“Hech bir shaxs hujjatsiz qolmaydi” huquqiy aksiyasi o‘tkazilmoqda
Adliya vazirligi tomonidan “Hech bir shaxs hujjatsiz qolmaydi” huquqiy aksiyasi bo‘lib o‘tmoqda.
Bugun ushbu loyiha doirasida To‘rtko‘l tumani adliya bo‘limi tomonidan, To‘rtko‘l tumani “Yashnobod” mahalla fuqarolar yig‘ini fuqarolari uchun sayyor qabul tashkil qilindi.
Huquqiy aksiya doirasida kelib tushgan uy joy hujjatlarini rasmiylashtirish masalasida 50 dan ortiq murojaatlar barcha murojaatlar mutadsaddi tashkilotlar hamkorligida o‘rganib chiqilib amaldagi normativ huquqiy hujjatlar asosida joyida tushuntirish berildi va 8 nafar fuqaroga sayyor tartibda davlat xizmatlari ko‘rsatildi.
Mazkur aksiya 2024 yil 20 martgacha davom etadi.

“Yangi hayot uchun, yangi O‘zbekiston uchun!” shiori ostida “Mahallada duv-duv gap” tadbirlari davom etmoqda

"Anhorli", "Yangihayot" MFY va "Ko‘na-To‘rtko‘l" OFY aholisi va o‘quvchi yoshlari uchun hududdagi 12-son maktabida "Yangi hayot uchun, Yangi O‘zbekiston uchun!" shiori ostida ma’naviy-ma’rifiy uchrashuvi bo‘lib o‘tdi.
Unda 2024-yil "Yoshlar va biznesni qo‘llab-quvvatlash yili" deb e’lon qilinishi, yoshlarga va tadbirkorlarga yaratib berilayotgan shart- sharoitlar va keng imkoniyatlar to‘g‘risida ma’lumotlar berildi. Tadbirda Respublika Ma’naviyat va ma’rifat markazi tuman bo‘limi rahbari J.Settiyev, tuman bosh imom xatibi D.Klichevlar ishtirok etib, “Jaholatga qarshi ma’rifat” mavzusida bugungi kundagi yot g‘oyalarni asl maqsadi, diniy eksremizm va uning salbiy oqibatlari hususida tushunchalar berildi. Tadbir doirasida yoshlarni harbiy vatanparvarlik ruhida tarbiyalash, ularni harbiy xizmatga bo‘lgan qiziqishlarini yanada oshirish maqsadida tuman Mudofaa bo‘limi tomonidan qo‘rgazma tashkil qilindi.