#нэһилиэктэргэ

💢 Дүпсүннэр чэгиэн буолууну түстүүр бырайыакка кыттыстыбыт

Муус устар 7 күнүгэр Дүпсүннээҕи "Сардаҥа" оҕо уһуйааныгар ураты ис хоһоонноох тэрээһин буолла. Дьокуускайтан "Далбар Хотун – алаһа дьиэ араҥаччыта, саха омук чөл туругун, ил эйгэтин түстээччитэ" уопсастыбаннай бырайыак салайааччылара – биологическай наука хандьыдаата, эмтээх үүнээйилэргэ, эфирдээх арыыларга уонна чэбдигирдэр аһылыкка исписэлииһэ Варвара Семенова уонна биологическай наука хандьыдаата, декоративнай үүнээйилэргэ, ландшафтнай көҕөрдүүгэ, сири оҥорууга исписэлииһэ Екатерина Афанасьева ыалдьыттаатылар.

Екатерина Афанасьева оҕо тэрилтэлэрин иһигэр уонна тэлгэһэтигэр ханнык мастары, талахтары, үүнээйилэри олордуохха сөбүн, үүнээйини олордор буору оҥоруу, үүнээйини көрүү туһунан олус үчүгэйдик кэпсээтэ, үгүс сүбэни биэрдэ, ыйытыыларга хоруйдаата уонна бэйэтин кинигэлэрин бэлэхтээтэ. Киһи билбэтэ үгүс эбит дии санаатыбыт, оҕолорго күөх эйгэни хайдах тэрийиэххэ сөбүн туһунан уу сахалыы боростуой тылынан лиэксийэни олус сэргээн иһиттибит.

Онтон Варвара Семёнова "Далбар Хотун" бырайыакка үөрэҕи төрүт ас-таҥас, дьыл кэминэн аһаан чэбдигириини, органическай сири оҥорон чөлүгэр түһэрии, ландшафнай көҕөрдүүгэ, эйгэни уларытыыга сыалланан-соруктанан үлэлииллэрин туһунан билиһиннэрдэ.

✍️ Пелагея Соловьева

☑️ Сиһилии: https://мюрюгазета.рф/article/94713

✅ t.iss.one/murusahargata @ulusmedia

#ПедагогуоннаАҕасүбэһитсыла

💢 Учуутал Ульяна Румянцева иккис үрдүк үөрэх кыһыл дипломун тутта

Мүрү 1-гы №-дээх орто оскуолатыгар 25-с сылын биология учууталынан үлэлии сылдьар 35 сыл педагогическай ыстаастаах үрдүк категориялаах учуутал, СӨ үөрэҕириитин туйгуна, РФ үөрэхтээһинин бочуоттаах үлэһитэ, Мүрү нэһилиэгин бочуоттаах олохтооҕо Ульяна Румянцева бу күннэргэ ХИФУ Хотугу сир төрүт норуоттарын тылларын институтугар кэтэхтэн үс сыл үөрэнэн "Туризмы тэрийии уонна сервис" идэҕэ магистратура кыһыл дипломун тутта. Бу тус ситиһиитин учуутал оскуола 150 сыллаах үбүлүөйүгэр аныыр.

Кини Мүрү 1-гы №-дээх орто оскуолатыгар 2002-2017 сс. дириэктэри научнай-мэтэдьиичэскэй үлэҕэ солбуйааччынан үлэлээбитэ. Бу кэмҥэ үөрэх-иитии чааһыгар элбэх саҥа сүүрээн киирбитэ. Мединститут филиалын быһыытынан мэдиссиинэ кылааһа аһыллан, икки выпуск тахсыбыта. 2005 сыллаахха үс күннээх өрөспүүбүлүкэтээҕи ааптарыскай кууруһу бэйэтин үлэтин уопутугар, оҥорбут бырагыраамаларыгар олоҕуран "Оскуола – чөл олох территорията" тиэмэҕэ ыыппыта учуутал, тэрийээччи, салайааччы быһыытынан күүстээҕин көрдөрбүтэ. Сунтаар Элгээйитигэр, Уус Алдан Найахытыгар, Мүрүгэ үөрэппит үгүс оҕото биология, мэдиссиинэ хайысхаларынан идэтин талбыта. Найахыга үс сыл үөрэппит кыыһа Саргылаана Соловьева билигин Томскай куоракка 2-с №-дээх оҕо балыыһатыгар педиатр бырааһынан үлэлиир. Мүрүгэ үөрэппит уола Иван Троев мэдиссиинэ наукатыгар үрдүк ситиһиилэрдээх.

Бу күннэргэ улууска ыытыллыбыт "Окно в науку" XX НПК-ҕа бэлэмнээбит үөрэнээччитэ Максим Татаров "Мэдиссиинэ уонна чөл олох" сиэксийэҕэ "Оценка когнитивных функций и постковидного синдрома у переболевших COVID-19" дакылаатынан лауреат аатын ылла уонна сиэксийэҕэ кыттыбыттартан "Научный подход" анал номинация хаһаайына буолла. Иккис үөрэнээччитэ Дайаана Румянцева II истиэпэннээх дипломунан бэлиэтэннэ.

✍️ Елена Сыроватская, уопсас. кэрэсп.

☑️ Сиһилии: https://мюрюгазета.рф/article/94717

✅ t.iss.one/murusahargata @ulusmedia

#кэпсиимэрэ

💢 Лөгөй сирин биир бастакы баяниһа Петр Нафанаилов айылҕаттан дьоҕур барыта бэриллибит киһитэ

Мин 1982 сыллаахха Кэптэнигэ кийиит буолан кэлбитим. Миигин оччотооҕу кииннэммит тыа сирин кулуубун дириэктэрэ Егор Заровняев: "Оройуоҥҥа АКБ-лар тэрилиннилэр, онон АКБ старшай мэтэдьииһинэн ананаҕын", – диэн саҥа тэриллибит штатка анаабыта. Дьэ, ол күннэртэн Петр Нафанаиловтыын алтыстым.

Киниэхэ айылҕаттан дьоҕур барыта бэриллибит. Байаанын көтөхпүтүнэн сылдьар, байаан кэрэ тыаһынан кэнсиэрдэри киэргэтэр нэһилиэк үрдүнэн соҕотох баянист этэ. Тарбаҕар талаанын, ууһун туһунан этэ да барыллыбат.

Бүөтүр соторутааҕыта Саха Өрөспүүбүлүкэтин норуот уус-уран оҥоһуктарын маастара буолла. Онон киниэхэ истиҥ эҕэрдэбин тиэрдэбин.

✍️ Ульяна Бурнашева, суруналыыс

☑️ Сиһилии: https://мюрюгазета.рф/article/94720

✅ t.iss.one/murusahargata @ulusmedia

#бэртхараудьуордара

💢 Диана Егорова Кисловодскай куоракка сүүрүүгэ маастарыстыбатын чочуйар

Кэскиллээх сүүрүүк кыыспыт Диана Егорова сүүрүүгэ Саха сирин сүүмэрдэммит хамаандатыгар киирдэ. Мүрү 1-гы №-дээх орто оскуолатын 6 «а» кылааһын үөрэнээччитэ билигин Кисловодск куоракка сбордана сылдьар.

Диананы үһүс кылаастан сүүрүүгэ дьарыктыыр Мария Слепцова кыысчаан туһунан маннык билиһиннэрэр:

– Хап-харанан чоҕулуччу көрбүт кып-кыра, нап-нарын, наһаа сэргэх кырачаан кыыс миэхэ дьарыктана кэлбитэ. Ол күнтэн биир да дьарыгы көтүппэкэ, ис-иһиттэн дьаныһан туран дьарыктанан кыралаан күрэхтэһиилэргэ миэстэлэһэн барбыта.

Оҕо диэтэххэ, наһаа эппиэтинэстээҕин, туруоруммут сыалын ситиһэр күүстээх санаалааҕын бэлиэтиибин. Күрэхтэстэҕин аайы бириэмэтин тэҥнээн көрөн, дистанцияларын аайы төһө тупсубутун ыйытар, ырытан көрөн түмүк оҥостон, инники соруктарын туруорунар үгэстээх.

Ол курдук дьарыкпыт түмүгүнэн кэккэ ситиһиилэрдээхпит. Холобур, быйылгы сылы ылан көрдөххө, Дьокуускайга ыытыллыбыт сүүрүүгэ өрөспүүбүлүкэҕэ бастыыр иһин күрэхтэһиигэ III миэстэни, Мэҥэ Хаҥалас улууһун Суола Моорук нэһилиэгэр ыытыллыбыт XXVII өрөспүүбүлүкэтээҕи кросска 1000 м арыкка II миэстэни, Дьокуускай куоракка ыытыллыбыт 2010-2011 төрүөх оҕолор ортолоругар өрөспүүбүлүкэтээҕи күрэхтэһиигэ 3000 м арыкка III миэстэни, 1500 м арыкка II миэстэни, онтон да атын күрэхтэһиилэргэ бириистээх миэстэлэри ылары ситистэ.

Билигин 2010-2011 сыллааҕы төрүөх оҕолорго өрөспүүбүлүкэ үрдүнэн 1500 м, 3000 м «Азия оҕолоро» оонньууларга сүүмэрдээһинин ааһан, Кисловодскай куоракка сбордана сылдьар. Иитиллээччим Диана өссө да дьарыктанан, үрдүк чыпчаалы дабайыа диэн эрэнэбин!

Сүүрүүк кыыс сбор бүтүүтэ Владимировскай уобалас Суздаль куоратыгар буолар кросска сүүрэн, ону таһынан бэс ыйын 7-8 күннэригэр буолар «Спортивные якутяне» сайыҥҥы спартакиадаҕа кыттарга бэлэмнэнэр.

✍️ Мария Аргунова

☑️ https://мюрюгазета.рф/article/94726

✅ t.iss.one/murusahargata @ulusmedia

#үөрэхэйгэтэ

💢 Тумул бөһүөлэгэр оскуола-саад көмүс сыбаайата түстэ

Инвестиционнай бырагыраама чэрчитинэн сотору кэминэн саҥа дьиэ дьэндэйэрин эрэнэ күүтэр олохтоохтор мустан, бу үөрүүлээх түгэни бары бииргэ бэлиэтээтилэр, үллэһиннилэр.

Эбийиэги "Адгезия" ХЭТ (директор Ариан Габышев) тутан киллэрэрэ былааннанар.

✍️🎥 Ольга Шепелева

✅ t.iss.one/murusahargata @ulusmedia