Forwarded from Мүрү саһарҕата
This media is not supported in your browser
VIEW IN TELEGRAM
#улууска
Төрүүр дьахталлары көрөр улуустааҕы балыыһаҕа бу сылга бастакы оҕо күн сирин көрдө. Бүгүн ийэлээх оҕону үөрүүлээх быһыыга-майгыга эҕэрдэлээн дьиэтигэр атаардылар.
Эдэр ийэ Яна Протодьяконова номнуо бэһис оҕотун күн сирин көрдөрдөрдө, салгыы Яна Павловна маннык кэпсээтэ:
– 16-с чыыһылаҕа ыалдьан киирэн этэҥҥэ оҕоломмутум. Уолум 4290 кг ыйааһыннаах, 58 см уһуннаах. Улахан оҕолорбут үһүөн кыргыттар уонна биир сааһын ааспыт уоллаахпыт, онон уолаттарым эмиэ тэҥҥэ улаатыахтара диэн үөрэбит.
Бэйэм иитээччи идэлээхпин, кэргэним Семен физкультура учуутала. Майаҕас бөһүөлэгин олохтоохторобут. Кыра оҕолордоох киһи куоракка киирэн оҕолонорум эмиэ туһугар уустуктардаах. Онон эрдэттэн манна оҕолонорго быһаарыммытым. Олус үчүгэйдик оҕолоннум.
Варвара Дмитриевнанан сирэйдээн бары балыыһа үлэһиттэригэр кыһамньылаах үлэлэрин, истиҥ сыһыаннарын иһин улахан махталбын этэбин.
Үөрбүт-көппүт эдэркээн ыалы дьахталлар улуустааҕы сэбиэттэрин уонна "Арассыыйа ийэлэрэ" уопсастыбаннай хамсааһын улуустааҕы түмсүүтүн ааттарыттан дьахталлар сэбиэттэрин салайааччы Люция Аммосова уонна балыыһа кэлэктиибэ эҕэрдэлээтилэр.
Кэлин, ирдэбил быһыытынан, эрдэ киэсэрэптээх дьахталлары уонна ийэ, оҕо доруобуйатыгар патологиялаах буоллахтарына, куоракка ыытан төрөтөллөр. Оттон манна үксүн ийэ буолаары сылдьар дьахталлары кэтээн көрөллөр, диспансеризациялыыллар эрэ.
Акушер-гинеколог бырааһынан 48-с сылын үлэлиир Варвара Сыроватская бу курдук эттэ:
– Яна Павловна доруобуйата үчүгэй буолан манна оҕолонно. Онон бу сылга бастакы оҕо бэлиэтэннэ. Эдэр ыаллары эҕэрдэлээн туран, төрүүр балыыһабыт саҥа дьиэтэ тутуллара буоллар, 10 оҕоҕо тиийэ өссө да оҕолоно кэлэллэригэр баҕарабыт.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍9
#бырабыыталыстыбаотчуота
СӨ Бырабыыталыстыбатын үлэтин отчуотун истии кэнниттэн улууспут биир саамай уһук, Алдан өрүс кытылыгар олорор Өспөх нэһилиэгэр уонна улуус киинини Бороҕону кытта Мүрү Эбэҕэ сыттана сытар Майаҕаска оскуола тутуутун саамай ыалдьар, сытыы кыһалҕаларын быһыытынан туруорустулар.
Ол курдук өспөхтөр оскуолаларыгар оҕо ахсаана олус аҕыйаҕынан, ханнык да бырагыраамаҕа кыайан хапсыбаппыт дииллэр. Оскуолаларыгар 23 оҕолоохтор. Атын сирдэргэ да барыы элбээбитин этэллэр. Онно сүрүн сылтаҕынан саҥа, үчүгэй хааччыллыылаах оскуолалар тутуллаллара буоларын бэлиэтээтилэр. Онон итинник кыра нэһилиэнньэлээх пууннарга оскуолалары тутууга Саха сиригэр бэйэтигэр анал бырагыраама баар буоларын туруорустулар. “Ыччаппыт төрөөбүт дойдубутугар, үөрэммит оскуолабытыгар үлэлиэхпит диэн ананан сыал-сорук оҥостон кэлэллэр, онон каадыр боппуруоһугар иникилээхпит”, – диэн эрэл санааларын эттилэр.
Майаҕаска кэнники сылларга ыччат олохсуйуута элбээн эрэринэн, нэһилиэнньэ ахсаана эбиллибитин эттилэр. Бүтэһик биэрэпис түмүгүнэн нэһилиэнньэ ахсаана 600-тэн тахсыбыт. Урукку өттүгэр 500 иһинэн халбаҥныыр эбит. Оскуолаларыгар күн бүгүн 74 оҕо үөрэнэр эбит. Оскуола иннинээҕи саастаах оҕо үгүс, сыл аайы бастакы кылааска киирэр оҕо ахсаана 10-тан түспэт буолбут. Ону таһынан, Бороҕон чугас буолан, онно баран үөрэнээччи эмиэ элбэх дииллэр. Холобур, уолаттар гимназияларыгар 7 уол киирэн үөрэнэ сылдьара үөрэх чааһыгар үчүгэй өрүттээх үлэ барарын мэктиэлиирин бэлиэтээтилэр.
Манна оскуолалара 50 сыл анараа өттүгэр тутуллуоҕуттан үлэлии турар, улууска соҕотох мас оскуола. Онон саҥа оскуола тутуутун сыл аайы туруорсаллрын этэн туран, олус баараҕай тутууларга охтубакка, тэттик оскуолалары тутууга болҕомто ууран, бэйэлэригэр сөптөөх оскуола тутулларыгар баҕа санааларын эттилэр.
Бу икки нэһилиэккэ оскуола тутуутун боппуруоһун туруорсуу туһунан этиилэрэ мунньах боротокуолугар киллэрилиннэ.
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍6
#бырабыыталыстыбаотчуота
⏺ СӨ Бырабыыталыстыбатын бэрэссэдээтэлин солбуйааччы Сергей Местников саҥа оскуола тутуутун билистэ
Уус Алдан улууһугар СӨ Бырабыыталыстыбатын сыллааҕы үлэтин отчуоттуур тэрээһиннэрин иһинэн СӨ Бырабыыталыстыбатын бэрэссэдээтэлин солбуйааччы Сергей Местников Мүрү 2-с №-дээх орто оскуолатын 450 миэстэлээх тутулла турар саҥа эбийиэгэр сылдьан, үлэ хаамыытын билистэ.
Санатан эттэххэ, оскуола тутуута ааспыт сыл муус устар ыйыттан “Русстрой-89” ХЭТ сүрүн бэдэрээччиттээх саҕаланан, билигин ис үлэтигэр кырааскалааһын, миэбэли таҥыы, уопсай хомуйуу үлэтэ бара турар.
Сергей Местников тутуу хайдах түмүктэнэн иһэрин тус бэйэтэ кэлэн хонтуруоллаан, хас биирдии кэбиниэти, аактабай, успуорт саалалары сирийэн көрөн, хаачыстыба өттүгэр хонтуруолу күүскэ туруорарга, кыра итэҕэстэр баалларын көннөрөргө эттэ.
Салгыытын комментарийга аах
⏬⏬⏬✍️ Екатерина Захарова
@murusahargata
Уус Алдан улууһугар СӨ Бырабыыталыстыбатын сыллааҕы үлэтин отчуоттуур тэрээһиннэрин иһинэн СӨ Бырабыыталыстыбатын бэрэссэдээтэлин солбуйааччы Сергей Местников Мүрү 2-с №-дээх орто оскуолатын 450 миэстэлээх тутулла турар саҥа эбийиэгэр сылдьан, үлэ хаамыытын билистэ.
Санатан эттэххэ, оскуола тутуута ааспыт сыл муус устар ыйыттан “Русстрой-89” ХЭТ сүрүн бэдэрээччиттээх саҕаланан, билигин ис үлэтигэр кырааскалааһын, миэбэли таҥыы, уопсай хомуйуу үлэтэ бара турар.
Сергей Местников тутуу хайдах түмүктэнэн иһэрин тус бэйэтэ кэлэн хонтуруоллаан, хас биирдии кэбиниэти, аактабай, успуорт саалалары сирийэн көрөн, хаачыстыба өттүгэр хонтуруолу күүскэ туруорарга, кыра итэҕэстэр баалларын көннөрөргө эттэ.
Салгыытын комментарийга аах
⏬⏬⏬✍️ Екатерина Захарова
@murusahargata
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
👍8