❄️Олунньу 2 күнэ. Чэппиэр

Олунньу – Одун хаан ыйа

Бу ый былыргынан бүтэй кэм.

Олунньуга саас кэлиитин, сайын хайдах буолуон билгэлииллэр🤔 Ый хаһыс күнүгэр сылыйар да, кэлэр ыйга ол кэмҥэ бэлиэтээһин буолар👍 Олунньуга сылаас,☁☁☁ былыттаах буоллаҕына – сайына кураан, тымныы🥶 буолаҕына – ардахтаах🌧🌧🌧 Тымныы бүтэр сис☁☁☁былыта 15-20 күннэригэр буолар🤨 Ый икки тыаллаах: көмнөҕү түһэрэр уонна күнү☀️көтөҕөр.

Бүгүн ый 🌕дьиэлэннэҕинэ – мөлтөх үүнүүлээх сайын🫣 Күн☀️ортото күннээх буоллаҕына – саас эрдэлиир👍 оттон былытырдаҕына☁☁☁ – хойукка диэри тыалырар💨

Бөлүүн биллэрдик❄❄❄хаардаабыт. Былыттаах☁☁☁☁☁буолан, ый🌕сырдатар күүһэ мөлтөөн, барбах тунаарар. Тыала хотуттан буолан, буруону соҕуруу иэҕэр💨💨💨Сарсыарда 5:30 чааска Суоттуга -41°С🤗Күммүт☀️2 чаас 30 мүн. уһаата👍👍👍

Сарсыардааҥҥы ыраас, сибиэһэй салгын барахсан тыынарга-үчүгэйиэн👏👏👏 Эти-хааны уһугуннаран💪💪💪 хаар күрдьэр – эриэккэһиэн😅 Киһи сылааска бигэнэн санаалыын😇сырдаан, барыта кэрэттэн иэйии кутуллан саҥа күнү☀️үөрэ көрсөр🤭

Олунньу ый

Олунньу ыйбыт таайтарыылаах,
Одун Хаан таҥаралаах,
"Улуу, модун" диэн өйдөбүллээх,
Олус Ытык төрүттээх.

Өбүгэлэрбит өркөн өйдөрүнэн
Үгүһү мындырдык билэллэрэ,
Өҥ-кураан сайын буоларын
Эрдэттэн билэн дьаһаналлара.

Олунньуга сайыны билгэлииллэрэ,
Айылҕаны күннэтэ кэтииллэрэ,
Ый, үргэл көстүүтүн маныыллара,
Уу-хаар тахсарын быһаараллара.

Ардахтаах сайынтан үөрэллэрэ
Отторо хойуутук үүнүөҕүттэн,
Уйгулаах быйаҥтан тиксэллэрэ
Оту өлгөмнүк оттооннор.

САЛАЛЛЫЛЛЫБЫТ САҤА☀️КҮН СЫЛААҺЫНАН СЫДЬААЙДЫН! ҮҮҮММҮТ ҮТҮӨ☀️КҮН ҮТҮӨНҮ ТҮСТЭЭТИН!😅✊✊✊

✍️ Иннокентий Попов, Суотту олохтооҕо

Альбина Аммосова 📸 түһэриитэ (Окоемовка)

@murusahargata

Күннээҕи гороскоп✨

💫Олунньу 2 күнэ💫
⠀
Хой ♈️
⠀
Айар-тутар куттаах дьоҥҥо саҥа иэйии киириэ, ситиһии кынаттаныаҥ
⠀
Оҕус ♉️
⠀
Хайдахтаах да түгэҥҥэ тулалыыр дьоҥҥун үөрдэ-көтүтэ сатаа

Игирэлэр ♊️
⠀
Санааҕын түһэримэ, туох баар буолар барыта үчүгэйгэ
⠀
Рак ♋️
⠀
Чугас дьонуҥ эйиэхэ буолбакка, атын дьоҥҥо соло булалларыттан кыйаханыаҥ

Хахай ♌️
⠀
Истиҥ чугас сыһыаны алдьатыма, бэйэҕин эрэ санаама. Сибиэһэй салгыҥҥа сылдьар туһалаах буолуо диэн сулустар сүбэлииллэр

Кыыс ♍️

Уруккуну уларыта сатаама, буолбут буоллаҕа, ол онно сыһыаҥҥын уларыт
⠀
Ыйааһын ♎️
⠀
Икки киһи ылсан үлэлиир үлэтигэр биир эрэ өрүт үлэлиилэрэ табыллыбат. Тапталлааххын кытары бүгүҥҥү киэһэни атаара сатаа
⠀
Скорпион ♏️

Биир киһиэхэ олус эрэллээххин, олус эрэнэҕин. Мээнэ элбэҕи дьоҥҥо эрэннэрбэт ордук
⠀
Охчут ♐️
⠀
Хас биирдии хомойуу эйиэхэ хараххын арыйар, сүрэххин сабар. Харчыга сыһыаннаах дьыалалар таһаарыылаах буолуохтара

Чубуку ♑️
⠀
Тоҕо эрэ дууһаҥ олус нүөлүйэр. Күн иккис аҥаарыгар сынньанар ордук буолуо

Күрүлгэн ♒️
⠀
Эйигиттэн аккаастаммыт дьону төттөрү олоххор төттөрү төннөрүмэ. Үлэ чааһыгар улахан суолталаах дьыалалары быһаарыаҥ

Балыктар♓️

Элбэххэ хараххын симиэххин сөп эрээри, кини алҕаһаатаҕына, таах аһардыбаккын. Аҕам саастаах дьоҥҥо болҕомтолоох буоларыҥ ирдэнэр

⚡️ Бөөлүүн түүн илин эҥээр улуустарга уот араҕыста

⏺ Олунньу 2 күнэ буолар түүнүгэр "ФСК (федеральная сетевая компания) – Россети" ПАУо "Майа" подстанциятыгар кабель муфтата алдьанан, Мэҥэ Хаҥалас, Чурапчы, Таатта, Амма, Уус Алдан уонна Томпо, Уус Маайа улуустарыгар уот арахсыбыта.

"Онуоха "Якутскэнерго" ПАУо персонала уота суох хаалбыт улуустарга суһаллык дизельнэй электростанциялары холбуур үлэни ыытта", – диэн хампаанньа пресс-сулууспата иһитиннэрдэ.

@murusahargata

🟡🖌"СҮҮС БЫЛАС ХОЛУСТАҔА" быыстапканы сэргии, сэҥээрэ көрүҥ

🔄 Үһүс саас оскуолатын "Кустук" 🎨изостудия куруһуогун кыттыылаахтарын 100 үлэтэ Сэһэн Ардьакыап аатынан кыраайы үөрэтэр улуустааҕы түмэлгэ туруорулунна.

🔄 Быыстапка Мүрү нэһилиэгин, Уус Алдан улууһун бочуоттаах олохтооҕо, СӨ уус-уран оҥоһуктарын норуотун маастара, изостудия кыттыылааҕа, худуоһунньук 👩‍🎨 Саргылаана Рожина сырдык кэриэһигэр ананна.

🔄 Быыстапканы илэ харахтарынан 👀 көрүөхтэрин баҕалаахтарга, олунньу 1-10 күнүгэр диэри, улуус түмэлигэр ыалдьыттыыргытыгар сүбэлиибит.

📸📹 Видеосюжеты Ольга Шепелева бэлэмнээтэ

@murusahargata

#баһылыкотчуота

💬 Улуус баһылыгын отчуота сарсын Мүрү нэһилиэгинэн түмүктэнэр

Сарсын, олунньу 3 күнүгэр, баһылык Алексей Федотов ааспыт 2022 сылга ыытыллыбыт үлэни-хамнаһы билиһиннэрэр отчуота Мүрү нэһилиэгэр буолуоҕа.

Ол курдук бастаан Мындааба бөһүөлэгэр "Мындааба" сынньалаҥ киинигэр 14.00 чаастан, онтон Бороҕоҥҥо 17.00 чаастан Василий Никифоров аатынан "Тойон Мүрү" култуура дыбарыаһыгар ыытыллыаҕа.

Олохтоох нэһилиэнньэни отчуокка көхтөөхтүк кыттарга ыҥыраллар.

@murusahargata

#кэрээйгэтэ

💢 "Олоҥхо дьиэтэ" этно-култуурунай кииҥҥэ 4,5 мөлүйүөн кэриҥэ суумалаах грант көрүлүннэ

💬 Саха Өрөспүүбүлүкэтин Ил Дархана Айсен Николаев тус дьаһалыгар олоҕуран, улуустар аайы Олоҥхо дьиэлэрин биир ситимнээн тэрийиигэ анал үп көрүллэн тыырылынна. "Онуоха Уус Алдан улууһугар кэмигэр сөптөөх дьаһал ылыллан, улууспут этно-култуурунай киинигэр 4 498 200 солкуобай суумалаах анал грант бэриллэр буолла", – диэн улуус дьаһалтатын пресс-сулууспата иһитиннэрдэ.

Бу үп этно-култуурунай киин материальнай-тиэхиньиичэскэй базатын бөҕөргөтүүгэ уонна Дмитрий Говоров – Олоҥхоһут Миитэрэй төрөөбүтэ 175 сылыгар анаан "Бүдүрүйбэт Мүлдьү Бөҕө" олоҥхону Олоҥхо тыйаатырын кытта холбоһуктаах испэктээги туруорууга ананыаҕа диэн "Олоҥхо дьиэтэ" этно-култуурунай киин үлэһиттэрэ эттилэр.

@murusahargata

#БороҕоннооҕуРЭСиһитиннэрэр

⚡️ Эбиэттэн киэһэ бөһүөлэктэргэ уоту араарыылар оҥоһуллуохтара

Бөөлүүн уонна бүгүн сарсыарда 220 кВ кыамталаах "Майа" подстанцияҕа саахал тахсан ону туоратыыга үлэ салҕанар. Бүгүн күнүс 12.00 чаастан илин эҥээр улуустары электричество уотунан хааччыйыыга СӨ ДьУоКХ уонна энергетикэ министиэристибэтигэр суһал ыстаап мунньахтаабытын түмүгүнэн тустаах улуустар салалталарыгар сорудахтар бэрилиннилэр диэн министиэристибэ пресс-сулууспата иһитиннэрдэ.

Оттон “Якутскэнерго” ПАУо пресс-сулууспата Амма, Чурапчы, Таатта, Уус Алдан, Томпо улуустарыгар уоту биэрии резервнэй дизельнэй станциялартан веернай араарыылар анал графиктарынан хааччылларын биллэрдэ.

Өрөмүөн үлэтэ ыытыллар кэмигэр күнүс 13.00 чаастан киэһэ 20.00 чааска диэри Уус Алдан, Нам, Мэҥэ Хаҥалас, Чурапчы уонна Хаҥалас улуустарын сорох нэһилиэнньэлээх пууннарыгар энергетиктэр уоту быстах кэмҥэ араарарга күһэллэллэр.

⚡️ “Онон эбиэт кэннэ Мэҥэ Хаҥалас Маттатыгар, Уус Алдаҥҥа Саһылыкааҥҥа, Тумулга, Суоттуга, Арыы Тииккэ, Сыырдаахха, Арыылаахха, Бэйдиҥэҕэ, Окоемовкаҕа, Кэптэнигэр, Даалыга, Баатаҕайга, Элэһиҥҥэ, Дүпсүҥҥэ, Уһун Күөлгэ, Балыктаахха, Чэриктэйгэ, Бээдигэ, Дыгдаалга, Тандаҕа, Тиит Арыыга, Бээрийэҕэ, Кылаайыга, Нам улууһун II Хомустааҕар, Көбөкөнүгэр, Арбыныгар, Фрунзетыгар уоту быстах араарыылар буолуохтара, салгыы мощность тиийбэт түгэнигэр анал графигынан иккилии, үстүү чаастаах веернай араарыылар оҥоһуллуохтарын сөп. Оттон Уус Күөлэ, Балаҕаннаах бөһүөлэктэрэ Чурапчыга тиийэр уот ситимигэр холбонон олороллор, онон кинилэргэ туһунан графиктаахтар”, – диэн Бороҕоннооҕу РЭС диспетчерскэй сулууспата иһитиннэрдэ.

Үөһээ ааттамматах бөһүөлэктэргэ уонна Бороҕон сэлиэнньэтигэр уоту араарыы туһунан эбии иһитиннэрии кэллэҕинэ таһаарыахпыт✊

@murusahargata

⚡️Уоту араарыыларга эбии иһитиннэриилэр

⚡️ Уус Күөлэ, Балаҕаннаах бөһүөлэктэригэр уоту араарыыга чурапчылар графиктара кэллэ👆 Итиннэ Л-38 Чепара диэни көрүҥ

⚡️ Оттон Мүрү алаас иһинээҕи нэһилиэнньэлээх пууннарга, Тулунаҕа, Хомустаахха үстүү чаастаах веернай араарыылар буола тураллар.

"Билигин уопсайа 8 КТП араарылынна, онтон үс чааһынан ити КТП-лары холбоон баран, атын 8 КТП-ны араарыахпыт", – диэн диспетчерскэй сулууспаттан эбии иһитиннэрдилэр.

@murusahargata