Shaxmat bo‘yicha bellashuv o‘tkazildi
#talaba_manfaati #CHDPUsporti

Maktabgacha ta’lim fakultetida shaxmat boʻyicha turnir boʻlib oʻtdi. Turli nominatsiyalarga boy va qizg‘in intellektual kurash asosida tashkil etilgan turnirda fakultetning kunduzgi, kechki va sirtqi ta’lim shakli talabalari ishtirok etishdi. Musobaqani shaffof oʻtishini taʼminlash maqsadida shaxmat boʻyicha FIDE sport ustalari mehmon sifatida taklif qilindi.

“Biz talabalarimizga oʻzlarining strategik koʻnikmalarini namoyish etishlari uchun platforma taqdim etganimizdan faxrlanamiz. Bu kabi musobaqalar talabalarda tanqidiy fikrlash va muammolarni hal qilish qobiliyatini rivojlantirishda muhim ahamiyatga ega”, - deydi Bolalar sporti kafedrasi mudiri Abduqayum Abdullayev.

Gʻolib va sovrindorlar fakultet rahbariyati tomonidan taqdirlandilar.

Bizni kuzating: 👉@tvchdpi2017

Ta’limga yo‘g‘rilgan iftorlik dasturxoni yozildi
#talaba_manfaati

Yurtimizda muqaddas dinimizning insonparvarlik ruhi bilan yo‘g‘rilgan ezgu an’analarini munosib davom ettirishga ulkan e’tibor qaratilmoqda. Bu jarayonda, ayniqsa, bilim va ma’rifat, ma’naviy poklik, mehr-oqibat, xayru saxovat fazilatlari ulug‘lanadigan muborak Ramazon oyining ahamiyati katta bo‘layotganini ta’kidlash lozim.

Gumanitar fakulteti O‘zbekiston tarixi kafedrasi jamoasi talabalar uyiga tashrif buyurib, talabalar bilan iftorlik qilishdi. Ramazon oyining mo‘’tabar an’anasi sanalgan iftor dasturxoni bahonasida kafedra jamoasi talabalar bilan suhbatlashib, ularning fikrlariga quloq tutdi.

Iftorlik davomida kafedra professorlari, yetakchi tarixchi olimlar talabalarga jadid bobolarimizning ibratli hayot yo‘li, noyob adabiy va ilmiy merosi haqida gapirib berdilar. Islomda ulug‘langan tinchlikning qadriga yetib, shukrini ado etishlik farzligi ta’kidlandi.

Qur’on tilovat etilib, o‘tganlar haqiga duo qilindi. Talabalarga osh tortildi.

Bizni kuzating: 👉@tvchdpi2017