❗️ Davlat xizmatlari agentligi tomonidan Vazirlar Mahkamasining "Rasmiy hujjatlarga apostil qo'yish tartibini yanada takomillashtirish to'g'risida" gi qarori loyihasi ishlab chiqilganligi haqida avvalroq xabar berilgandi.

Loyihada yurtimizda ilk bor Apostil qo'yish jarayonini jahon andozalari asosida elektron ko'rinishga o'tkazish nazarda tutilgan.

📊Infografika yordamida joriy etilishi taklif etilayotgan tartib bilan bog'liq masalalar, nazarda tutilayotgan yengilliklar bilan tanishib chiqishingiz mumkin.
📝 To'rtko'l tuman Davlat xizmatlari markazi bosh mutaxassisi M.Kurbanbayev

📓 O'limni qayd etish bilan bog'liq kompozit xizmatlar joriy etiladi.

📚 Farmonga ko'ra, 2022 yil 1 yanvardan Toshkent shahrida, 2022 yil 1 iyuldan esa butun respublika hududida o'limni qayd qilish bo'yicha quyidagilardan iborat kompozit xizmat ko'rsatish tizimi yo'lga qo'yiladi tibbiyot birlashmasi xodimi vafot etganlik to'g'risidagi ma'lumotnomani rasmiylashtirib, “Tug'ilish va o'limni, shu jumladan perinatal o'limni elektron ro'yxatga olish” avtomatlashtirilgan axborot tizimi orqali elektron shaklda FHDYo organiga yuboradi. Bunda, vafot etganlik to'g'risidagi tibbiyot ma'lumotnomasi vafot etgan shaxsning yaqin qarindoshlari arizasiga asosan ularga qog'oz shaklida berilishi va ular to'g'ridan-to'g'ri FHDYo organiga murojaat qilishi ham mumkin;
✅ FHDYo organi ma'lumotnoma kelib tushgandan so'ng 1 ish kuni mobaynida shaxsning o'limini “FHDYo yagona elektron arxivi” axborot tizimida qayd qilib, QR-kod orqali tasdiqlaydi;
✅ FHDYo organi vafot etgan shaxsning yaqin qarindoshlari arizasiga asosan ularga vafot etganlik haqidagi dalolatnoma yozuvini gerbli guvohnomada eksterritorial tamoyil asosida rasmiylashtirib beradi yoki pochta aloqasi orqali arizada ko'rsatilgan manzilga yuboradi.

📝 To'rtko'l tumani davlat xizmatlari markazi mutaxassisi J.Djumakov

❗️Ayrim shaxslarga davlat xizmatlarini ko'rsatishda 50 foiz miqdorida chegirma qo'llaniladi.

📚 O'zbekiston Respublikasi Prezidentining "Davlat xizmatlari ko'rsatish infratuzilmasini takomillashtirish va aholining davlat xizmatlaridan foydalanish imkoniyatlarini kengaytirish chora-tadbirlari to'g'risida" Farmoni imzolandi.

2021 yil 1 noyabrdan boshlab

✅ “Ijtimoiy himoya yagona reestri” axborot tizimida ro'yxatga olingan shaxslarga, shuningdek, I va II guruh nogironligi bo'lgan shaxslarga davlat xizmatlari markazlari va (yoki) Yagona interaktiv davlat xizmatlari portali (keyingi o'rinlarda – YaIDXP) orqali davlat xizmatlarini ko'rsatishda qonunchilik hujjatlarida belgilangan davlat bojlari, yig'imlar va boshqa har qanday to'lovlar bo'yicha 50 foiz miqdorida chegirma qo'llaniladi (tadbirkorlik faoliyati maqsadlarida yoki yuridik shaxslar vakili sifatida murojaat qilingan holatlar bundan mustasno);

✅ b) Davlat xizmatlari markazlari, “Litsenziya” axborot tizimi hamda YaIDXP orqali ko'rsatilayotgan davlat xizmatlari qonunchilik hujjatlarida belgilangan muddatidan 3 ish kunidan ortiq vaqtga kechiktirilganda, ariza beruvchilarning murojaatlariga asosan, xizmatdan foydalanish uchun to'langan davlat bojlari, yig'imlar va boshqa har qanday to'lovlarning 50 foizi ularga 1 ish kunida qaytariladi.

Bunda:
ariza beruvchiga to'lovlar Davlat xizmatlari agentligining byudjetdan tashqari jamg'armasi mablag'lari hisobidan qaytariladi va Davlat xizmatlari agentligi tomonidan davlat xizmatini ko'rsatish muddatini kechiktirgan davlat organi va tashkilotining byudjetdan tashqari va boshqa mablag'lari hisobidan aktseptsiz undirib olinadi;

Bundan tashqari:
✅ 2022 yil 1 yanvardan bir qator davlat xizmatlarini ko'rsatilishi uchun undiriladigan to'lovlar kamaytirilmoqda va ayrimlari uchun to'lov bekor bo'lmoqda.

Jumladan, O'zbekiston Respublikasining fuqarolariga xorijga chiqish uchun biometrik pasport berish uchun to'lov miqdori avval BHMning 1,2 baravari bo'lsa, endilikda BHMning 1 baravari etib belgilandi.

✅ Tadbirkorlik sub’ektlariga davlat ro'yxatidan o'tkazilganligi to'g'risida yangi namunadagi guvohnoma berish avval Bazaviy hisoblash miqdorining 1 baravari bo'lsa, endilikda BHMning 20%miqdorida etib belgilandi.

✅ Shuningdek, xususiy bandlik agentliklari reestriga kiritish uchun to'lov avval BHMning 1 baravari bo'lsa, endilikda BEPUL etib belgilandi.

✅ Advokatlik byurolarini, advokatlik firmalarini va advokatlar hay’atlarini davlat ro'yxatidan o'tkazish uchun to'lov avval BHMning 2 baravari miqdorida bo'lgan bo'lsa, endilikda BHMning 1 baravari etib belgilandi.

☝️ Maqsad — aholining ijtimoiy himoyaga muhtoj qatlamlarini qo'llab-quvvatlash bo'yicha ishlarni jadallashtirish, davlat xizmatlari sifatli ko'rsatilishini ta'minlash.
To'rtko'l tumani davlat xizmatlari markazi bo'lim boshlig'i D.Tokimbetov