Коронавирус пандемияси шароитида аҳолини озиқ-овқат маҳсулотлари билан талаб даражасида таъминлаш долзарб масала.
Шу аснода, бугун Тўрткўл туманида истиқомат қилувчи қарийб 215минг нафардан ортиқ аҳолини тиббий меъёрларда белгиланган озиқ-овқат маҳсулотлари билан таъминлаш учун зарурий чоралар кўрилмоқда.
Унга асосан, туман аҳолиси учун киши бошига талаб этиладиган йиллик истеъмол товарлари ҳажмли ҳамда жорий йилнинг 9 ойи давомида етиштирилган маҳсулотлар билан таҳлил қилинди.
2020-2021 йиллар қиш-баҳор мавсуми учун асосий турдаги озиқ- овқат маҳсулотларини заҳирага жамғариш мақсадида 7 та корхона ва ташкилотларда 3150 тонна сиғимга эга бўлган совутгичлар, 6 тасида эса 4200 тонналик оддий омборхоналар мавжуд.
Улардан бири 2017 йилда иш бошлаган «Намунали Қурбонбой» агросаноат фирмасидир.
-Бу ерда жойлашган сиғими 1000 тонна бўлган музлатгичда айни кунларда 500 тоннага яқин мева сақланмоқда. Шунингдек, бу ерда сабзи, картошка ва пиёз каби полиз экинларини ҳам жойлаштиришни бошлаймиз. 9 та бўлмадан иборат мазкур совутгич замон талабига тўла жавоб беради. Бу эса маҳсулотларнинг белгиланган муддатга қадар сифатли сақланишига замин яратади, дейди ушбу фирма раҳбари С. Абдуллаев.
Шунингдек, омборхоналарда ҳам мавсум давомида аҳолига қишлоқ хўжалиги маҳсулотларини сифатли сақланишида ҳам амалдаги ишлар йўлга қўйилган.
Дархақиқат, инфекция қуршовида яшаётган бир даврда истемол товарларининг хавфсизлиги ўта муҳимдир.
Айни мавсумда эса бозор расталарига озиқ-овқат маҳсулотларини етказиб бериш, бозорда тадбиркор ва харидорларга шароит ва қулайликлар яратиш, нарх-навонинг сунъий ошишини олдини олиш, барқарор сақлаш халқ учун яратилган имкониятларнинг яна бир кўринишидир.
Буларнинг барчаси пандемия шароитда халққа хизмат кўрсатиш, уларга қулайлик яратиш йўлида олиб борилмоқда.
Каналга уланиш👇👇👇
👉 https://turtkulhokim.uz
🌐Ⓜ️anba: https://t.iss.one/turtkulhokim_uz
https://www.facebook.com/turtkultumani.hokimligi

Барчамизга маълумки, Ўзбекистон Республикаси Вазирлар Маҳкамасининг 2020 йил 16 апрел кунги “Коронавирус пандемияси шароитида республика аҳолисига давлат ресурслари ҳисобига ун маҳсулотларини тизимли ва кафолатли етказиб бериш чора-тадбирлари тўғрисида”ги 01-03/1-638-сонли йиғилиш баёнига асосан короновирус пандемияси шароитида юзага келган вазиятни инобатга олиб, ички бозорда озиқ-овқат хавфсизлиги ва нархлар барқарорлигини таъминлаш, тумандаги барча истеъмолчиларга ун маҳсулотларини биржа савдоларисиз тўғридан-тўғри шартномалар асосида тизимли етказиб бериш бўйича вақтинчалик тартиб ишлаб чиқилган эди.
Ушбу тартибга асосан Тўрткўл туман ҳокимлиги, Бош прокуратура ҳузуридаги Иқтисодий жиноятларга қарши курашиш департаменти Тўрткўл тумани бўлими, Ички ишлар бўлими, Давлат солиқ инспекцияси тегишли ходимлари ҳамда маҳалла ва овул фуқаролар йиғини масъулларидан иборат ишчи гуруҳи шакллантирилган.
Ишчи гуруҳ томонидан эса туман аҳолисига пандемия шароитида ун маҳсулотларини сифатли ва кафолатли етказиб берувчи тадбиркорлар ўрганилиб рўйхати тўлиқ шакллантирилган.
Ушбу тадбиркорлар томонидан бугунги кунда белгиланган талаблар бўйича туман аҳолисига Қорақалпоғистон Республикаси Вазирлар Кенгаши баёни билан тасдиқланиб ноябр ойида Тўрткўл туманига “Тўрткўл дон маҳсулотлари” МЧЖ томонидан жами 838,9 тонна ун маҳсулотлари ажратилган бўлиб, шундан қолипли нон ва макарон маҳсулотлари ишлаб чиқарувчи тадбиркорлик субъектлари учун 120,1 тонна, аҳоли истеъмоли учун 718,8 тонна ун маҳсулотлари ажратилган.
Ушбу ун маҳсулотлари график асосида маҳалла ва овул фуқаролари йиғини ҳудудига ҳар бир жон бошига 3,4 кгдан, 1 кг ун нархи 2800 сўмдан тизимли назорат асосида етказилиб берилаётганлиги, Ўзбекистон Республикаси Вазирлар Маҳкамасининг 2020 йил 16 апрел кунги баёни топшириқлари бўйича фуқаролар йиғинлари раислари ун сотишга жалб этилган савдо ташкилотлари раҳбарлари билан биргаликда аҳолини бир вақтда ун харид қилишга тўпланиб колишини олдини олиш учун хонадонлар рўйхатини тузиб, уларни ун харид қилиш учун савдо дўконига келиш графигини ишлаб чиқади ва бу тўғрисида ҳар бир хонадонни хабардор қилиши бўйича тушунтирилган.
Бугунги кунда овул ва маҳалла фуқаролари йиғинларида истиқомат қилувчи фуқаролар томонидан ушбу масалалар бўйича мурожаатлар тегишли тартибда ишчи гуруҳ томонидан ўрганилиб борилмоқда.
Хусусан, туманимиз фуқаролари ўзи истиқомат қиладиган маҳалла ва овул фуқаролари йиғинига мурожаат қилиб, ушбу ҳудудга ун маҳсулотларининг келиши, сотилиши бўйича график билан танишиб чиқиши мумкин.
Ўз ўрнида туман ҳокимлиги ҳузурида ташкил этилган ишчи гуруҳ томонидан бугунги кунда барча овул ва маҳаллалар ҳудудларида ун маҳсулотлари белгиланган график ва нархда сотилиши назоратга олинганлигини билдирамиз.

Батафсил 👉👉👉 t.ly/l8Ro

Тўрткўл тумани ҳокимлиги ахборот хизмати.

Каналга уланиш👇👇👇
👉 https://turtkulhokim.uz
https://www.facebook.com/turtkultumani.hokimligi
🌐Ⓜ️anba: https://t.iss.one/turtkulhokim_uz

Бугун Тўрткўл тумани ҳокимлигида фуқаролар йиғини раислари билан ўтказилган йиғилиш Қорақалпоғистон Республикаси Вазирлар Кенгашининг 2020 йил 26 октябрдаги йиғилиш баёни талабларидан келиб чиқиб Тўрткўл тумани ҳудудида табиий ва ис гази билан боғлиқ фавқулодда ҳолатлар ва ёнғинларнинг олдини олиш мавзусига бағишланди.
Йиғилишда туман ҳокими ўринбосари Э.Халимбетов, Қорақалпоғистон Республикаси фавқулодда вазиятлар бошқармаси бўлим бошлиғи, майор Ж.Есенбаев ҳамда Тўрткўл туман фавқулодда вазиятлар бўлими бошлиғи ўринбосари, подполковник А.Жумашов ва туман ҳокимлиги қурилиш бўлими вакиллари куз-қиш мавсумида ёнғинни олдини олиш, фуқароларнинг ҳаётини сақлаш ҳамда мол-мулкини ҳимоялаш бўйича тузилган гуруҳларнинг тарғибот ва ташвиқот ишлари тўғрисида тушунча беришди.
Йиғилишда туманда содир бўлган ёнғинларнинг 85 фоизи аҳоли орасида содир бўлиб, уларнинг келиб чиқиш сабаби ёнғин қоидаларига риоя қилмаслик, носоз электр жиҳозларидан фойдаланиш оқибатида юзага келаётганлиги эътироф этилди.
Бу борада туманда фаолият юритиб келаётган ёнғинни олдини олиш хизмати фаолияти тўғрисида ҳам тушунча бериб ўтилди. Йиғилиш якунида фуқаролар йиғини вакиллари томонидан мавзу юзасидан берилган саволларга мутахассислар томонидан тегишлилиги бўйича жавоблар берилди.

Батафсил 👉👉👉 t.ly/BEvR

Тўрткўл тумани ҳокимлиги ахборот хизмати.

Каналга уланиш👇👇👇
👉 https://turtkulhokim.uz
https://www.facebook.com/turtkultumani.hokimligi
🌐Ⓜ️anba: https://t.iss.one/turtkulhokim_uz