Сенатор Б.Матмуратов Тўрткўл тумани марказидан олисда жойлашган "Ёнбошқалъа" овул фуқаролар йиғини аҳолиси билан учрашди

2024 йилнинг 2 январь куни Ўзбекистон Республикаси Олий Мажлиси Сенатининг Оролбўйи минтақасини ривожлантириш масалалари ва экология қўмитаси раиси ўринбосари, сенатор Батир Матмуратов Тўрткўл туман марказидан олисда жойлашган "Ёнбошқалъа" ОФЙдаги аҳоли билан учрашиб, уларнинг мурожаатларини тинглади. Учрашувда сенатор Б. Матмуратов Ўзбекистон Республикаси Президентининг мамлакатимиз ҳалқига йўллаган Янги йил табригини етказди. Табрикнинг мазмун-моҳиятини очиб берди.
Маълумки, Давлат раҳбари ўз табригида «Ўзбекистон – 2030» стратегияси, мамлакатнинг халқаро майдонда муҳим ташаббусларни илгари сургани ҳамда иқтисодий ўсиш бўйича фикрларини билдирди. 2024 йилни мамлакатимизда “Ёшлар ва бизнесни қўллаб-қувватлаш йили”, деб эълон қилди. Ижтимоий соҳалар ривожини мутлақо янги босқичга кўтариш тўғрисида айтилган эди.

Шу билан бирга, аҳоли билан учрашувларда Президентимиз раислигида 2023 йилнинг 22 декабрь куни ўтказилган Республика маънавият ва маърифат кенгашининг кенгайтирилган йиғилишидаги илгари сурилган илғор фикр ва ғоялар кенг жамоатчиликга етказилди.
Президентимизнинг маҳалла фаоллари, хотин-қизлар ва муҳтарам нуронийларимизга, айниқса, орзу-умидлар билан ҳаётга кириб келаётган ёшларимизга мурожаати аҳоли томонидан илиқ кутиб олинди, барчани руҳлантирди.
Учрашув давомида сенатор Б.Матмуратов маънавият ва маърифатни тарғиб қилишда китобнинг ўрни беқиёслиги борасида ёшларга тушунча берди ва ҳудуддаги умумтаълим мактабида таълим олаётган иқтидорли ёшлар, маҳалла фаоллари ҳамда фахрийларга 50 тадан ортиқ бадиий китоблар совға қилди.

Ўзбекистон Республикаси Олий Мажлиси Сенатининг Оролбўйи минтақасини ривожлантириш қўмитаси раиси ўринбосари, сенатор Батир Матмуратов ҳудуддаги фермер хўжалиги раҳбарлари билан ҳам учрашди. Фермерларнинг қишлоқ хўжалиги соҳасида халқимиз дастурхони тўкин-сочинлиги борасида олиб бораётган ишларига зафарлар тилади. Шу билан биргаликда “Қорақалпоғистон Республикасида хизмат кўрсатган қишлоқ хўжалиги ходими” унвонига мушарраф бўлган “Жўрабек СА” фермер хўжалиги раиси Азимбай Сапарбаевни ҳам қизғин қутлади.
Сенатор Б.Матмуратов ҳудуддаги бир қатор эҳтиёжманд ва ногиронлиги бор бўлган хонадонларга бориб, уларни Янги йил байрами билан табриклади ҳамда Маҳалла хайрия жамоат фонди қошидаги "Саховат ва кўмак" жамғармаси маблағлари ва ўз ҳисобидан озиқ-овқат маҳсулотларини топширди. ✅To‘rtko‘l  tumani hokimligi Axborot xizmati   
WEB SAYT | IG | FB | TW|YT | TG