#ona_tilim_faxrim
#nishonlaymiz
Bugun yurtimizning barcha oliy ta’lim muassasalarida ommaviy diktant tadbiri o‘tkazilmoqda.
Davlat dasturiga asosan "21-oktabr – O‘zbek tili bayrami kuni" arafasida o‘tkazilayotgan mazkur tadbirda Chirchiq davlat pedagogika universiteti yoshlari ham faol ishtirok etishmoqda.

Ommaviy diktant tadbirini o‘tkazishdan maqsad savodxonlikni oshirish, madaniy hayotning barcha sohalarida milliy boyligimiz hisoblangan o‘zbek tilining rolini kuchaytirishdir.

👍👍 @tvchdpi2017

Vazir ChDPUga tashrif buyurdi
#tashrif

Oliy taʼlim, fan va innovatsiyalar vaziri Qoʻngʻirotboy Sharipov Chirchiq davlat pedagogika universitetiga tashrif buyurdi va universitet faoliyati bilan tanishdi.

Dastlab universitetni rivojlantirish strategiyasi, pedagogik ta’lim sohasida amalga oshirilayotgan loyihalar va istiqbolli rejalar taqdimotiga alohida e’tibor qaratdi. Soʻngra o‘quv laboratoriyalari, ochiq osmon ostida tashkil etilgan kreativ park va unda tashkil etilgan ta’lim markazlari, amaliy sanʼat namunalari va ijodiy ishlar koʻrgazmasi namoyish etildi.

Vazir Qo‘ng‘irotboy Sharipov universitetda yangi qurilayotgan o‘quv binolari, joriy o‘quv yili arafasida topshirilgan 710 o‘rinli talabalar turar joyi va talabalar shaharchasi faoliyati bilan yaqindan tanishdi.

Tashrif yakunida “Vazir va yoshlar” uchrashuvi o‘tkazildi. Unda Oliy taʼlim, fan va innovatsiyalar vaziri Qoʻngʻirotboy Sharipov universitet yoshlarining muammo, taklif va masalalariga quloq tutdi. Samimiy ruhda kechgan tadbir davomida talabalarning innovatsion dasturlarini kengaytirish istiqbollari muhokama qilindi.

“Chirchiq davlat pedagogika universiteti haqida shuni aytishim mumkinki, kadrlar tayyorlash jarayoni mutaxassislar kim va nima uchun tayyorlanayotganini yaxshi tushungan holda tashkil qilingan. Va eng asosiysi, bu universitetda men talabalarning yonib turgan ko‘zlarini ko‘rdim. Aziz do‘stlar, bu katta yutuq, biz bundan buyon ham faol ishlashimiz, pedagogik ta’limni yanada rivojlantirish yo‘lida bilim va ko‘nikmalarni oshirishimiz kerak”, — dedi Oliy taʼlim, fan va innovatsiyalar vaziri Qoʻngʻirotboy Sharipov.

Vazir esdalik sovg‘alarini o‘zaro samimiy muloqotda faol ishtirok etgan talabalarga topshirdi.

Qoʻngʻirotboy Sharipovga Chirchiq shahri hokimi Murodjon Abdurahimov hamrohlik qildi.

👍👍 @tvchdpi2017