CHDPU bitiruvchilari uchun yakuniy davlat attestatsiya sinovlari o‘tkazilmoqda
#bitiruvchi

Joriy o‘quv yilida Chirchiq davlat pedagogika universitetini 5040 nafar talabalar bitirishi kutilmoqda. Universitet rektorining tegishli buyrug‘iga asosan, 2023-2024 o‘quv yili bitiruvchi kurs talabalarining yakuniy davlat attestatsiya sinovlari 15 - 31 may kunlari bo‘lib o‘tishi belgilangan.

Bitiruvchi talabalar uchun attestatsiya sinovlari mutaxassislik fanlaridan test, 5 ta ta’lim yo‘nalishiga bitiruv malakaviy ish, ijodiy ish (musiqa ta’limi, tasviriy san’at va muhandislik grafikasi) va magistratura mutaxassisliklari uchun esa magistrlik dissertatsiyasi himoyalari tashkil etilmoqda.

Yakuniy davlat attestatsiya komissiyasi a’zolari jarayonlarni adolatli, xolis va shaffof tarzda o‘tishini ta’minlash maqsadida attetatsiya sinovlarini diqqat bilan kuzatib borishmoqda.

👉 jarayonlar foto lavhalarda

👍 ❤️ 📩 @tvchdpi2017 #bitiruvchi #выпустник #graduate

Talabalar shaharchasida psixologik trening o‘tkazildi
#psixolog
#talaba_manfaati

Universitet psixologi Saodat Gayupova ishtirokida talabalar ruhiyatini tetiklashtirishga qaratilgan psixologik trening o‘tkazildi.

CHDPU psixologi va Psixologiya kafedrasi o‘qituvchilari tomonidan talabalarning imtihon jarayonida zo‘riqishlari, stressli vaziyatlar bilan bog‘liq holatlarda o‘zini tutishi va muomala madaniyatini shakllantirish, o‘qituvchilar bilan nizoli holatlarda qanday yo‘l tutish kerakligi bo‘yicha fikr almashdilar.

Saodat Gayupova talabalarga yotoqxonada sog‘lom, pozitiv muhitni shakllantirish yo‘llari haqida qiziqarli ma’lumotlar yordamida maslahat berdi. Talabalar “Kun davomida vaqtni qanday taqsimlash kerak?” degan savollarga psixolog bilan birgalikda javob topishdi.

Trening yakunida malakali psixolog talabalar ishtirokida neyro chiziqlarni chizish mashg‘ulotini o‘tkazdi. Talabalar neyrografika chizish orqali o‘z xarakterini tahlil qilib, kelajagi uchun kerakli va zarur yo‘nalishlarni belgilab oldi.

– Treningdan katta taassurot oldim, – deydi tadbir ishtirokchisi. – Bunday qiziqarli treninglar har bir talaba uchun foydali deb o‘ylayman. Neyrografika chizish davomida qaror qabul qilish va muammoli vaziyatlarni hal qilish uchun kerakli yo‘nalishlarni belgilab oldim.

👍👍 @tvchdpi2017

#xizmat_safari
"Central Asia-2024" doirasidagi "XALQARO HAMDO‘STLIK FORUMI: HAMKORLIK VA INNOVATsIYaLAR" mavzusidagi III Xalqaro kutubxonachilik Forumi bo‘lib o‘tayapti.
Forum ishida ChDPU Axborot-resurs markazi direktori Muqaddam Xamidova va markazning Ilmiy - uslubiy va axborot -ma'lumot (davriy nashrlar) bo'lim mudiri Gulnora Umurzakovalar ishtirok etmoqda.

👍👍 @tvchdpi2017