«Савдо қилиш ҳар доим жанг қилишдан кўра фойдалироқдир», – СМТИ директори Президентнинг Афғонистон бўйича ташаббуси ҳақида

Президент ҳузуридаги Стратегик в минтақалараро тадқиқотлар институти директори Элдор Ариповнинг фикрича, Афғонистон яна ўз муаммолари билан ёлғиз қолмаслиги керак.

«Ўзбекистон Президентининг қўшни давлатларга Aфғонистонга ёрдам қўлини чўзишга чақируви мутлақо долзарб ва талабга эга. Бу мамлакат яна ўз муаммолари билан ёлғиз қолмаслиги керак.

«Термиз-Мозори-Шариф-Кобул-Пешовар» темир йўли лойиҳасини амалга ошириш Aфғонистонда тинчлик ўрнатилиши учун энг муҳим ҳисса бўлади. Ушбу лойиҳа Aфғонистоннинг ижтимоий-иқтисодий ривожланишига кучли туртки беришга қодир, жумладан, янги иш ўринларини яратиш, савдони кенгайтириш, инфратузилма қуриш.

Яъни тинч, маиший ҳаёт кечириш учун барча зарур шароитлар шаклланади. Охир оқибат, савдо қилиш ҳар доим жанг қилишдан кўра фойдалироқдир», – дея қайд этди Элдор Арипов.

#SCO2022Samarkand

«Ҳиндистон ва Покистон ШҲТга аъзо бўлгач, ташкилот ҳалокатини башорат қилишган, аммо у ўз принципларига хиёнат қилмади», – Элдор Арипов

Президент ҳузуридаги Стратегик в минтақалараро тадқиқотлар институти директори Элдор Арипов ШҲТ қадриятларига алоҳида тўхталди.

«Президент мақоласидаги «бу турли маданий-цивилизация кодлари ва миллий тараққиёт моделларига эга бўлган мамлакатларни бирлаштиришга муваффақ бўлган тузилма» деган сўзларга қўшиламан.

ШҲТ тўртта ядровий давлат, қадимий цивилизацияга эга бўлган мамлакатлар, маълум келишмовчиликлари бор, лекин энг муҳими, уларни ҳал қилишга тайёр давлатларни ўз ичига сиғдира олди. Ҳиндистон ва Покистон Ташкилотга аъзо бўлгач, ШҲТ ҳалокатини башорат қилишган, бироқ «Шанхай саккизталиги» давлатлараро ҳамкорликни, ҳатто кескин қарама-қаршиликлар шароитида ҳам қуриш мумкинлигининг намунасига айланди», – деб ёзмоқда Арипов.

Унинг айтишича, Президент томонидан ШҲТ феноменининг муваффақияти очиб берилди, бу – «ШҲТ ўзига хиёнат қилмасдан ўзгаргани» ҳақида. Яъни, 20 йилда унинг асосий тамойиллари: блокдан ташқари мақом, учинчи давлатларга қарши турмаслик, очиқлик, консенсус, ишонч, ўзаро манфаатдорлик, тенглик ва ўзаро ҳурматга ҳеч қачон тажовуз қилинмаган.

ШҲТ ҳеч қачон ҳеч қандай геосиёсий қарама-қаршиликда иштирок этмаган, ҳеч қачон ўзини блокларга қарши қўймаган, можароларда тарафлардан бири томон бўлмаган.

#SCO2022Samarkand

«ШҲТ ҳамжамияти – улкан географик маконни қамраб олган ва сайёрамиз аҳолисининг қарийб ярмини бирлаштирган, дунёдаги энг йирик минтақавий ташкилотдир».

Шавкат Мирзиёев ўз мақоласида ШҲТнинг асосий принципларини санаб ўтди – турли блоклардан холи мақомга эга экани, очиқлик, учинчи мамлакатлар ёки халқаро ташкилотларга қарши қаратилмагани, барча иштирокчи томонларнинг тенглиги ва суверенитетини ҳурмат қилиш, ички ишларга аралашмаслик, сиёсий қарама-қаршилик ва ихтилофли рақибликка йўл қўймаслик.

ШҲТ саммити 15 сентябрт куни старт олади.

#SCO2022Samarkand

👉 https://t.iss.one/UZBEKISTANUZ

«Ғарб ва Европа кучлари Афғонистон ҳудудини тарк этгач, ШҲТ учун тўсиқсиз имконият юзага келди», – сиёсатшунос Фарҳод Толипов

Сиёсий фанлар бўйича фалсафа доктори Фарҳод Толиповнинг айтишича, ШҲТнинг Афғонистон бўйича ҳаракатлари энди янада яхшироқ самара бериши мумкин. У буни Ғарб ва Америка ҳарбийлари мамлакатдан чиқиб кетгани билан изоҳлади.

«Афғонистондаги барқарорлик, тинчлик ва хавфсизлик Ўзбекистон учун стратегик аҳамиятга эга. Шунинг учун ҳам Ўзбекистон ушбу масалани даражадаги форумларда, платформаларда муҳокама қилиб келади. Табиийки, ШҲТ саммитида ҳам кун тартибидаги бошқа масалалар қаторида Афғонистон мавзуси ҳам кўтарилади.

Таъкидлаш керакки, ШҲТ доирасида анча йиллардан бери «ШҲТ–Афғонистон» контакт гуруҳи мавжуд. Ушбу гуруҳнинг асосий мақсади — Афғонистон билан мулоқот ўрнатиш ва мавжуд муаммоларни муҳокама қилиш.

Агар шу пайтга қадар бу вазифfни бажариш мушкул бўлган бўлса, бугун яхши имконият пайдо бўлди. Яъни, Афғонистон ҳудудини Ғарб ва Америка кучлари тарк этгач, бошқалар, дейлик ШҲТ учун бетакрор ва ноёб имконият, тўсиқсиз шароит яратилди», – дея таъкидлади Толипов.

#SCO2022Samarkand

Содиқ Сафоев: «ШҲТнинг мақсади – янги деворлар эмас, янги кўприклар қуриш»

Сенат раиси ўринбосари Содиқ Сафоевга кўра, ШҲТнинг асосий кучи – у қандайдир блок ёки ёпиқ тузилма бўлишдан йироқлиги. Бу ташкилот ҳамиша турли кўринишдаги ҳамкорликлар учун очиқ ва Самарқанд саммити ҳам ташкилот халқаро ўзаро тушуниш, ишонч ва ҳамкорлик барпо этиш учун платформа эканини исботлаши керак.

«ШҲТ саммити қандайдир қарама-қаршиликларни кучайтириш ёки янги деворларни барпо этиш, янги чегараларни белгилаш эмас, балки янги кўприкларни қуриш, халқларни бир-бирига яқинлаштиришга қаратилган анжуман бўлади», – дея қайд этди Сенат раиси ўринбосари.

#SCO2022Samarkand

«ШҲТ саммити фақат учрашув ёки муҳокамалардан иборат бўлмайди», – Содиқ Сафоев

Олий Мажлис Сенати раиси ўринбосари Содиқ Сафоевнинг фикрича, ШҲТнинг Самарқанд саммити Ўзбекистоннинг халқаро миқёсдаги нуфузи ва ўрни ортиб бораётганини кўрсатади.

Шанхай ҳамкорлик ташкилоти барқарорликни таъминловчи куч сифатида тан олинган. Кузатилаётган таҳдидлар фонида айнан Самарқанд саммитидан бутун дунё аҳолиси кўп нарса кутмоқда. Халқлар бугун рўй бераётган можаролар, қуролли тўқнашувлар, мамлакатларни зиддиятларни бартараф этишга ёрдам беришига умид қилишмоқда.

Дарҳақиқат, дунё ўзгарди. Аммо охирги йилларда Ўзбекистон ҳам ўзгарди. Бугунги Ватанимизни беш йил олдингиси билан таққослаб бўлмайди. Мамлакатнинг мавқеи ҳам, унинг таъсир кучи ҳам ортиб боряпти.

Ўзбекистоннинг минтақавий ва глобал миқёсдаги муаммоларни ечишга бўлган интилиши ШҲТ доирасидаги тадбирларда ҳам яққол намоён бўляпти. Иштирокчи мамлакатларни бир жойга тўплаб, ўзаро зиддиятларни бартараф этиб, уларнинг бошини қовуштириш юксак дипломатик маҳоратни ва мезбон давлатнинг обрўси юқориши бўлишини талаб этади.

Ҳеч шубҳасиз, ШҲТ саммити натижадор бўлади. У фақат учрашувлар, муҳокамалардан эмас, амалий ишларга эришилади», – таъкидлади Сафоев.

#SCO2022Samarkand

«Бу ниҳоятда муҳим», – Содиқ Сафоев Эроннинг ШҲТга қўшилиши ҳақида

Сенат раиси ўринбосари Содиқ Сафоевнинг айтишича, ШҲТ бу – минтақавий ривожланиш ташкилоти. Минтақанинг энг йирик давлатларнинг бу ташкилотга кириши кўзда тутилган дастурнинг амалга ошишида ижобий рол ўйнаши мумкин.

«Эрон – муҳим ва йирик давлат. Дунёда бевосита чегарадош давлатлар сони бўйича ҳам энг катта мамлакат бу – Эрон. У Марказий Осиёни Яқин шарқ, Жанубий Осиё, Кавказ, Европа билан боғловчи чорраҳада жойлашган. Бу эса унинг жўғрофий жойлашуви қанчалик муҳимлигини кўрсатади.

Энг асосийси – Эрон орқали денгиз портларига чиқиш имконияти биз учун жуда муҳим. Чабаҳар денгиз портлари Марказий Осиёни жаҳон бозори билан боғлашда муҳим аҳамият касб этиши мумкин. Албатта, Эрон билан ҳамкорлик қилиш ШҲТ учун жуда муҳим», – таъкидлади Содиқ Сафоев.

#SCO2022Samarkand

Ўзбекистон Республикаси Президенти Шавкат Мирзиёев Самарқандга келди. Давлатимиз раҳбари Имом Бухорий мақбараси ва Биринчи Президент Ислом Каримов қабрини зиёрат қилди.
—
Президент Республики Узбекистан Шавкат Мирзиёев прибыл в Самарканд. Глава государства посетил мавзолей Имама Бухари, а также почтил память Первого Президента Ислама Каримова.

#SCO2022Samarkand

ШҲТ саммитининг асосий ҳужжати – Самарқанд декларациясида нималар акс этади?

Самарқанд декларацияси – 16 сентабр куни ШҲТга аъзо давлатлар раҳбарлари Кенгаши мажлисида имзоланадиган асосий якуний ҳужжат ҳисобланади. Ўзбекистоннинг ШҲТ бўйича миллий координатори ушбу халқаро ҳужжатда акс этган масалалар бўйича Kun.uz'га маълумот берди.

👉 https://kun.uz/33895849

#SCO2022Samarkand

Kun.uz расмий канали

Ўзбекистон Республикаси Президенти Шавкат Мирзиёевнинг таклифига биноан Мўғулистон Президенти Ухнаагийн Хурэлсух Шанхай ҳамкорлик ташкилоти саммити тадбирларида иштирок этиш учун Самарқанд шаҳрига келди.

#SCO2022Samarkand