Тарғибот ишлари давом этмоқда

Қорақалпоғистон Республикаси Тўрткўл туманига коронавируснинг кириб келиши ва тарқалишининг олдини олиш юзасидан туман махсус комиссиясининг 2020 йил 15 август кунги 47-сонли йиғилиш баёни қарорига асосан туманда оилавий тантана, тўй, маърака ва маросимларни ўтказиш, бунда ушбу тадбирларни фуқароларнинг уй-жойи ва ҳовлисининг ўзида 30 кишидан кўп бўлмаган яқин қариндошлари иштирокида ҳамда санитария ва гигиена талабларига қатъий риоя этган ҳолда ўтказишга рухсат берилди.
Туман Маҳалла ва оилани қўллаб қувватлаш бўлими томонидан бу борада тарғибот-ташвиқот ишларини янада жадаллаштириш ва маҳаллаларда оилавий тантана, тўй, маърака ва маросимларни ихчам ўтказиш мақсадида фуқаролар йиғини раислари, имом хатиблар, отинойилар ҳамда кўча бошчиларига ўз ҳудудида карантин қоидаларига риоя қилган ҳолда тўй-ҳашам, оилавий тадбирлар ва маросимларни ўтказиш бўйича тавсиялар бериб борилмоқда.
Фуқаролар йиғини раислари ҳамда имом хатиблар Республикамизда карантин қоидалари юмшатилишига қарамасдан ҳалигача маълум чекловлар давом этаётгани ҳақида тушунтириш ишларини олиб бормоқдалар.
Юқорида олиб борилаётган тарғибот ишлари натижасида туманимизда ўтказилаётган тўйлар ва оилавий маросимлар карантин қоидаларига риоя этилган ҳолда ўтказилмоқда.

Э.Халимбетов.
Туман ҳокими ўринбосари,
Маҳалла ва оилани қўллаб-қувватлаш бўлими бошлиғи

Каналга уланиш👇👇👇
👉 https://turtkulhokim.uz
🌐Ⓜ️anba: https://t.iss.one/turtkulhokim_uz

Ўзбек халқининг улуғ фарзанди.

Ислом Абдуғаниевич Каримов – XX-XXI асрда ўзбек давлатчилигининг буюк ислоҳотчиси, Ўзбекистон Республикасининг Биринчи Президенти (1938-2016 й.й.)

Ислом Каримов 1989 йилдан 2016 йилга қадар мамлакатни бошқарган давлат арбоби, кучли сиёсатчи, миллат етакчиси.

1991 йил 31 август куни Ислом Каримов тарихий воқеа – Ўзбекистон Республикаси мустақиллигини эълон қилди. 1991 йил 29 декабрда муқобиллик асосида ўтказилган умумхалқ сайловида Ўзбекистон Республикасининг Президенти этиб сайланди.

У халқ дардига қулоқ тутди, тинчлик ва осойишталикни таъминлади, кўп миллионли халқни Ватан тараққиёти йўлида бирлаштириб, ислоҳотларга сафарбар этди.

Ўзбек халқининг улуғ фарзанди, мустақил Ўзбекистон давлати асосчиси ва Биринчи Президенти Ислом Каримов 2016 йил 2 сентябрь куни оғир хасталикдан сўнг 78 ёшида вафот этди.

Ислом Каримов хотирасини абадийлаштириш мақсадида 2017 йил 31 август куни Тошкент шаҳрида собиқ Оқсарой қароргоҳи олдида унинг биринчи ҳайкали тантанали очилди.

Шунингдек, Биринчи Президент ҳайкаллари 2017 йил 2 сентябрда Самарқандда, 2018 йил 30 январда Қаршида ва 2018 йил 18 октябрда Москвада очилди.

Бундан ташқари, Тошкент Давлат техника Университетига, Тошкент халқаро аэропортига, Фарғонадаги санъат саройига, Асакадаги автомобиль заводига ҳамда бир қатор кўчаларга Ислом Каримов номи берилди.

Ватан учун ўзидан кечган, келажак авлод учун озод замин яратган, маърифат йўлида ўчмас зиёли битиклар битган, ҳаётининг охирги дамигача халқини ўйлаган буюк инсон Ислом Каримов номи асрлар оша мангу яшайди.
Жонибек Сеттиев,
Республика Маънавият ва маърифат маркази Тўрткўл туман бўлинмаси раҳбари
Каналга уланиш👇👇👇
👉 https://turtkulhokim.uz
🌐Ⓜ️anba: https://t.iss.one/turtkulhokim_uz

Tўрткўл туманида замонавий дизайн ва кенг имкониятларга эга кўп қаватли уй қурилиши бошланди.
Каналга уланиш👇👇👇
👉 https://turtkulhokim.uz
🌐Ⓜ️anba: https://t.iss.one/turtkulhokim_uz

Ўзбекистон Республикаси Мустақиллигининг 29 йиллиги байрами арафасида Тўрткўл туманида янги биноларнинг очилиш маросимлари бўлиб ўтди.

Каналга уланиш👇👇👇
👉 https://turtkulhokim.uz
🌐Ⓜ️anba: https://t.iss.one/turtkulhokim_uz

Бугун Тўрткўл тумани “Марказобод” маҳалла фуқаролар йиғини ҳудудида тумандаги тўртта сектор раҳбарлари иштирокида содир этилган жиноят ишлари юзасидан маҳалла фуқаролари ва автомактаб ўқувчилари билан биргаликда муҳокама ўтказилди.
Муҳокамани 1-сектор раҳбари, туман ҳокими Р.Шамуратов бошқариб борди.
Туман ҳокими кун тартибида муҳокамага қўйилган ҳар учала масала ҳам йўл ҳаракати қоидалари бузилишлари натижасида содир этилганлигини таъкидлади.
Жумладан, йўл-транспорт ҳодисалари фуқароларимизнинг эътиборсизлиги, йўл ҳаракати қоидаларини билмаслиги, вояга етмаган ёшларнинг автомашиналарни бошқариши оқибатида содир этилаётганлигини билдирди.
Туман ИИБ бошлиғи, 2-сектор раҳбари З.Заитов жиноий ҳолатларнинг содир бўлишида фуқароларнинг автомобиль бошқариш бўйича билим, кўникма, қолаверса ҳужжатга эга бўлмасдан бошқаришлари, айрим ҳолатларда эса маст ҳолатда бошқариши, йўл ҳаракати қоидаларига риоя этмасликлари натижасида содир этилганлигини айтиб ўтди. Энг ачинарлиси, бундай автоҳалокатлар натижасида кўпгина инсон ўз соғлиғини йўқотиши, баъзи ҳолатларда эса умри ҳам завол бўлиши ҳақида алоҳида тўхталиб ўтилди.
Мавзу юзасидан фуқаролар йиғини раислари ва фуқаролар томонидан фикр ва мулоҳазалар билдирилди.

Тўрткўл туман ҳокимлиги ахборот хизмати Каналга уланиш👇👇👇
👉 https://turtkulhokim.uz
🌐Ⓜ️anba: https://t.iss.one/turtkulhokim_uz