Navbatdagi “Huquqiy targ‘ibot kuni” Istiqlol MFYda

Bugun tuman adliya bo‘limi tomonidan “Istiqlol” mahalla fuqarolar yig‘inida “Huquqiy targ‘ibot kuni” o‘tkazildi.
Tadbirda tuman adliya bo‘limi boshlig‘i M.Nuraddinov va Respublika Ma’naviya va ma’rifat bo‘linmasi rahbari J.Settievning kun tartibi bo‘yicha ma’ruzalari tinglandi.
O‘z navbatida huquqiy muammosi mavjud bo‘lgan fuqarolar sayyor tartibda qabul qilinib, 10 dan ortiq fuqarolarning huquqiy muammolariga joyida tushuntirish berildi hamda fuqaro R.Artikovaning murojaati o‘rnatilgan tartibda ko‘rib chiqish uchun nazoratga olindi.
Shuningdek, tadbir davomida aholining kundalik hayotida uchraydigan muammolarning huquqiy yechimlari, ijtimoiy himoyaga muhtoj aholi qatlamlari uchun imtiyozlar va moddiy yordam berish, nafaqa tayinlash, ishsizlikdan himoyalanish, vaqtinchalik ish bilan ta’minlash, ijtimoiy yordam olish tartibiga oid infografik materiallar tarqatildi.
Tuman adliya bo‘limi, davlat xizmatlari markazi, yuridik xizmat ko‘rsatish markazi hamda fuqarolik holati dalolatnomalarini yozish bo‘limi mas’ul xodimlari tomonidan mahalladagi “Temir daftar”, “Ayollar daftari”, “Yoshlar daftari” hamda “Ijtimoiy himoya yagona reestri” axborot tizimiga kiritilgan fuqarolarga va boshqa huquqiy muammosi mavjud bo‘lgan xonadonlar uyma-uy yurish bepul huquqiy ko‘mak berildi. 🟢To‘rtko‘l  tumani hokimligi Axborot xizmati   
🌐WEB SAYT | 📱IG | 📱FB |🎞YT |