🔟🔟🔟🔟

💢 «Мүрүчээнэ» иитиллээччилэрэ айылҕаны харыстыырга үөрэнэллэр
 
Бүтүн Арассыыйатааҕы "Добрые крышечки" диэн айылҕаны харыстыыр анал аахсыйаҕа “Мүрүчээнэ” оҕо тэрилтэтин иитиллээччилэрэ төрөппүттэрин кытта бары көхтөөх кыттыыны ылан, барыта 33 киилэ 80 грамм хаппаҕы хомуйан, улуустааҕы юннатскай станцияҕа туттардыбыт. 

Уһуйааммыт 12 бөлөҕүн иитиллээччилэрэ, төрөппүттэрэ, үлэһиттэрэ бары көхтөөх кыттыыны ыллылар, ол курдук саамай элбэх 7 киилэ 20 грамм хаппаҕы "Любознайки" бэлэмнэнии бөлөх (иитээччилэр Мария Гоголева, Надежда Кириллова) хомуйдулар.

Оттон саамай элбэх устуука 1875 хаппаҕы "Күлүмчээнэ" орто бөлөх (иитээччилэр Любомира Дегтярева, Светлана Бочкарева) хомуйдулар.

Надежда Федотовна салайааччылаах "Кустук" миэтэдьиичэскэй холбоһук аахсыйаны иилээн-саҕалаан ыытта.

Инникитин да маннык экология хайысхалаах аахсыйаларга көхтөөх кыттыыны ылар былааннаахпыт уонна атын тэрилтэлэри өйүүллэригэр ыҥырабыт.
 
✍️ Анна Алексеева, “Мүрүчээнэ” оҕо тэрилтэтин бас иитээччитэ

@murusahargata

🔟🔟🔟🔟

💢 Үлэ киһитин, саахыматчыт Дмитрий Павловы чиэстээтилэр
 
Өрөспүүбүлүкэҕэ Үлэ, Мүрү нэһилиэгэр Аҕа сылларынан улуус бастыҥ саахыматчыта Дмитрий Павлов үбүлүөйдээх 65 сааһынан саахымат турнира буолан ааста. Икки күн устата улууспут нэһилиэктэриттэн, Дьокуускайтан 39 кыттааччы күөн көрүстэ.

Күрэхтэһиигэ 11 саастарыттан 75 саастарыгар тиийэ араас таһымнаах саахыматчыттар илин-кэлин түһүстүлэр, күүрээннээх күрэх үөрүүтүн биллилэр.

Эр дьоҥҥо Николай Бурнашев, Дмитрий Аммосов, Артамон Максимов, дьахталларга Наталья Аржакова, Екатерина Гуляева, Саргылаана Избекова, оҕолорго Сайаана Куо Рожина, Артем Лонгинов, Эльдар Винокуров кыайыылаахтарынан таҕыстылар, грамоталарынан, мэтээллэринэн, уу харчынан уонна сыаналаах бириистэринэн наҕараадаланнылар.

Күрэхтэһии үтүө түмүгүнэн үүнэн иһэр эдэр саахымаччыттар Сайаана Куо Рожина, Артем Лонгинов, Эльдар Винокуров, Денис Новгородов иккис, Денис Назаров үһүс спортивнай разрядтары толорбуттара буолла.

Салгыыта комментарийга
⏬️⏬️⏬️

✍️ Михаил УШНИЦКАЙ

@murusahargata

🔟🔟🔟🔟

#бырабыыталыстыбаотчуота

⏺ Кытыы бөһүөлэк кыһалҕата үгүс

Бүгүн СӨ Бырабыыталыстыбатын үлэтин отчуоттуур иккис бөлөҕө үлэтин Чэриктэй нэһилиэгиттэн саҕалаата. Кытыы сытар Чэриктэй нэһилиэгэ билигин да кыһалҕата үгүс.

Урут бастаан нэһилиэнньэ эдэр араҥата үгүс ыйытыыны биэрдэ, кыһалҕатын этиннэ. Кинилэргэ саамай тыын боппуруостара – успуорт саалатын тутуута буолла, “2018 сылтан успуорт саалата суох олоробут” дэстилэр. Итиэннэ киин ититиигэ 19 ыал холбонон олорор эбит, маныаха: “Эбии 57 ыал холбоноругар хочуолунай оһоҕун саҥардыыга субсидия көрүллэрэ буоллар”, – диэн баҕа санаалаахтарын өрөспүүбүлүкэ салалтатыгар тиэртилэр.

Тыа хаһаайыстыбатын салаатыгар отчуттар арыыга киирэн оттуур буолан, үгүс эрэйи көрсөллөрө, күнү-дьылы куоттараллара эмиэ бөһүөлэк биир сүрүн кыһалҕата буолар эбит. Онон олохтоохтор “тиэхиньикэни туоратарга понтон (ууга устар олбохтоох) муоста тутуллара кыаллыа дуо?” диэн сураһаллар.

Салгыыта комментарийдарга
⏬️⏬️⏬️

✍️ Мария АРГУНОВА

@murusahargata

🔟🔟🔟🔟

💢 Станислав Луковцев "Сырдык үөрүү" айар киэһэтин анаата

Бороҕоннооҕу оҕо искусствотын оскуолатын преподавателэ, СӨ ырыа айааччыларын сойууһун чилиэнэ, авиация, космос тиэмэтигэр сүдү кэллиэксийэлээх Станислав Луковцев 60 сааһын туолбутунан бар дьонугар "Сырдык үөрүү" айар киэһэтин анаата.

Кэнсиэргэ Станислав Луковцев мелодиятын айбыт ырыалара, "Азия оҕолоро" аан дойдутааҕы спортивнай оонньуу Өрөгөй ырыатыттан саҕалаан, ылланнылар. Норуот биһирэбилин ылбыт ырыаларын "Кэнчээри" оҕо ансаамбыла (сал. В. Парников), улуус бастыҥ ырыаһыттара Саргылаана Константинова, Василий Охлопков, Галина Матвеева, Николай Бурцев, Саргылаана Тимофеева, куораттан биир дойдулаахпыт Савва Вензель, о.д.а. толордулар. Маны тэҥэ куораттан авиация бэтэрээннэрэ ырыаһыт Валерий Стефанскай, аккордеонист Игорь Корниенко, "Тойон Мүрү", "Энергия" үҥкүү бөлөхтөрүн, Бороҕоннооҕу оҕо искусствотын оскуолатын үҥкүүһүт оҕолорун, ону тэҥэ Станислав Луковцев уһуйуллааччыларын, о.д.а. толорууларын көрөөччүлэр үөрэ ылыннылар.

Кэнсиэр түмүгэр 60 сааһын туолбут Станислав Луковцевы улуус баһылыгын бастакы солбуйааччы Петр Сивцев, култуура управлениетын начаалынньыга Иннокентий Аммосов, үөрэх управлениета, тэрилтэлэр, түмсүүлэр, Бороҕоҥҥо олорор биир дойдулаахтара Таатта дьоно, доҕотторо эҕэрдэлээтилэр, киэн тутталларын биллэрдилэр.

Станислав Луковцев өрөгөйдөөх чааһа манан түмүктэммэтэ. Ол курдук олунньу 17 күнүгэр ыытыллыбыт култуура үлэһиттэрин ааспыт сылы түмүктүүр үөрүүлээх киэһэҕэ Станислав Луковцевы бастыҥ үлэһиттэр ахсааннарыгар ааттаан туран "Чыпчаал" бэлиэни туттардылар.

Олунньу 21 күнүгэр Дьокуускайга Ю.А. Гагарин аатынан култуура уонна аныгы искусство киинигэр Арассыыйа гражданскай авиациятын 100 сылыгар аналлаах үөрүүлээх тэрээһиҥҥэ ыҥырыллан авиация тиэмэтигэр кэллиэксийэтин быыстапкатынан кыттар.

Ити курдук үлэ киһитэ олох оргуйар үөһүгэр сырдык санааны, иэйиини ыһа үрүлүйэ айа-тута сылдьар.

✍️ Елена Сыроватская, уопсас. кэрэсп.

@murusahargata