#yernazorati #huquq

⚡️Dehqon xo‘jaligi yeriga bino va inshoot qurish taqiqlanadi

Dehqon xo‘jaligini yuritish uchun berilgan yer uchastkasidan dehqon xo‘jaligining ixtisoslashuvi asosida faqat qishloq xo‘jaligi mahsulotlari yetishtirish uchun foydalanilishi kerak.

Dehqon xo‘jaligini yuritish uchun berilgan yer uchastkasidan foydalanish shartlari yer uchastkasiga bo‘lgan huquq to‘g‘risidagi hujjatda ko‘rsatiladi.

❌Dehqon xo‘jaligini yuritish uchun berilgan yer uchastkasida binolar va inshootlarni, shu jumladan yer osti inshootlarini qurish taqiqlanadi.

⚠️Yengil konstruksiyali issiqxonalarni va boshqa imoratlarni, shuningdek sug‘orish inshootlarini qurish mustasno.

❗️Dehqon xo‘jaligi o‘z tasarrufidagi yer uchastkasini muhofaza qilishi (yerlardan xo‘jasizlarcha foydalanishga yoki ularning yaroqsiz holga kelib qolishiga yo‘l qo‘ymasligi), uning mahsuldorligini saqlashi va oshirishi shart.

Huquqiy asos: O‘RQ–680, 01.04.2021 y.

Каналга уланиш: https://t.iss.one/tvkad
Facebook Instagram

#jinoyat #Boʻstonliq #yernazorati
⚡️Jinoyatga sabab bo‘lgan yer qonunbuzilish holati

Bo‘stonliq tumanida yer qonunbuzilishini sodir etgan shaxsga nisbatan jinoyat ishi qo‘zg‘atildi.

Aniqlanishicha, Bo‘stonliq tumani, Qizilsuv MFY hududidagi davlat zaxirasida bo‘lgan yaylov yerlari nomaʼlum shaxslar tomonidan o‘zboshimchalik bilan egallanib, 36 sotix yer maydoni o‘rab olingan va qurilish ishlari amalga oshirilgan.

✔️Mazkur holat yuzasidan Kadastr agentligi Bo‘stonliq tuman bo‘limi tomonidan to‘plangan maʼlumotlar Qo‘shma tartib asosida prokuratura organlariga yuborildi va yer qonunbuzilishini sodir etgan fuqaro shaxsi aniqlandi.

Ayni paytda holat bo‘yicha huquqni muhofaza qiluvchi organlar tomonidan jinoyat ishi qo‘zg‘atilib, tergov harakatlari olib borilmoqda.

✔️Qurilmalar esa Qizilsuv mahalla faollarining tashabbusi bilan bartaraf etildi.

Kanalga ulanish: https://t.iss.one/tvkad
Facebook Instagram

#ogohlik #jinoyat
⚡️Yer oldi-sotdisi bilan bog‘liq jinoyat aniqlandi

Bosh prokuratura huzuridagi Departamentning Zangiota tuman bo‘limi tomonidan o‘tkazilgan tezkor tadbirda fuqaro Sh.I. fuqaro Z.J ga Yuqori Chirchiq tumanidagi 260 gektar yer maydonini 400 000 AQSH dollari evaziga uning nomiga rasmiylashtirib olib berishini aytgan va undan 40 000 AQSH dollarini olayotgan paytda maʼsullar tomonidan ushlangan.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.

‼️Eslatib o‘tamiz, qonunchilikka muvofiq,

🔹2024-yil 1-martdan boshlab qishloq xo‘jaligiga mo‘ljallangan yerlar ijara huquqi asosida elektron onlayn-auksion savdolari orqali beriladi.

🔹qishloq xo‘jaligiga mo‘ljallanmagan yerlar mulk huquqi va ijara huquqi asosida elektron onlayn-auksion orqali realizatsiya qilinadi.

Kanalga ulanish: https://t.iss.one/tvkad
Facebook Instagram

#bilasizmi #huquq

⚡️Yer uchastkasini oldi-sotdi qilish mumkinmi ?

✔️ HA !
- Agar yer uchastkasi sizga xususiy mulk huquqi asosida tegishli bo‘lsa.

❌ YO‘Q !
- Yer uchastkasi sizga meros qilib qoldirilgan umrbod (vaqtincha) foydalanish huquqi yoki ijara huquqi asosida tegishli bo‘lsa.

Bugungi kunda qonunchilikka muvofiq, qishloq xo‘jaligiga mo‘ljallanmagan yer uchastkalarini xususiylashtirish va bo‘sh yer uchastkalarini auksion shakldagi elektron savdolarda mulk huquqi asosida sotib olish mumkin.

Kanalga ulanish: https://t.iss.one/tvkad
Facebook Instagram

⚡️Kadastr xodimlari zamonaviy o‘lchov asboblari bilan taʼminlamoqda

#OAV_biz_haqimizda #topografiya
Kanalga ulanish: https://t.iss.one/tvkad
Facebook Instagram

#muhim
⚡️O‘zboshimcha va egaligi bo‘lmagan uy-joylarga egalik huquqini olishga qanday holatlar asos bo‘ladi ?

Quyidagi asoslar o‘zboshimchalik bilan egallab olingan yer uchastkalari hamda ularda qurilgan bino va inshootlarga bo‘lgan huquqlarni eʼtirof etish huquqlarini vujudga keltiradi:

🔹 2018-yil 1-mayga qadar uy-joy qurish orqali o‘zboshimchalik bilan egallab olingan yer uchastkasiga hamda unda qurilgan bino va inshootlar;

🔹 yer uchastkasiga bo‘lgan huquqni tasdiqlovchi hujjatlarda ko‘rsatilgan maydondan ortiqcha egallagan yer uchastkasi hamda unda qurilgan binolar va inshootlar;

🔹 eʼtirof etish mumkin, deb topilgan lekin 2018-yil o‘tkazilgan bir martalik umumdavlat aksiyasida yakuniga yetmagan hollar;

🔹 2021-yil 8-iyunga qadar tuman (shahar) hokimlarining qarorlari bilan ajratilgan, lekin tasdiqlash masalasi tegishli xalq deputatlari Kengashlari tomonidan o‘z vaqtida ko‘rib chiqilmagan yer uchastkalari;

🔹 fuqarolarning bog‘dorchilik va uzumchilik shirkatlari hududidagi turar joylariga hamda ular egallagan yer uchastkasi;

🔹 kichik sanoat zonalari hududiga joylashtirilgan tadbirkorlik subyektlarining yashash uchun mo‘ljallanmagan binolari va inshootlari yoxud ularning qismlari joylashgan yer uchastkasi;

🔹 xususiylashtirilgan binolar va inshootlar egallagan yer uchastkasi;

🔹 fuqarolarning, yakka tartibdagi tadbirkorlarning va rezident bo‘lgan yuridik shaxslarning qonunchilikka muvofiq mulk (egalik qilish) huquqi eʼtirof etilgan binolari va inshootlari egallagan yer uchastkasi.

Kanalga ulanish: https://t.iss.one/tvkad
Facebook Instagram

⚡️Dolzarb 40 kunlik tadbirlari. Toshkent va Bo‘stonliq tumanlari

#OAV_biz_haqimizda #yernazorati
Kanalga ulanish: https://t.iss.one/tvkad
Facebook Instagram

❗️O‘ZBOSHIMCHA QURILMALAR QILMANG !

Ayni kunlarda “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni eʼtirof etish to‘g‘risida”gi Qonun loyihasi aholi orasida ko‘plab muhokamalarga sabab bo‘lmoqda.

Ular orasida mazkur Qonun loyihasi “Aksiya” mazmunini to‘liqligicha bilmay turib, noto‘g‘ri talqin qilish holatlari va shuning asnosida yerlarni o‘zboshimcha egallash, pala-partish va poydevorsiz qurilishlar qilib, tom qismini yopib olishga urinishlar soni ortmoqda. Bu kabi holatlar dronlar yordamida aniqlanib, kosmik suratlar bilan taqqoslanmoqda va o‘z-o‘zidan maʼmuriy va jinoiy javobgarlik oqibatlarini kelib chiqishiga sabab bo‘lmoqda.

Kadastr agentligi tomonidan eʼlon qilingan “Dolzarb 40 kunlik” doirasida olib borilayotgan nazorat tadbirlari davomida bu kabi qurilmalar bartaraf etilmoqda va yer qonunbuzilishini sodir etgan shaxslarga nisbatan keskin choralar ko‘rilmoqda.

❗️Hurmatli fuqarolar va viloyat aholisi !
Sizlardan “Aksiya”da hujjat qilib olaman deb o‘zboshimcha qurilishlar qilmasligingizni, amalda hujjatlari yo‘q bo‘lgan xonadon egalaridan esa Qonun imzolanishini va rasman kuchga kirishini kutishlarini so‘rab qolamiz !

🔖Ayna paytda mazkur Qonun Oliy Majlis Qonunchilik palatasi deputatlari tomonidan qabul qilinganligini, biroq hukumat tomonidan tasdiqlanmaganini, tasdiqlanib rasman eʼlon qilingachgina kuchga kirishini maʼlum qilamiz. (Jarayonda loyihaga o‘zgartirish va qo‘shimchalar kiritilishi mumkin)

❗️Shuni unutmangki, yer qonunchiligini buzganlik uchun maʼmuriy va jinoiy javobgarlik mavjud !

Kadastr agentligi
Toshkent viloyati boshqarmasi
Axborot xizmati
#muhim #murojaat #yernazorati

Kanalga ulanish: https://t.iss.one/tvkad
Facebook Instagram