Эълон!
26 феврал куни соат 15:00да
Ўзбекистон Республикаси Президенти томонидан илгари сурилган бешта муҳим ташаббуси ижросини таъминлаш, ёшларнинг маънавиятини юксалтириш, уларнинг бўш вақтларини мазмунли ташкил этиш, ёшларни маданият ва санъатга бўлган қизиқишини орттириш, уларни санъат масканларига хусусан музей, театр, концерт томошаларига жалб қилиш мақсадида, Тўрткўл тумани Отажон Худойшукуров номли томошалар залида "Беғараз ижодий ринг" лекторий концерт дастурига таклиф қиламиз. Концерт дастурида С.Матякубов, Д.Артиков, Б.Эшниязов, Э.Жумагелдиев ва Х.Бабаджоновларнинг ижод намуналари намойиш этилади.

Кечадан буён мамлакатимиз оммавий ахборот воситалари ва блогерларидан Ўзбекистон ва Россия Президентларининг яқинда бўлиб ўтган телефон мулоқоти якунларига изоҳ беришимни сўраб, мурожаатлар келиб тушмоқда.

Шу муносабат билан ҳамкасбларимизга қуйидагиларни маълум қилмоқчиман.

Икки томонлама муносабатларнинг кенг кўламли кун тартибида турган долзарб масалалардан ташқари, Ўзбекистон ва Россия етакчилари Украина атрофида юзага келаётган вазият юзасидан ҳам фикр алмашдилар.

Россия Президенти давлатимиз раҳбарига махсус ҳарбий операцияни ўтказиш тўғрисида қабул қилинган қарорнинг сабаблари ва шарт-шароитлари тўғрисида маълумот берди.

Ўзбекистон етакчиси, ўз навбатида, томонлар вазиятни ҳал қилишнинг ўзаро мақбул йўлларини тез фурсатда топишлари ва унинг янада кескин тус олишига йўл қўйилмаслигига умид билдирди.

Шуни алоҳида таъкидлашни истардимки, Ўзбекистон бу масала бўйича вазмин, нейтрал позицияда.

Мамлакатимиз азалдан ҳам Россия, ҳам Украина билан яқин, дўстона муносабатларга эга. Биз кенг минтақамизда тинчлик, барқарорлик ва изчил тараққиёт бўлишидан манфаатдормиз. Барча баҳс ва келишмовчиликлар фақатгина халқаро ҳуқуқ нормалари асосида ҳал қилиниши лозим.