“Uch avlod uchrashuvi” talabalar nigohida:

Bugun Chirchiq davlat pedagogika universitetida “Uch avlod uchrashuvi” bo‘lib o‘tdi. Uchrashuvda universitet rektori, professor G‘ofurjon Muxamedov ishtirok etdi. Uchrashuvda ishtirok etgan talabalar o‘z fikrlari bilan o‘rtoqlashdi:

Farid Ro‘zimurodov, matematika va informatika fakulteti talabasi:
“Bu yerda yig‘ilgan uch avlod vakillari – O‘zbekiston faxri. Bugungi bayramda turli millat vakillari: tojik, o‘zbek, qirg‘iz, qozoq, rus kabi ko‘plab xalqlarga mansub kishilar so‘zga chiqdi. Universitetimizda ham turli millat vakillari totuvlik va inoqlikda ta’lim olishadi. Bu albatta, universitetimizning eng katta yutug‘i. Biz faxrlanamiz”.

Asalxon Azizova, fizika va kimyo fakulteti talabasi:
“Juda ajoyib bayram. Bu yerda bo‘lish va katta-yu kichikning o‘zaro hurmati, ehtiromni ko‘rish meni xursand qildi. Ustozlarining erishgan yutuqlari va hayot yo‘li haqida eshitish yosh avlod uchun qiziq va ibratlidir. Mahalla faollarining bir yerga jam bo‘lgani esa mazkur tadbirning tarbiyaviy ahamiyatini yanada kuchaytiradi”.

Sanjar Ergashev, tabiiy fanlar fakulteti talabasi:
Mahalla faollari ijarada yashayotgan talabalarga minnatdorchilik bildirgani, "muomalali va sarishta talabalarizga rahmat" - ,degani barchamizni quvontirdi. Universitetimiz rektorini oldida yuzimiz yorug‘ bo‘ldi. Shu ma’noda “Mening mahallam – mening istiqbolim – mening taqdirim”, degan tamoyil universitetimiz yoshlarining hayotiy shioriga aylangan!

Bizni kuzating: 👉@tvchdpi2017

#xalqaro_hamkorlik
Muxtor Avezov nomidagi Janubiy Qozog‘iston universitetida "Xalqaro qishki maktab - 2024" ochilish marosimi bo’lib o’tdi.
Mazkur marosimda “Rus tili va adabiyoti ta’limi metodikasi” kafedrasi mudiri Aleksandra Yekabsons ishtirok etdi.

batafsil 👉 https://t.iss.one/gumanitaryoshlari/13481

Bizni kuzating: 👉@tvchdpi2017

Ekologik siyosat-yoshlar nigohida

Chirchiq davlat pedagogika universitetida 2024-yil — “Yoshlar va biznesni qo‘llab-quvvatlash yili” munosabati bilan O‘zbekiston Ekologik partiyasi Toshkent viloyati partiya tashkiloti tomonidan “Ekologik siyosat — yoshlar nigohida” mavzusida tadbir tashkil etildi.

Unda O‘zbekiston Ekologik partiyasi Toshkent viloyat Kengashi raisi Furqatjon Axmedjanov, Oliy Majlis Qonunchilik palatasi deputati, Oʻzbekiston Ekologik harakati Markaziy Kengashi Ijroiya qoʻmitasi vakillari va Eko "Ayollar va Yoshlar" qanoti vakillari hamda universitetning professor-o‘qituvchi va talabalari ishtirok etdi.

Tadbirda mamlakatimiz aholisining 60 foizdan ortig‘ini yoshlar tashkil etishi, shu bois yoshlar o‘rtasida ekologik targ‘ibotni rivojlantirish orqali yurtimizdagi ekologik barqarorlikka erishish mumkinligi haqida so‘z yuritildi. Shuningdek, partiya tomonidan yosh ekofaollarning g‘oya va tashabbuslarini har tomonlama qo‘llab-quvvatlash, ularni birlashtirish bo‘yicha zarur ishlar olib borilayotganligi qayd etildi.

Bizni kuzating: 👉@tvchdpi2017

O‘zbek tilshunosligi kafedrasida ilmiy seminar bo‘lib o‘tdi
#fakultet_yangiliklari

Gumanitar fanlar fakulteti O‘zbek tilshunosligi kafedrasida bo‘lib o‘tgan «Soha tili leksikasini o‘rganish muammolari» mavzusidagi ilmiy seminar hozirgi kunda dolzarbligi bilan ahamiyatlidir.
👉batafsil saytda

Bizni kuzating: 👉@tvchdpi2017

Kunning eng muhokamali tadbiri: tonggi badantarbiya
#talaba_manfaati
#prorektor_tashabbusi

Yoshlar o'rtasida jismoniy tarbiya va sportni rivojlantirish, sog'lom turmush tarzini keng targ'ib qilish borasida muayyan ishlar amalga oshirilmoqda. Xususan, Yoshlar masalalari va maʼnaviy-maʼrifiy ishlar boʻyicha prorektori Samariddin Qorayev tashabbusi bilan erta tongdan talabalar va pedagogik jamoa birgalikda badantarbiya mashg'ulotlarini o'tkazish an'anasi yo‘lga qo‘yildi.

Bugun talabalar shaharchasi faollari hamda Jismoniy madaniyat fakulteti sport murabbiylari boshchiligida universitet jamoasi "Pedagog" sport maydonida turli mashqlarni bajardilar.

Gulnoza, Gumanitar fakulteti talabasi:
"Barcha yuqori malakali sportchi bo‘lishi, musobaqalarda qatnashib, mukofotlar olishi shart emas. Inson muntazam ravishda o‘z imkoniyatidan kelib chiqib, sport bilan shug‘ullanishi, jismoniy chiniqishi koni foyda. Har kuni bajarish imkoni bo‘lgan 15-20 daqiqalik tonggi badantarbiya mashg‘ulotlari qilish ham, albatta, bunday istaklar ro‘yobiga kiradi".

Shahlo, Turizm fakulteti talabasi:
Agar ertalabdan telefonga uzoq vaqt tikilib turilsa, bu tashvishlanish darajasini oshiradi. Ertalab esa, aksincha, samarali ishlarga tayyorlanishning ayni vaqti. Tonggi badantarbiya - biz kutgan tadbir. Tashkilotchilarga katta rahmat".

Sarvarbek, Matematika va informatika fakulteti talabasi:
"Ertalabki sport mashg‘ulotlari faollikni oshiradi va kun davomida energiyani saqlashga yordam beradi. Bu ong va organizm jismoniy hamda psixologik vazifalarni yaxshiroq yengishini anglatadi. Charchoq kamroq kuzatiladi".

Aziza, Tabiiy fanlar fakulteti talabasi:
"30 daqiqalik tonngi balantarbiya miyani yanada tiniq va barqaror qiladi, diqqatingizni jamlaydi. Zo‘r idea".

Bizni kuzating: 👉@tvchdpi2017