❓Уй-жой қурилишлари қандай амалга оширилади? Кучимиз етадими? Кимлар қуради?

Халқаро пресс-клуб сессиясида Қурилиш вазири Ботир Зокиров ушбу саволларга жавоб қайтарди:

〰️〰️〰️
«4 йилда 150 минг уй-жой қурилган. 4 йил олдин «ижтимоий уйлар» деган атама йўқ эди. Мустақилликка эришганимиздан буён умуман «ижтимоий уйлар» қурилгани йўқ. 4 йил олдин муҳтарам Президентимизнинг ташаббуслари билан шунақа уйлар қурилиши бошланди. Шу ўтган вақт мобайнида катта тажрибага эга бўлдик.

2-3 йил олдин қурилган уйларни ҳозир қурилаётган уйлар билан таққослаб бўлмайди — технологик, энергия тежамкорлик ва қулайлик жиҳатидан бугун жуда катта сифат ўзгаришлари бор.

Жорий йилда 6,5 минг хонадонга ипотека ва субсидия ажратилади. Фуқаролар якка тартибда, яъни ўзининг ери бўлса, ўша ерда иморат тикламоқчи бўлса ёки бузиб қайта қурмоқчи бўлса, эҳтиёждан келиб чиқиб, уларга ипотека кредитлари, субсидиялар берилади».

📹 Батафсил видеода

https://t.iss.one/Rasmiy_xabarlar_Official

Шерзод Қудратхўжа, Халқаро пресс-клуб раиси:

🌐 «Қурилиш ҳар доим жаҳон иқтисодиётининг энг йирик тармоқларидан бири бўлиб келган. Унинг жаҳон ЯИМ улуши 14 фоизни ташкил этади. Қурилишга дунёда ишлатиладиган барча пулларнинг 10 фоизи сарфланади.

📈 Жаҳон банкининг ҳисоб-китобларига кўра, 2030 йилгача 3 млрд нафар одамда янги уйлар ва уй-жой коммунал хизматлардан фойдаланишга эҳтиёж пайдо бўлар экан. Бу глобал даражада 300 млн бирликда уй-жой қурилишини тақозо этади. Бу дунёда уй-жой қурилиши, яшаш жойи камлиги бўйича инқирозни кўрсатади».

https://t.iss.one/Rasmiy_xabarlar_Official

Козим Тўлаганов, Қурилиш вазири ўринбосари, Қурилиш соҳасида назорат инспекцияси раҳбари:

🏗 «1987 йилда Тошкент шаҳрида энг кўп уй-жой қурилиши бўлган давр сифатида 1 млн кв метрдан ортиқ уй-жой топширилганда биз осмонга сакраган эдик. Ўшанда республика бўйича 3 млн дан сал ошиқроқ қурилиш бўлган эди.

🏣 2017 йилдан буён Президентимиз топиширқлари билан Ўзбекистонда катта ҳажмда қурилиш ишлари бошланди. Мисол учун, сўнгги 3 йилда биргина Тошкент шаҳри Сергели туманидаги уйларга 18 минг оила кўчиб кирди. Бунинг учун 442 та давлат йўналиши томонидан уй-жой қурилди.

📈 Бугунги кунда Тошкент шаҳрининг ўзида қурилаётган уй-жойлар 5 млн кв метрдан зиёд, республика миқёсида эса қурилаётган уй-жойлар ҳажми 14 млн кв м га яқин бўлиб қолди. Бу бир йил ичидаги — пандемия давридаги кўрсаткич.

❗️Айрим пудратчилар томонидан уй-жой қурилишида йўл қўйилаётган камчиликлар устидан қатъий назорат ўрнатилди. Мисол учун декабр ойида 1200 та объект топширилиши керак бўлса, уларнинг 300 таси тайёр ҳолда, қолган барчаси қайтарилди. Январ ва феврал ойларида ҳам шу ҳолатлар қайд этилган.

📝 Ўтган йили мамлакатда 25 мингга яқин объект қурилди. Бунақа ҳолат ҳеч қайси даврда бўлмаган. 2021 йил январ ҳолатига кўра, 16 минг объект рўйхатдан ўтган».

Халқаро пресс-клуб сессиясидан

https://t.iss.one/Rasmiy_xabarlar_Official

Халқаро пресс-клуб

Станислав Шмелёв, DSK «Binokor» компаниясининг бош директори:

✔️ «Бугун Ўзбекистонда давлат ва хусусан Президент томонидан уй-жой дастурини ривожлантиришга алоҳида эътибор қаратилмоқда. Катта майдонларда қурилиш ишлари кетаяпти: шифохоналар, мактаблар, йўллар, аҳоли яшайдиган уйлар. Бизнинг компаниямиз замонавий технологиялар ёрдамида илгари панелли уйлар қурилишида кузатилган камчикларни бартараф этишга эришди.

🏗 Биз якка тартибдаги уйларни қурамиз, 16 қаватгача уй қуриш имконимиз бор. 2021 йилда 12,14,16 қаватли уйлар, коттежлар қуришни ўзлаштирдик. Ўтган йили биз Тошкентда 150 минг кв метр уй қурдик. Бу 2000 та хонадон дегани. Жорий йилда қурилишимизнинг иккинчи майдонини ишга туширамиз. Пойдевор қуйилганидан сўнг 2 ой мобайнида 9 қаватли уйни битириб берамиз. Бу уй 6 йўлакли, 200 хонадондан иборат бўлади.

🔎 Қурилиш жараёнининг яна бир муҳим жиҳати — биз заводимизда сифат назоратини ўрнатганмиз, лабораторияларимиз мавжуд, техника назорати бўлими ишлаяпти, умуман 3 босқичли назорат жорий қилинган. Сейсмик кўрсаткичларга келсак, дастурий комплекс туфайли зилзилабардош уйлар куришга эришдик. 2018 йили мутахассилар иштирокида иншоотимизни табиий синовдан ўтказдик, натижа муваффақиятли бўлди.

✅ Янги технологиялар ёрдамида уйларни мослашувчан, қўшимча ички қурилиш учун имкон берувчи, яъни «гибкая квартирография» асосида бунёд этиш йўлга қўйилмоқда. Аҳоли ўз хоҳишига қараб уларни ўзгартира олади ва бунда қурилишга зиён етмайди. Ичида барча қулайликлари мавжуд бўлиб, сотиб олган одам кириб яшайверади.

👷🏻‍♂️ Президент билан учрашганимда соҳада кадрларни тайерлаш, ўқув амалиётини ўтказиш, ўқув амалиёт комбинатини яратиш масалаларини муҳокама қилдик. Ҳозир биз архитектура институти ва қурилиш коллежлари билан ҳамкорликда 8 та касб бўйича мутахассисларни ўқитяпмиз. Яхши кадрларни тайёрламасдан туриб, сифатли уй қуриш мумкин эмас».

https://t.iss.one/Rasmiy_xabarlar_Official