#Targ`ibot “Ullubog‘” OFYda ko‘cha boshchi faol ayollari bilan birgalikda uchrashuv bo‘lib o‘tdi.
Uchrashuvda To‘rtko‘l tumani xokim o‘rinbosari, Oila va xotin-qizlar bo‘limi boshlig‘i I.K.Jumabaeva, Jo‘qorg‘i Kenes deputati Z.Abdullaeva ishtirok etishdi va hozirgi kunda aholi o‘rtasida, ayniqsa ayol-qizlar o‘rtasida kiyinish madaniyati, erta nikohni oldini olish, oilalarda sog‘lom turmush tarzini targ‘ib qilish, to‘y-hashamlarni ixchamlashtirish, ajrimlarning oldini olish kabi bir qancha dolzarb masalalar to‘g‘risida tushuntirish ishlari olib borishdi.
Uchrashuvda ko‘cha boshchi ayollar o‘zlarini qiziqtirgan savollarga javob olishdi va o‘z navbatida fikr- mulohazalarini bildirishdi...
Bunday targ‘ibot tadbirlari “Otayurt” ovul fuqarolari yig‘inida hamda “Yangiobod” va “Beruniy” mahallalarida ham bo‘lib o‘tdi.

#G‘alla_2023 Joriy 2023 yil hosili uchun tumanimiz dehqonlari jami 5 500 gektar maydonda g‘alla yetishtirdilar. Ayni kunlarda dalalarda g‘alla o‘rim-yig‘im ishlari qizg‘in sur’atlarda olib borilmoqda. Siz suratlarda ko‘rib turgan “Sho‘raxon” ovul fuqarolar yig‘ini hududidagi “Yashnobod To‘rtko‘l” fermer xo‘jaligi 30 gektar g‘alla maydonidan 30 sentnerdan hosil yig‘ib olib 99 tonna g‘allani omborga yetkazdi va rejani 100 foizga bajardi. ✅To‘rtko‘l  tumani hokimligi Axborot xizmati   
WEB SAYT | IG | FB | TW|YT | TG

Qoraqalpog‘iston Yozuvchilar uyushmasi hamda Respublika Ma'naviyat va ma'rifat markazi Qoraqalpog‘iston bo’limining qo’shma qaroriga asosan o’tkazilgan "Kitob bizning do’stimiz" tanlovining Qoraqalpog’iston Respublikasi bosqichida To’rtko’l tuman Maktab va maktabgacha ta’lim bo’limiga qarashli 30-umumiy oʻrta taʼlim maktabi 8-D sinf o‘quvchisi Mavlanova Nargiza faxrli 3-o'rinni egalladi.

“ Ma’muriy islohotlar doirasida qishloq xo‘jaligi va oziq-ovqat sohasida davlat boshqaruvini samarali tashkil qilish chora-tadbirlari” to‘g‘risidagi Farmoni, PQ – 121 sonli “Qishloq xo‘jaligi korxonalari dala chetlaridagi yer maydonlarida mahsulot yetishtirish tizimini takomillashtirish chora-tadbirlari to‘g‘risida”gi qarorlari mazmun-mohiyatini to‘laqonli joylarda yetkazish yuzasidan To‘rtko‘l tumanidagi “Zarbdor” MChJ da seminar tashkil qilindi.
Seminarda, ishchi guruh a’zolari O‘zbekiston fermer, dehqon xo‘jaliklari va tomorqa yer egalari kengashidan N. Mirabdullaev va M. Muhammadiev, O‘zbekiston fermer, dexqon xo‘jaliklari va tomorqa yer egalari kengashi huzuridagi fermer, dehqon xo‘jaliklari va tomorqa yer egalarini qullab-quvvatlash jamg‘armasining Qoraqalpog‘iston Respublikasidagi vakili A.Ajimov, To‘rtko‘l tumani fermer, dehqon xo‘jaliklari va tomorqa yer egalari kengashi rahbari B.Masharipov hamda xodimlari, dexqon va fermer xo‘jaligi va tomorqa yer egalari ishtirok qilishdi.