Talabalar professorlar ishtirokida darslar tahlilini olib bordi
#kafedralar_tashabbusi
#prezident_topshirigi #ijro

Prezidentning "Pedagogik ta’lim sifatini oshirish va pedagog kadrlar tayyorlovchi oliy ta’lim muassasalari faoliyatini yanada rivojlantirish chora-tadbirlari to‘g‘risida"gi qaroriga muvofiq kunduzgi ta’lim shaklidagi 2–4-bosqich talabalari uchun haftalik o‘quv mashg‘ulotlar "4+2", jumladan darslarning 4 kuni ChDPUda, 2 kuni umumiy o‘rta ta’lim muassasalarida amaliyot o‘tash tartibida olib borilmoqda.

Boshlang‘ich ta’lim nazariya kafedrasi talabalarning amaliyot o‘tash jarayonlarini samarali tashkil etish va nazariy olgan bilimlarini amaliyot orqali mustahkamlash maqsadida "Yuksalish" xususiy maktabiga tashrif buyurdi.

Tashrif davomida talabalar ixtisoslashtirilgan maktabning dars jarayonlarida bevosita ishtirok etdi va kafedra professor-o‘qituvchilari yetakchiligida darslar tahlil qilindi. Talabalar maktabning oʻquv dasturlari va o‘qituvchi uchun dars jarayonida zarur bo‘ladigan me’yoriy hujjatlar bilan tanishdi.

Bizni kuzating: 📌https://t.iss.one/tvchdpi2017

ChDPU talabalari xalqaro miqyosda e’tirof etildi
#Intellektual_yoshlar
#kafedralar_tashabbusi

Rus tili va adabiyoti ta’limi metodikasi kafedrasi Yosh olimlarning XII Xalqaro ilmiy konferensiyada hamkor tashkilotchi sifatida ishtirok etdi.

Konferensiyada Qozog‘iston, Belarus va Rossiya yosh olimlari qatorida Ona tili va adabiyoti: rus tili va adabiyoti” yo‘nalishi talabalari Madina Mansurova va Sabina Sarimsakovalar o‘z ilmiy ish mavzulari bo‘yicha ma’ruza bilan qatnashdilar.

Konferensiya oflayn va onlayn tarzda o‘tkazildi. Yoshlar konferensiyasi fan va ta’lim sohasidagi xalqaro hamkorlik samarasi bo‘ldi.

Konferensiya yakunlari va unda Chirchiq davlat pedagogika universiteti talabalarining mazmunli ishtiroki xalqaro ijtimoiy tarmoqlarda (https://vk.com/wall-71289304_1277) e’tirof etildi.

Bizni kuzating: 📌https://t.iss.one/tvchdpi2017

Talabalarga AS va A-LEVEL sertifikatlarini berish amaliyoti haqida ma’lumot berildi
#prezident_topshirigi #ijro
#talaba_manfaati

O'zbekiston Respublikasi Prezidentining 2021-yil 19-iyundagi PQ-5188 sonli qarorida xalqaro (International Advanced Levels) dasturlar talablariga muvofiq o‘quvchilarning STEAM fanlari bo‘yicha bilim va ko‘nikmalarni baholash hamda ularga xalqaro darajadagi AS va A-LEVEL sertifikatlarini berish amaliyotini yo‘lga qo‘yish ko'zda tutilgan.

Kuni kecha Nurafshon shahridagi Prezident maktabi ijrochi direktori Mahmud Yuldashov, Prezident maktabi maslahatchisi Abdulkhay Abdunazarovlar ishtirokida xalqaro toifadagi pedagog kadrlar tayyorlash masalasi ko'rib chiqildi. Iste'dodli talabalarni tanlash, ularga to'g'ri yo'nalish berish, qobiliyatini o'stirish, intellektual salohiyatini namoyon etishga ko'mak bera oladigan ta'lim tizimini yaratish orqali xalqaro toifadagi pedagoglar tayyorlash masalalari muhokama markazida bo‘ldi.

Shuningdek, mutaxassislar ishtirokida talabalar uchun seminar tashkil etildi. Seminarda AS va A-LEVEL sertifikatlarini berish amaliyoti haqida tushunchalar berildi. Xalqaro toifadagi pedagoglar tayyorlash jarayonida talabalarning o'zi nimalarga e’tibor qaratish lozimligi tushuntirildi.

Web-sayt | Telegram | Instagram | Facebook |YouTube

Dunyoda giyohvand moddalar iste’mol qiluvchilar soni oshib bormoqda
#talaba_manfaati

Oxirgi 10 yil ichida giyohvand moddalarni iste’mol qiluvchilar soni 23 foizga oshib, 296 million kishiga yetdi. Noqonuniy bozorlarda sintetik moddalar hukmronlik qilmoqda.

Xuddi shu davrda giyohvand moddalarni iste’mol qilish bilan bog‘liq kasalliklardan aziyat chekadiganlar soni 45 foizga o‘sib, 39,5 million kishini tashkil etdi. Shu bilan birga, BMT ma’lumotlariga ko‘ra, har 5 kishidan faqat 1 nafari giyohvand moddalarga qaramlikdan davo topish mumkin deb hisoblaydi.

Turizm fakultetida o‘tkazilgan davra suhbatida yuqoridagi ma’lumotlar keltirildi.

O'zbekiston Respublikasi IIV vakillari, narkologlar talabalar bilan giyohvand moddalarning inson organizmiga ta'siri va giyohvand moddalarga qarshi kurash yuzasidan fikrlashdi.

"Yoshlar jamiyat hayotida tobora faollashib, o‘z o‘rniga ega bo‘lib borayotgan bir vaqtda ayrim irodasi sust yoshlarimiz giyohvandlik balosiga mubtalo bo‘layotgani barchamizni tashvishga soladi", deydi Turizm fakulteti dekan o'rinbosari Husan Yuldashev .

Bizni kuzating: 📌https://t.iss.one/tvchdpi2017