Күннээҕи гороскоп✨

💫 Бэс ыйын 16 күнэ 💫

Хой ♈️

Саҥа күнү көхтөөхтүк атаарарга кыһаллыҥ, сөбүлүүр дьыалаҕытын оҥоро сатааҥ. Дьылҕа дьолу бэлэмнээбит – куоттарымаҥ. Уруккуттан сытар дьыалалары сөргүтэн, онно төннөн, олоххо киллэриҥ. Барыта табыллыа.

Оҕус♉

Үчүгэйи эрэ кытта ыаллаһыҥ, ханнык да уустук балаһыанньаҕа үчүгэй өрүттэрин көрө сатааҥ. Доҕоттору кытта сыһыан күүскэ уустугуруон сөп, онон көрсүһүүлэри аҕыйах хонук устата былааннаабат ордук. Мунньуллубут хом санаа ис туруккар дьайар, онон доруобуйаҕар бириэмэҕин уур, спордунан дьарыктан

Игирэлэр ♊

Үлэҕэр дьаныардаахтык сыһыаннаһаргын көрдөрдөххүнэ, оннооҕор аахсыбат түмүктэри ылыаҥ. Бүгүҥҥү киэһэни дьиэ кэргэҥҥин кытары атаарар ордук. Уопсай былааннары туруоруу уонна аһаҕас кэпсэтиилэр эһиги сыһыаҥҥытын бөҕөргөтүөхтэрэ

Рак♋

Эн чугас киһиҥ эн болҕомтоҕор наадыйар. Бириэмэҕитин бииргэ атаарыҥ, бэйэҕит иэйиигитин кэпсээҥ, санааҕытын үллэстиҥ. Иирээн да, иирсээн да ылар түгэннэр баар буолуохтара. Анааран туран барытын холкутук быһаарсар ордук

Хахай♌

Ис туругуҥ, санааҥ үрдүк таһымҥа тахсан көхтөөхтүк үлэлиэҥ. Күн бастакы аҥаара ордук таһаарыылаахтык ааһыаҕа. Уустук боппуруостары быһаарыахха сөп

Кыыс♍

Сулустар эйиэхэ сэмэй, киһиргээбэт буолуҥ диэн сүбэлииллэр. Эн тулалыыр эйгэҕэр ордугурҕааччылар баар буолуохтара, эн кэннигэр сылдьан хобу-сиби ырытыахтара

Ыйааһын♎

Саҥа билсиһиилэри кытта сэрэхтээхтик сыһыаннаһыҥ. Баҕар, сорохторо эйигин албыҥҥа тириэрдиэхтэрин сөп эбэтэр бэйэлэрин тустарыгар туһаныахтарын баҕараллар. Ордук урукку доҕотторгун уонна коллегаларгын кытта алтыһар саамай сөптөөх. Тус олоххор кэккэ уустук түгэннэр баар буолуохтарын сөп. Сүрэҕиҥ аҥаарын истэргэ уонна уопсай быһаарыыны көрдүүргэ кыһаллыҥ

Скорпион♏

Саҥа күн эйиэхэ үчүгэй буолар диэн сулустар билгэлииллэр. Үбү- харчыны кытары үлэлиир дьоҥҥо үлэҕитигэр улахан ситиһии күүтэр

Охчут♐

Оннук маннык сэрэхтээх дьыалаларга кыттыспат, ылсыбат ордук, оннук санааттан аккаастаныҥ. Кинилэр эһиэхэ кыһалҕалары, сүтүктэри эрэ аҕалыахтарын сөп. Ол кэриэтэ чугас доҕотторуҥ ортолоругар үөрэ-көтө, сынньана сылдьаргыт ордук

Чубуку♑

Күн бастакы аҥаарыгар эйиэхэ элбэх үлэ, эппиэттээх дьыала күүтэр. Сүрэҕиҥ аҥаарын кытары истиҥ сыһыаны олохтооҥ, кини баҕатын, санаатын ордук сэҥээр. Болҕомтоҕун уур, дьоһуннаахтык сыһыаннас

Күрүлгэн♒️

Уустук уонна улахан дьыаланы былааннаабыккын эрээри, огу ыларга арыый эрдэ курдук. Кэми-кэрдиини, күүһү-уоҕу эрэ ороскуоттуоххут. Ол кэриэтэ илиинэн дьарыктаныҥ, урукку бырайыактары бүтэриҥ.

Балыктар♓️

Элбэх сонун-нуобас, сүпсүлгэн бөҕөтө түбүгэр сылдьаҕыт. Ааспыты аахса барымаҥ, холку буолуҥ уонна сыһыаннары чөлүгэр түһэрэргэ кыһаныҥ. Харса суох саҥа интэриэһинэй үлэни өрө тутуҥ. Ол эн олоххун уларытыа