"Stipendiant va talaba yoshlar forumi"da Prezident va nomli Davlat stipendiya sohiblari hamda ularning ilmiy rahbarlari taqdirlandi.
#Yoshlar_akademiyasi

Chirchiq davlat pedagogika universitetida “Yoshlar akademiyasi" tashabbusi bilan o‘tkazilgan Forumi doirasida Prezident hamda nomli Davlat stipendiya sohiblari bilan ochiq muloqot bo'lib o'tdi.

Forumda CHDPU rektori professor G‘ofurjon Muxamedov barcha g‘oliblar, ularning ilmiy rahbarlari, qolaversa, universitet jamoasini ulkan zafarlar bilan samimiy qutladi.

Shundan so‘ng stipendiantlarga so‘z berildi va ular avvalo muvaffaqiyatga erishishda bosib o'tgan yo'llari, izlanishlari haqida so‘zlab berdilar. Har bir talaba nomli Davlat stipendianti bo‘lishni orzu qiladi.

Ma’lumot o‘rnida, joriy yil CHDPU 1 nafar talaba Prezident Davlat stipendiyasi, 1 nafar talaba Islom Karimov, 1 nafar talaba Pahlavon Mahmud, 1 nafar talaba Bobur nomli Davlat stipendiyasi va 11 nafar talaba Navoiy nomli Davlat stipendiyasi sohibi bo‘ldi.

Stipendiya sohiblari va ularning ilmiy rahbarlari tashakkurnoma va esdalik sovg'alar bilan taqdirlandi.

Bizni kuzating: 👉@tvchdpi2017

"Yoshlar forumi" doirasida istiqbolli startup loyihalar start oldi
#Yoshlar_akademiyasi

Chirchiq davlat pedagogika universitetida “Yoshlar akademiyasi”ning birinchi forumi bo‘lib o‘tdi. Forumda universitet rektori, yoshlarning ilmiy rahbarlari, iqtidorli talabalar va ularning ota-onalari ishtirok etdi.

Universitet yoshlari o‘rtasidagi ilmiy muhitni yanada barqarorlashtirish, yoshlarning ota-onalari bilan hamkorlikni kuchaytirish maqsadida tashkil etilgan forum talabalarning ijtimoiy loyiha va dasturlarini muvaffaqiyatli amalga oshirish, intellektual salohiyat egalarini yagona maqsad yo‘lida birlashtirishda o‘ziga xos platforma vazifasini o‘tadi.

Forumning dastlabki qismida universitet rasmiylari va ota-onalar ishtirokida talabalarning muammolari, taklif va istaklari bevosita muhokama qilindi. Yoshlarning maqsadlarini yuzaga chiqarishda oila va universitet hamkorligi samarasi haqida ota-onalar bilan fikrlashildi. Suhbat natijalariga ko‘ra, talabalarning startuplarini ishga tushirish asoslari o‘rganildi, malakali ekspertlar, universitet professorlari maslahatlari tinglandi.

Forumning e’tiborli yana bir jihat shuki, universitetdagi “Xalqaro darajada pedagog kadrlarni tayyorlash” strategiyasini amalga oshirishda ota-onalar o‘rni masalalari muhokama qilindi.

Forumning ikkinchi qismida O‘zbekiston Respublikasi Prezidenti hamda nomli Davlat stipendiyalari g‘oliblari bilan ochiq muloqot bo‘lib o‘tdi. Prezident hamda nomli Davlat stipendiyalari sohibi bo‘lish istagida bo‘lgan barcha talabalar suhbatda faol ishtirok etib, o‘zlarini qiziqtirgan savollarga javob oldilar.

Forumdan fotolavhalar

Bizni kuzating: 👉@tvchdpi2017

#talaba_manfaati
#sport
Sportning futbol turi bo‘yicha “Dekan kubogi” bo‘lib o‘tdi…

Turizm fakultetida futbol sport turi bo‘yicha “Dekan kubogi” bo‘lib o‘tdi. Musoboqada 16 jamoa jismoniy tayyorgarliklarini sinovdan o‘tkazishdi. Finalda fakultetning kechki ta’lim shakli 2-bosqich talabalaridan tashkil topgan "Arsenal" jamoasi g‘oliblikni qo‘lga kiritib, “Dekan kubogi”ga sazovor bo‘ldi.

- Bu kabi bir qator sport musoboqalarning o‘tkazilishi, ham jismoniy, ham ruhiy tayyorgarligimizni yanada oshirishga xizmat qiladi - deydi turnirning eng yaxshi o‘yinchisi Bobur Shonazarov. – Qolaversa, bu turnirlarning tez-tez bo‘lishiga talabalarning o‘zlari xayrihohdirlar. Bo‘sh vaqtimizni mazmunli o‘tishi uchun Turizm fakultetida barcha sharoitlar yaratilgan. Biz esa bundan mamnunmiz.

Musoboqa so‘ngida ishtirokchilar esdalik sovg‘a va diplomlar bilan taqdirlandi.

Turnirni fotolavhalarda ko'ring.

Bizni kuzating: 👉@tvchdpi2017