходимые
компетенции" тиэмэнэн ыытылынна.

Улуустан Мүрүтээҕи эдэр натуралистар станцияларыттан, "Өркөн" оҕону эбии үөрэхтээһин кииниттэн, Бороҕоннооҕу оҕо искусствотын уонна спортивнай оскуолаларыттан барыта 13 педагог баран кыттыыны ылан кэллилэр.

Ону сэргэ өрөспүүбүлүкэтээҕи "Юные якутяне" ресурснай киин филиалыттан – В.В. Никифоров-Күлүмнүүр аатынан Дүпсүннээҕи технопааркатыттан 5 педагог ресурснай киин үлэһиттэрин кытта биир делегацияҕа киирэн бара сырыттылар.

Форум туһунан улууска иитии үлэтигэр дириэктэрдэр сүбэһиттэрин куратора Мария Винокурова билиһиннэрэр.

✍️ Елена Сыроватская, уопсас. кэрэсп.

Салгыыта комментарийга
⏬️⏬️⏬️

#астык

💠 "Бэс ыйыгар битэмииннээх ньээм оту, тиит туорааҕын хомуйан туһаныҥ", –🌸🍃🌞

диэн Тулуна бөһүөлэгин олохтооҕо Матрена Терентьева сүбэлиир.

Кини быйыл эмиэ ньээм сибэккитин, туораахтары уонна дөлүһүөн сибэккитин эминньэҕин бу күннэргэ хомуйда🌿🌸

“Бу бэйэбит үүнээйилэрбититтэн олус туһалаах мүөт оҥоһуллар. Холобур, 500 устуука ньээм сибэккитин үргээн сууйан баран, 1 лиитэрэ ууга 20 мүнүүтэ оргутабын уонна биир суукка туруорабын. Ол кэннэ сиидэлээн баран уутугар 1,5 киилэ саахары кутан 1,5 чаас курдук оргутабын. Буһан истэҕинэ бүтэһигин диэки (араарыам 10 мүн. иннинэ) биир чайнай луоска лимон кислотатын кутабын. Бу маннык туораахтан уонна эминньэхтэн эмиэ мүөт, барыанньа оҥоробун”, – диэн Матрена ырысыабын үллэстэр🙌

Кини өссө дойдутун хаптаҕаһын, моонньоҕонун сэбирдэҕин, дөлүһүөн сибэккитин хатаран чэй эмиэ оҥостор🤩👍

Онон субу курдук хомуйан, хаһаанан айылҕа мүөтүн сөтөлгө, тымныйыыга, уопсай бэйэ туругун бөҕөргөтөргө тускутугар туһаныҥ. Чэгиэн буолуҥ!👍

✅ t.iss.one/murusahargata @ulusmedia

#нэһилиэктэргэ

💠 Окоемовка олохтоохторо бу күннэргэ ырааһырдыы үлэтин чэрчитинэн балай да субуотунньуктаатылар. Бүгүн "Үрдэл" түөлбэ олохтоохторо тахсан бөһүөлэк арҕаа өттүн ыраастаатылар.

Окоемовкаҕа үс түөлбэ баар, олохтоохтор оҕолуун-улаханныын күргүөмүнэн үлэлииллэр.

✍️ Мария Аммосова, уопсас. кэрэсп.

✅ t.iss.one/murusahargata @ulusmedia