#бырабыыталыстыбаотчуота

⏺ СӨ Бырабыыталыстыбатын бэрэссэдээтэлин солбуйааччы Сергей Местников саҥа оскуола тутуутун билистэ

Уус Алдан улууһугар СӨ Бырабыыталыстыбатын сыллааҕы үлэтин отчуоттуур тэрээһиннэрин иһинэн СӨ Бырабыыталыстыбатын бэрэссэдээтэлин солбуйааччы Сергей Местников Мүрү 2-с №-дээх орто оскуолатын 450 миэстэлээх тутулла турар саҥа эбийиэгэр сылдьан, үлэ хаамыытын билистэ.

Санатан эттэххэ, оскуола тутуута ааспыт сыл муус устар ыйыттан “Русстрой-89” ХЭТ сүрүн бэдэрээччиттээх саҕаланан, билигин ис үлэтигэр кырааскалааһын, миэбэли таҥыы, уопсай хомуйуу үлэтэ бара турар.

Сергей Местников тутуу хайдах түмүктэнэн иһэрин тус бэйэтэ кэлэн хонтуруоллаан, хас биирдии кэбиниэти, аактабай, успуорт саалалары сирийэн көрөн, хаачыстыба өттүгэр хонтуруолу күүскэ туруорарга, кыра итэҕэстэр баалларын көннөрөргө эттэ.

Салгыытын комментарийга аах
⏬⏬⏬✍️ Екатерина Захарова

@murusahargata

#үөрэхэйгэтэ

💢 Учуутал аатын үйэтитэр олимпиада 13-с төгүлүн ыытылынна

Мүрү 1 №-дээх орто оскуолатын алын сүһүөх кылаастарын учууталларын холбоһуга оскуолаҕа өр сылларга алын сүһүөх кылаас учууталынан үлэлээбит педагогическай үлэ, тыыл бэтэрээнэ Варвара Троева (1935-2002) аатын үйэтитэр сыаллаах төрөөбүт тыл уонна литэрэтиирэ олимпиадатын 2010 сылтан тэрийэн ыытар. Оскуола алын сүһүөх кылаастарын учууталларын "Росток" мэтэдьиичэскэй холбоһугун салайааччыта Дилия Ефремова олунньу 21 күнүгэр ыытыллыбыт олимпиада туһунан маннык сэһэргээтэ.

– Бэҕэһээ олимпиаданы 13-с төгүлүн тэрийэн ыыттыбыт. Бэлэмигэр оскуола салалтата, педагогтар, мэтэдьиичэскэй холбоһук учууталлара бары көмөлөөммүт тэрээһинэ табылынна. Олимпиада аһыллыытыгар оскуола дириэктэрэ Игорь Сивцев уонна В.М. Троева төрөппүт кыыһа – С.С. Васильев аатынан улуустааҕы киин бибилэтиэкэ справочнай-библиографическай салаатын кыл.библиограба Любовь Копырина тыл этэн олимпиадаҕа кытта кэлбит оҕолору, кинилэр учууталларын эҕэрдэлээтилэр. Любовь Дмитриевна ийэтин Варвара Михайловна туһунан туруоруллубут быыстапка сүнньүнэн хомоҕой тылынан кэпсээтэ, учуутал, ийэ быһыытынан сырдаппытын сэргии иһиттибит.

Төрөөбүт тыл уонна литэрэтиирэ улуустааҕы олимпиадаҕа улуус 19 оскуолатыттан 117 оҕо кыттыыны ылла.

Кыайыылаахтар ааттарын комментарийга көр👍


✍️ Елена Сыроватская, уопсас. кэрэсп.

✅ https://мюрюгазета.рф/article/90941

#улууска

💢 Хаар оҥоһуктары оҥоруу күрэс түмүгэ таҕыста

Мүрү нэһилиэгэр «Хаар – айар абылаҥмыт» хаар оҥоһуктары оҥоруу күөн-күрэс түмүктэннэ. Өрөспүүбүлүкэ, аан дойду хаар оноһуктарын маастара Иван Румянцев бырайыагынан күрэхтэһиини Мүрү нэһилиэгин дьаһалтата, "Эр хоһуун" аҕалар түмсүүлэрэ, "Олоҥхо дьиэтэ" этно-култуурунай киин (сал. Айаал Аргунов) тэрийэн ыытар.

Барыта аҕыс кыттааччы күрүөхтэн кэрэ оҥоһуктарын үс күн иһигэр айан-тутан таһаардылар. Дьүүллүүр сүбэ быһаарыытынан, Бартыһаан Дьөгүөрэп сырдык уобараһын ойуулаабыт Федот Колодезников муҥутуур кыайыылаҕынан тахсан 20 000 солк., омурҕан түгэнин хоһуйан иккис миэстэҕэ Ян Стрекаловскай тиксэн 15 000 солк., ыт уонна оҕо доҕордоһуутун көрдөрөн үһүс бочуоттаах миэстэҕэ тахсан Гаврил Иванов 10 000 солк. суумалаах «Байдам» булт маҕаһыыныттан сэртипикээти туттулар. Онтон атыттар анал аатынан бэлиэтэннилэр.

Хаар оҥоһуктары чочуйааччылар сандал саас иһэринэн биир дойдулаахтарыгар кэрэ көстүүнү бэлэхтээбиттэриттэн астынан, дуоһуйан, үөрэн-көтөн тарҕастылар.

✍️ Мария Аргунова

✅ @murusahargata