#УчууталуоннаАҕасүбэһитсыла

💢 Кини айылҕаттан анала – учуутал идэтэ

Мүрү орто оскуолатын 1998 сыллаахха үөрэнэн бүтэрбит, билигин Ньурба улууһугар Оҕо айымньытын уонна инновационнай технологияларга киинин дириэктэринэн үлэлиир СӨ үөрэҕириитин туйгуна Альбина Ермолаева (Бочкарева) Мүрүгэ бастакы кылаастан ыла үөрэппит учууталын туһунан иһирэхтик ахтан суруйбут. Н.И. Нюрбинцев аатынан Ньурбачаан орто оскуолатыгар “Оскуола үөрэнээччилэринэн киэн туттар” диэн төбөлөөх истиэндэҕэ маҥнайгы учуутала баарын көрөн соһуйбутун, үөрбүтүн, киэн туттубутун бэлиэтиир. Ньурбачаан оскуолатын киэн туттар үөрэнээччитэ кимий?

Кини – Валентина Алексеевна Пермякова, Мүрү 1 №-дээх орто оскуолатын алын сүһүөх кылааһын учуутала, СӨ үөрэҕириитин туйгуна, СӨ Бэрэсидьиэнин Гранын хаһаайката (2007 с.).

Сиһилии: https://мюрюгазета.рф/article/92772

✅ @murusahargata @ulusmedia

#уһуйааннарга

💢 Оҕо саастан үлэни таптыырга иитэбит-үөрэтэбит

Оҕону үлэ үөрүйэхтэригэр сыһыарыы, уһуйуу, үлэҕэ тапталы иҥэрии олох кыра сааһыттан саҕаланнаҕына, оҕо бэйэтин бэйэтэ көрүнэр, үлэни таптыыр, дьон үлэтин сыаналыыр буола улаатара биллэр.

Маннык сыаллаах-соруктаах "Мүрүчээнэ" уһуйаан эрдэтээҥҥи " Ымыычаан" бөлөҕөр "Үлэлии үөрэниэм элбэҕи ситиһиэм" диэн уһун болдьохтоох бырайыак ылынан үлэлии сылдьабыт. Оҕону үлэҕэ иитии дьиэ кэргэнтэн, төрөппүттэрин, чугас дьоннорун холобурдарыттан саҕаланар. Бырайыакпыт чэрчитинэн "Ийэ кырачаан көмөлөһөөччүтэ" диэн бөлөхпүт иһинэн видеоролик күрэһин ыыттыбыт.

Төрөппүттэр олус көхтөөхтүк кыттаннар, кырачаан иитиллээччилэрбит араас анал ааттарга тигистилэр. "Кырачаан Тортофея" анал ааты Аделина Морозова, "Кырачаан кондитер" анал ааты Ева Колодезникова, "Кырачаан асчыт" анал ааты Дархан Местников, "Кырачаан көмөлөһөөччү" анал ааты Ая Петухова уонна " Минньигэс коктейль" анал ааты Юлиан Румянцев ыллылар. Бырайыакпытын төрөппүттэрбит биир санаанан өйөөбүттэригэр махтанабыт. Бу күннэргэ "Аҕам үтүө холобурунан" диэн оҕо аҕатын кытта үлэлэрин, дьарыктарын түгэннэриттэн хаартыска быыстапкатын ыытар былааннаахпыт.

Бу бырайыакпыт Өрөспүүбүлүкэҕэ – Үлэ, нэһилиэккэ – Аҕа сылын чэрчитинэн ыытыллар.

✍️ Маргарита Копырина, Майя Ноговицына, “Мүрүчээнэ” оҕо тэрилтэтин иитээччилэрэ

✅ @murusahargata @ulusmedia

#санааситимэ

🐴 Сылгы кыстыга хайдах ааһан эрэрий?

2016 сыллаахха ”Саха өрөспүүбүлүкэтигэр сылгыны үөрдээн иитиини сайыннарар миэрэлэр тустарынан” диэн СӨ Бэрэсидьиэнин ыйааҕар олоҕуран, кулун тутар 21 күнүгэр – Сылгыһыт күнэ бэлиэтэнэр буолбута. Улууспутугар 2 500 сылгы баара биллэр. Сүөһүлээх-сылгылаах дьон кыһарҕаннаах кыһыны туораан, күөх окко үктэннэхтэринэ эрэ кыстыгы хайдах ааспыттарын туһунан этэр үгэстээхтэр. Ол эрээри, быйыл ураты тымныы кыһын буолан ааста, онон сылгы иитэр дьонтон кыстык хайдах ааһан эрэрин, төһө сылгылаахтарын, туох көмөҕө баҕаралларын ыйыталаһыахха.

https://мюрюгазета.рф/article/92762

✅ @murusahargata @ulusmedia

#кэрээйгэтигэр

💢 Анал быыстапка уон күн устата туруоҕа

Анастасия Божедонова олоҕун суолун кэрэһэлиир быыстапка кини төрөөбүт күнүгэр – кулун тутар 17 күнүгэр туруоруллубута. Итиэннэ кулун тутар 27 күнүгэр диэри дьоҥҥо кэрэхсэтэ турара былааннанар. Онон улуус олохтоохторо көрө-истэ, сэргии кэлэллэрэ күүтүллэр.

✅ @murusahargata @ulusmedia