❗️Ko‘chmas mulkka bo‘lgan huquqni o‘z vaqtida davlat ro‘yxatidan o‘tkazmaslik javobgarlikka sabab bo‘lishi mumkin

⚠️ Tegishli huquq paydo bo‘lgandan keyin 1 oy ichida ko‘chmas mulk davlat ro‘yxatidan o‘tkazilishi kerak.

🖥 Ro‘yxatdan o‘tkazish to‘g‘risidagi ariza bilan Davlat xizmatlari markazlariga yoki Yagona interaktiv davlat xizmatlari portali (my.gov.uz) orqali yoki ko‘chmas mulk obyektiga bo‘lgan huquqlarni davlat ro‘yxatidan o‘tkazuvchi organga murojaat qilinadi.

‼️Ko‘chmas mulkka bo‘lgan huquqni davlat ro‘yxatidan o‘tkazish uchun o‘z vaqtida murojaat etmaslik
🔹fuqarolarga BHMning 10 baravari (3 mln 750 ming so‘m),
🔹mansabdor shaxslarga esa 15 baravari (5 mln 625 ming so‘m) miqdorida jarima solishga sabab bo‘ladi.

#bilasizmi #kadastr_xizmati #javobgarlik
Kanalga ulanish: https://t.iss.one/tvkad
Facebook Instagram

Geodeziya nima va nima uchun kerak?

Geodeziya — bu yer yuzasining shakli, o‘lchamlari va joylashuvini o‘rganadigan fan. U xaritalar tuzishda, qurilishda, yer uchastkalarini aniqlashda va infratuzilma loyihalarini yaratishda muhim ahamiyatga ega.

Asosiy vazifalari:
🔹 Yer sathini o‘lchash va aniqlash;
🔹 Chegara va koordinatalarni belgilash;
🔹 Inshootlar qurilishi uchun tayanch ma’lumotlarni taqdim etish;
🔹 Kadastr va yer resurslarini boshqarish.

🌐 Bugungi kunda geodeziya sun’iy yo‘ldoshlar, dronlar va zamonaviy texnologiyalar yordamida amalga oshirilmoqda. Bu esa o‘lchov ishlarini aniq, tez va ishonchli qiladi.

⚠️ Agar siz ham yer maydoni bilan bog‘liq har qanday hujjatlashtirish, o‘lchov yoki ro‘yxatga olish ishlarini rejalashtirayotgan bo‘lsangiz — geodeziya xizmatlari siz uchun juda zarur!

#bilasizmi #kadastr_xizmati
Kanalga ulanish: https://t.iss.one/tvkad
Facebook Instagram

⚡️Yer sotib olib o‘z uyimni qurmoqchiman, meni nimalar kutyapti ?

Agar siz doim orzuyingizdagi uyda yashashni istagan bo‘lsangiz va buning uchun qanday hujjatlar va bosqichlarni bosib o‘tish haqida o‘ylab yurgan bo‘lsangiz, yuqoridagi infografik maʼlumotlar bilan tanishing.

❗️Eslatib o‘tamiz, kadastr hujjatlarini rasmiylashtirish narxi yer uchastkasining maydoni va qurilish hajmiga bog‘liq va xizmat narxiga kiritilmaydi, shuningdek, ko‘chmas mulkka bo‘lgan huquqlarni davlat ro‘yxatidan o‘tkazish uchun alohida yig‘im undiriladi.

#bilasizmi #kadastr_xizmati
Kanalga ulanish: https://t.iss.one/tvkad
Facebook     Instagram

⚡️Nogironligi bo‘lgan shaxslarga elektron onlayn-auksion orqali yer uchastkasini sotib olish bilan bog‘liq xarajatlari qoplab beriladi

✅ Nogironligi bo‘lgan shaxsning va tarkibida nogironligi bo‘lgan shaxs bor oilaning elektron onlayn-auksion orqali yer uchastkasini sotib olish bilan bog‘liq xarajatlari qoplab berilishi belgilangan.

📌 Bunda yer uchastkasini auksion orqali sotib olish xarajatlaridan kelib chiqqan holda, oila tarkibida nogironligi bo‘lgan shaxslar sonidan qatʼi nazar, BHMning 100 baravarigacha (34 mln so‘mgacha) miqdorda bir martalik to‘lov ajratiladi.

#huquq #bilasizmi
Kanalga ulanish: https://t.iss.one/tvkad
Facebook     Instagram

🏠Uy yoki yer sotib olishdan oldin bilishingiz shart bo‘lgan faktlar!

❗️ Agar mulkda quyidagi hujjatlar bo‘lmasa, xaridingiz yaroqsiz hisoblanadi:

✅ Kadastr pasporti
✅ Davlat reyestridan o‘tkazilganligi
✅ Notarial tartibda rasmiy shartnoma

➡️Bu kabi hujjatlar bo‘lmasa, puldan ayrilishingiz, mulkni rasmiylashtira olmasligingiz va sudga murojaat qilishga majbur bo‘lishingiz mumkin.

❌ Og‘zaki kelishuv, oddiy "tilxat" yoki guvohlik bilan emas
✔️faqat rasmiy hujjatlar bilan ishlang!

#huquq #bilasizmi
Kanalga ulanish: https://t.iss.one/tvkad
Facebook Instagram

Eng ko‘p beriladigan 10 ta savolga 10 ta javob

1.Kadastr raqami nima va u nimani bildiradi?
➡️Bu raqam orqali yer uchastkasining aniq manzili va huquqiy maqomi belgilanadi.

2.Notariusda kadastr hujjati talab qilinadimi?
➡️Ha. Sotish, hadya qilish, meros o‘tkazish kabi harakatlar uchun kadastr pasporti shart.

3.Foydalanilmayotgan bo‘sh yerga jarima solinadimi?
➡️Ha, yer ajratilgan maqsadga muvofiq foydalanilmasa, qonunchilikka muvofiq ogohlantirish va jarimalar qo‘llaniladi.

4.Kadastr pasporti muddati tugaydimi?
➡️Yo‘q, kadastr pasportining o‘zi doimiy, lekin unga o‘zgartirishlar kiritilishi mumkin (masalan, rekonstruksiya bo‘lsa).

5.Og‘zaki kelishuv bilan yer sotib olsa bo‘ladimi?
➡️Yo‘q. Bu qonuniy emas. Kadastr hujjatisiz mulk sizga tegishli hisoblanmaydi.

6.Kadastrda ro‘yxatdan o‘tmagan yer sotilishi mumkinmi?
➡️Mulk hujjatsiz sotilmaydi. Bu qonunga xilof.

7.Mahallada xatlov o‘tishini qanday bilsa bo‘ladi?
➡️Mahalla orqali ogohlantirishlar, e‘lonlar orqali xabar qilinadi. Fuqarolar alohida murojaat qilmaydi.

8.Kadastr hujjati bor, lekin notariusda muammo chiqyapti. Nima qilish kerak?
➡️Kadastr bo‘limiga murojaat qilib, hujjatni tekshirtirgan maʼqul. Texnik xato bo‘lishi mumkin.

9.Mulkni rasmiylashtirmasdan ijaraga bersam bo‘ladimi?
➡️Mulk hujjatlari bo‘lmasa, ijara shartnomasi kuchga ega bo‘lmaydi va nizolar yuzaga kelishi mumkin.

10.Yer uchastkasi kadastr raqamini qanday topsa bo‘ladi?
➡️Kadastr hujjatlarida ko‘rsatilgan bo‘ladi. Yo‘q bo‘lsa, my.gov.uz orqali onlayn so‘rov yuborish orqali.

#kadastr_xizmati #bilasizmi
Kanalga ulanish: https://t.iss.one/tvkad
Facebook Instagram

❗️Uyim buziladimi ?

Oldi-sotdi jarayonida ko‘chmas mulk obyektining buzilishga tushgan yoki tushmaganligi to‘g‘risida maʼlumotga ega bo‘lish zarar qilmaydi.

🖥Buning uchun siz onlayn tarzda – my.gov.uz yoki offlayn tarzda – Davlat xizmatlari markazi orqali murojaat qilib, maʼlum bir ko‘chmas mulk buzilishga tushgan yoki tushmaganligi to‘g‘risida maʼlumotnoma olishingiz mumkin.

❗️Xizmatdan foydalanish uchun faqatgina ko‘chmas mulk obyektining kadastr raqami kerak bo‘ladi.

💰Xizmat narxi BHMning 0,045 foizi miqdorida;
🔹Xizmat ko‘rsatish muddati - 3 ish kuni.

#snos #bilasizmi #kadastr_xizmati
Kanalga ulanish: https://t.iss.one/tvkad
Facebook     Instagram

⚡️Ishonch telefonlari

O‘zbekiston Respublikasi Prezidentining virtual qabulxonasi – 1000;

O‘zbekiston Respublikasining Vazirlar Mahkamasi – (71) 239-86-50, (71) 239-81-14;

O‘zbekiston Respublikasi Oliy Sudi – 1090; (71) 239-02-74

O‘zbekiston Respublikasi Bosh prokuraturasi – 1007;

O‘zbekiston Respublikasi Ichki ishlar vazirligi – 1102;

O‘zbekiston Respublikasi Adliya vazirligi – 1008;

Davlat soliq qo‘mitasi – 1198;

Kadastr agentligi - 1097;

Davlat xizmatlari agentligi – 1148, (71) 207-00-66;

O‘zbekiston Respublikasi Qurilish vazirligi va uy-joy kommunal xo‘jaligi vazirligi – (71) 244-05-05;

#ishonch_telefon #bilasizmi
Kanalga ulanish: https://t.iss.one/tvkad
Facebook Instagram

Joriy yildan barcha ko‘chmas mulk ob‘ektlari ommaviy baholashdan o‘tkaziladi

2025-yildan bosqichma-bosqich barcha ko‘chmas mulk ob’ektlari ularning bozor narxiga yaqin bo‘lgan qiymatini aniqlash maqsadida davriy ravishda ommaviy baholashdan o‘tkaziladi.

Ommaviy baholash ishlari quyidagi bosqichlarda amalga oshiriladi:

✅ 2025–2026 yillarda – eksperiment tariqasida Toshkent shahrida;
✅ 2026–2027 yillarda – Nukus shahri va viloyatlar markazlarida;
✅ 2027 yil va undan keyingi yillarda – qolgan hududlarda.

#qonunchilikda_yangilik #bilasizmi
Kanalga ulanish: https://t.iss.one/tvkad
Facebook Instagram

“KNOPKA”ni bosib berishsin, ishimiz shoshilinch!

Qo‘ng‘iroqlar, iltimoslar, telegram bot orqali kelayotgan murojaatlarning asosiy qismi "Notariusda edik, KNOPKAni bosib yuborishsin", "KNOPKAni bosishsa, ishimiz bitib ketar ekan" kabi mazmundagi murojaatlardir.

KNOPKAni bosish - klaviaturaning oddir bir klavishini bosish emas, balki 30 dan ortiq harakatlar ketma-ketligini o‘zida jamlagan, huquqiy bilim va tajriba talab etadigan va har bir hujjat o‘rganilishi lozim bo‘lgan jarayondir.

❗️KNOPKAni bostirishga shoshilmang, barcha xizmatlarning o‘z muddatlari bor !

#bilasizmi
Kanalga ulanish: https://t.iss.one/tvkad
Facebook Instagram

❌O‘zboshimchalik bilan egallangan yerlarga nisbatan mulk huquqi berilmaydi

❗️ O‘zboshimchalik bilan egallangan yerga, unda qurilgan har qanday bino va inshootlarga nisbatan mulk huquqini yoki boshqa mulkiy huquqlarni belgilashga yo‘l qo‘yilmaydi.

📃 Yerni o‘zboshimchalik bilan egallagan, qishloq xo‘jaligiga mo‘ljallangan, qurilish uchun ajratilmagan yer uchastkasida qonunga xilof qurilish qilgan shaxslar insofli mulkdor deb tan olinmaydi.

🚫 O‘zboshimchalik bilan egallangan yerdagi qonunga xilof qurilish obyektlarini suv taʼminoti, oqova suv, elektr, issiqlik energiyasi va gaz tarmoqlariga ulash taqiqlanadi.

❗️O‘zbekiston Respublikasining O‘RQ-937-son Qonunida ko‘rsatilgan holatlar bundan mustastno!

#bilasizmi #yernazorati
Kanalga ulanish: https://t.iss.one/tvkad
Facebook Instagram