#korrupsiyaga_qarshi #qonunchilikda_yangilik

⚡️Korrupsiyani oldini olish choralarini ko‘rmagan mansabdorlar javobgarlikka tortilishi kutilmoqda

O‘zbekistonda korrupsiyaga qarshi kurashish bo‘yicha 2030-yilgacha mo‘ljallangan Milliy strategiya ishlab chiqildi.

Milliy strategiyani 2024—2025-yillarda amalga oshirish bo‘yicha yo‘l xaritasida 7 ta yo‘nalishda korrupsiyaga qarshi kurashish mexanizmlarini takomillashtirish bo‘yicha chora-tadbirlar belgilanmoqda.

Jumladan,
🔹korrupsiyaga qarshi kurashish to‘g‘risidagi qonunchilik hujjatlarida belgilangan korrupsiyaning oldini olishga doir chora-tadbirlarni ko‘rmaganlik uchun mansabdorlarga nisbatan ma’muriy javobgarlik belgilash;

🔹har yili kamida 2 ta sohada korrupsiya xavf-xatarlarini aniqlash, korrupsiyaga imkon berayotgan shart-sharoitlarni bartaraf etishga qaratilgan tadqiqotlar o‘tkazish;

🔹korrupsiyaviy jinoyatlar statistikasini yuritishga mo‘ljallangan dasturiy ta’minot yaratish;

🔹korrupsiya xavflarini ichki va tashqi tahlil qilish tizimini joriy etish;

🔹davlat organlari va tashkilotlari hamda xususiy sektor tizimida milliy halollik standarti (public integrity) institutini joriy etish;

🔹davlat organlari va tashkilotlari faoliyatining ochiqligini ta’minlash, shu jumladan ochiq e’lon qilinishi lozim bo‘lgan ma’lumotlar ro‘yxatini yanada kengaytirish.

📌Ushbu qaror loyihasi bo‘yicha jamoatchilik muhokamasi davom etmoqda.

Kanalga ulanish: https://t.iss.one/tvkad
Facebook Instagram

#bilasizmi
⚡️Bugun qisqartirilgan ish kuni

Ertaga, 9 - may — Xotira va qadrlash kuni, dam olish kuni sifatida belgilangan bayram.

Mehnat kodeksi 121-moddasiga binoan, bayram (ishlanmaydigan) kunlari arafasida kundalik ish (smena) muddati barcha xodimlar uchun kamida bir soatga qisqartiriladi.

❗️Demak, bugun, 8-may kuni barcha xodimlar 1 soat vaqtliroq uyiga ketishiga qonuniy haqlidirlar.

Kanalga ulanish: https://t.iss.one/tvkad
Facebook Instagram

#qonunchilikda_yangilik #huquq

⚡️Uy-joyga muhtoj fuqarolarga beriladigan uy-joy maydonining normasi qanday ?

Vazirlar Mahkamasining 11.03.2024-yildagi 124-sonli qaroriga muvofiq, munitsipial, idoraviy va aniq maqsadli kommunal uy-joy fondidagi turar joylar fuqarolarga uy-joy maydoni ijtimoiy normasiga muvofiq beriladi.

Uy-joy maydoni ijtimoiy normasi Qoraqalpog‘iston respublikasi Vazirlar Kengashi, viloyat va Toshkent shahar hokimliklari tomonidan

🔹bir kishi hisobiga 16 kv.metrdan kam bo‘lmagan umumiy maydon hajmida

🔹kreslo-aravachada harakatlanadigan nogironligi bo‘lgan shaxslar uchun 23 kv.metrdan kam bo‘lmagan hajmda belgilanadi.

❗️Er-xotindan tashqari turli jinsga mansub shaxslarni bir xonaga yoki bir xonali kvartiraga joylashtirilishiga yo‘l qo‘ymaslik maqsadida uy-joy maydoni ijtimoiy normasidan ortiqcha turar joy berilishi mumkin.

Kanalga ulanish: https://t.iss.one/tvkad
Facebook Instagram

#Bekobod #yernazorati
⚡️Auksion bayonnomasini soxtalashtirish holati aniqlandi

Kadastr agentligining Toshkent viloyati boshqarmasi tomonidan Bekobod shahrida olib borilgan nazorat tadbiri davomida fuqaro U.R tomonidan auksion bayonnomasini soxtalashtirganlik holati aniqlandi.

Aniqlanishicha, Bekobod shahar hokimligi balansida bo‘lgan Al-Xorazmiy MFY hududidagi 0,04 gektar yer maydonida joylashgan 283,4 kv.m sobiq Yuqumli kasalliklar shifoxonasi binosi 2021-yilda o‘tkazilgan Elektron-onlayn auksion natijalariga ko‘ra fuqaro U.R. tomonidan sotib olinib, ma‘suliyati cheklangan jamiyati balansiga o‘tkazilgan va davlat zaxirasida bo‘lgan yer maydonini egallab olish maqsadida mazkur auksion bayonnomasida qayd etilgan 0,04 gektar yer maydoni ko‘rsatkichi 0,40 gektarga o‘zgartirilgan.

✔️Holat yuzasidan Kadastr agentligi viloyat boshqarmasi tomonidan to‘plangan materiallar Qo‘shma tartib asosida prokuratura organlariga yuborilishi taʼminlanib, jinoyat ishi qo‘zg‘atilgan va ayni paytda tergov harakatlari olib borilmoqda.

Kanalga ulanish: https://t.iss.one/tvkad
Facebook Instagram

#yernazorati #javobgarlik
⚡️Hujjatlarni qalbakilashtirish jinoiy javobgarlikka sabab bo‘ladi

Soxtalashtiruvchining o‘zi yoki boshqa shaxs foydalanishi maqsadida muayyan huquq beradigan yoki muayyan majburiyatdan ozod etadigan rasmiy hujjatlar tayyorlashi yoki rasmiy hujjatlarni qalbakilashtirishi yoxud bunday hujjatlarni sotishi, shunday maqsadlarda korxona, muassasa yoki tashkilotning qalbaki shtamplari, muhrlari, blankalarini tayyorlash yoxud sotish —

🔹BHMning 50 baravaridan 100 baravarigacha miqdorda jarima yoki
🔹uch yuz oltmish soatgacha majburiy jamoat ishlari yoxud
🔹uch yilgacha axloq tuzatish ishlari bilan jazolanadi.

❗️O‘sha harakatlar:
a) takroran yoki xavfli retsidivist tomonidan;
b) bir guruh shaxslar tomonidan oldindan til biriktirib sodir etilgan bo‘lsa, —

🔹ikki yildan uch yilgacha axloq tuzatish ishlari yoki
🔹uch yildan besh yilgacha ozodlikni cheklash yoki
🔹uch yildan besh yilgacha ozodlikdan mahrum qilish bilan jazolanadi.

❗️Hujjatning qalbaki ekanligini bila turib, undan foydalanish —

🔹BHMning 25 baravaridan 50 baravarigacha miqdorda jarima yoki
🔹uch yuz soatgacha majburiy jamoat ishlari yoki
ikki yilgacha axloq tuzatish ishlari yoxud
🔹ikki yilgacha ozodlikni cheklash yoki ikki yilgacha ozodlikdan mahrum qilish bilan jazolanadi.

Каналга уланиш: https://t.iss.one/tvkad
Facebook Instagram

#Parkent #yernazorati
⚡️Yer nazoratida dronlar amaliyoti. Parkent tumani

Ayni damda Parkent tumani Kumushkon MFY hududidan oqib oʻtuvchi Parkentsoy hovuzining muhofaza zonalarida dron yordamida yer nazorati monitoringi oʻtkazilmoqda.

Shuningdek, tumanning Oq tepa va Yangi navbahor MFYlari chegaralaridan oqib oʻtuvchi Hamdam kanali va Soʻqoq hududining Chashma MFY orqali oʻtuvchi Soʻqoqsoy muhofaza zonalarida ham nazorat monitoring ishlari amalga oshirildi

Amaliyotda dronlarning qo‘llanilishi yer qonunbuzilishi holatlarini erta aniqlash va ularning oldi olinishini taʼminlaydi.

Kanalga ulanish: https://t.iss.one/tvkad
Facebook Instagram

#tezkor_munosabat
⚡️Tezkor munosabat

Ijtimoiy tarmoqlar orqali tarqalgan Bo‘stonliq tumanida kadastr xodim ishtirokida ro‘y bergan holat yuzasidan Davlat kadastrlari palatasi Toshkent viloyati boshqarmasi va huquqni muhofaza qiluvchi organlar tomonidan ayni paytda o‘rganish ishlari olib borilmoqda va natijasi bo‘yicha qo‘shimcha maʼlumot berilishi taʼminlanadi.

❗️Maʼlumot uchun, holat kadastr xodimi tomonidan Toshkent viloyati, Bo‘stonliq tumani, Birlik MFY, Uchtosh ko‘chasi, 26-uyda yashovchi fuqaro A.Bning qo‘shnisi tomonidan yo‘l berkitilib, devor qurilgani va bu kirib chiqishga qiyinchilik tug‘dirayotgani yuzasidan yo‘llagan murojaatini o‘rganish davomida yuz bergan.

Kanalga ulanish: https://t.iss.one/tvkad
Facebook Instagram

🇺🇿🇺🇿🇺🇿🇺🇿🇺🇿

Hayotini kadastr tizimiga bog‘laganlar

🇺🇿 Davlatimizning rivoji yo‘lida, sohalarning ravnaq topishi uchun unda faoliyat olib boruvchi fidokor insonlarning faoliyati katta ahamiyat kasb etadi. Kadastr sohasida ham hayotini, umrini shu tizim rivojiga bag‘ishlagan ko‘pgina ustozlarimiz borki, ular doimo e’zozda.

⏳ Bugun ularning xotiralarini tinglab, yaqin o'tmish, kadastrning yaqin tarixiga nazar solamiz, toki tarixsiz kelajak yo‘q.

#DavKadastrPalata #xotira_va_qadr

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter