#Mustaqillik_32
“Mahalla” xayriya jamoat fondi qoshidagi "Saxovat va ko‘mak" jamg‘armasi hisobidan oziq-ovqat mahsulotlari topshirildi

Yurtimizda azaldan yaxshi qadriyat qadrlanib keladi. Bu ham bo‘lsa, bayramlar arafasida nuroniy qariyalar, beva–bechoralar, kasalmand insonlarning holidan xabar olishdir.
Mamlakatimiz mustaqilligi bayrami arafasida ham To‘rtko‘l tumani hokimi hamda sektor rahbarlari tumandagi ehtiyojmand, ko‘makka muhtoj oilalar xonadonlarida bo‘lib, ularni bayram bilan qutladilar.
Xususan, tuman hokimi R.Shamuratov tumandagi 2-Jahon urushi qatnashchisi I.F.Galenko bilan uchrashib, otaxon suhbatidan bahramand bo‘ldi. Nuroniy otaxonga sixat-salomatlik tiladi.
Shuningdek, xonadon egalariga “Mahalla” xayriya jamoat fondi qoshidagi "Saxovat va ko‘mak" jamg‘armasi mablag‘lari hisobidan oziq-ovqat mahsulotlari berildi.

"Yangi hayot uchun, yangi O‘zbekiston uchun!" shiori ostida

O‘zbekiston Respublikasi Davlat Mustaqilligining 32 yilligi munosabati bilan bugun To‘rtko‘l tumani "Umid g‘unchasi" nodavlat maktabgacha ta’lim tashkilotida "Yangi hayot uchun, yangi O‘zbekiston uchun!" shiori ostida bayram tadbiri o‘tkazildi. Tadbirda bolajonlarimiz tomonidan vatanni madh etuvchi kuy-qo‘shinglar kuylandi.